水口佬, 你永遠都係我心目中o既最受歡迎老師!!!

下晝同豬屎阿欣返可風, 想見o既老師都見晒~ 都吹過水~ 勁勁勁開心~~~~~~

食完個米線搭小巴返去, 架小巴勁兜路, 去到象山村嗰陣我哋三個都發癲咁滯~

我好叻, 本來諗住打個電話俾miss poon, 叫佢唔好走住, 點知我三個都冇佢電話, 但我竟然記得可風個電話係24253563囉~~~

但好可惜, 接電話o既已經唔係書記姐姐, 而係「歡迎致電可風中學, 如學生要請假, 請按3字; 如想查詢有關中一收生, 請按4字......」
x#$%&yz......

我哋入到covered playground第一個見到o既係麥sir, 即刻大叫「麥~~~sir~~~」咁衝埋去, 我諗佢都俾我哋嚇親喇~ hahaha~

有一個staff room搬咗上五樓, 行樓梯上去都行到氣咳~ 但見到miss poon就咩事都冇喇~ 呵呵呵~ 今次見missy, 覺得佢個樣冇以前咁攰~

陳志明記得阿欣同豬屎姓乜, 跟住我問佢記唔記得我, 點知佢唔答... 仲同我講「起~ 冇你咁好氣~」佢記得o既~ 但佢個樣真係好無賴呀~~~

鄧sir~~~ 就係因為你!!! 我決定唔改名喇~ 我覺得你叫"kristie"真係特別好聽架囉~~~ 好開心呀~~~ 開心到癲咗啦~~~ (咳咳~ 鄧sir係我最admire既英文老師, 中一二帶我去英詩集誦, 拎咗兩年冠軍, 中三四五都教我英文, 我啲英文ok都應該係因為佢~ 佢好好人, 成日都好cheerful~ 仲好似秀一醫生添~)

之後再打俾細馮, 佢呢個330部隊竟然到四點都仲未走~ 當我問佢做咩留到咁晏o既時候, 佢用「你真係了解我嘞」同埋「人會變月會圓」嚟回應我~ 好搞笑~ 同埋呀, 我諗你真係似我朋友多啲囉~ 因為你每次都係因為有事先會打俾我~ 而且~ 你記得我生日喎~~~~~~

走出教員室, 見到我細佬喺籃球場中間帶熱身, 個感覺好搞笑~~~ 佢好似真係大個咗喇~

四點至七點呢段時間係麥sir既~ 佢講咗好多好多, 真係好開心佢有一對咁聰明伶俐o既仔女, 我相信有朝一日佢一定可以一家人去「笑傲江湖」一番o既~~~

另一方面, 聽佢講politics, 雖然聽到有啲亂, 但反而令我自己冇咁混沌。要做到外圓內方真係有啲難度, 我比較傾向唔出賣人格囉, 所以就算上唔到位都唔會怨... 最討厭拍馬屁!!! 嘩... 你唔係唔知我樽鹽有幾大樽至得架... 要對得住自己先可以生活得開心ga...

我係麥sir教出嚟o既, 我自然就會buy佢嗰套~

if you lose your money, you lose nothing;
if you lose your health, you lose something;
but if you lose your character, you lose everything.

離開可風嗰陣同阿sir、細之(即係大之個細佬, 讀可風o既先知~)同一個師弟一齊行。我同細之the basketball coach講「你一定要睇住我細佬, 唔好俾佢學壞呀~」

原來我一直都冇離開過可風~