dream cafe

既然部腦壞咗, 係唔係都做唔到功課, 我梗係唔可以浪費咗日day-off, 實行要happy friday啦~ 所以夜晚我同嘉怡上咗dream cafe食飯飲嘢~嘩... 真係有傾唔完o既話題、吐唔完o既苦水同埋講唔完o既是非呀~

中途jacky阿華阿蘅三寶殺咗上dream cafe, 後來仲坐埋一齊添~ 呢個組合好似怪怪哋, 不過都好開心~ 嘉怡十一點左右走咗, 之後我同佢三個玩飛行棋~

第一鋪係正常規則o既, 但因為阿蘅同阿華做咗盟軍, 佢哋唔炸對方, 玩得太禮讓嘞~ 我覺得唔好玩, 所以明咗第二鋪, 「殘酷的飛行棋」...

玩法係如果得食人啲棋就一定要食, 如果唔記得食而又俾人捉到的話, 最遠嗰架飛機要返大陸~ 其他規則照舊... 結果係全程不停咁炸人, 我未試過玩一鋪飛行棋玩咁耐囉~ 我諗下次玩要再加多一條---如果有得自己炸自己就一定要炸, 因為係撞機, 所以兩架都要一齊返廠~ 咁應該會玩到天光嘞~

我鐘意dream cafe+飛行棋~ (如果佢唔係迫人入會我會更加鐘意間cafe~)