病

前晚發燒.. 仲走去加利福尼亞...
擒日朝堅持返工, 返到去迴光返照一樣(啋啋啋!!!), 見咗三個客, x個電話, y個email, z個proposal... 咩事都冇...
點知一放工返到屋企又發燒...
食唔到飯, 一食就嘔...
雖然而家好似冇咩事, 但我都喺屋企攤抖吓嘞...

p.s. 張medical card真係令人又愛又恨...

智能身分證

今日放咗工之後出咗荃灣換智能身分證, 簡直係貴賓式禮遇~~~ \(>o<)/
counter姐姐俾咗張表我填, 話填完等嗌number, 但我未填好佢就已經叫我入去嘞... 而我左望右望唔知點入去, 好快就有個嬸嬸同我講:「係咪405呀?」仲帶埋我過去添~
行到去入面, 又有個後生仔企咗喺度「迎接」我喎! 佢呀... 好好笑容~ 好好禮貌架~ 你哋估吓我影咗幾多張相?? 超過十張ga~~ 係咪好誇張先~~?
我試咗好多個唔同o既造型, 分別有戴眼鏡、唔戴眼鏡、頭髮擺前面、頭髮擺後面、微笑、認真咁笑等等...
最後我係揀咗一張唔戴眼鏡頭髮擺後面同埋認真咁笑嗰張~ 但呢張我其實一啲都唔滿意... 不過真係影到唔想再影喇... (唔好打...) 反正張張都唔靚... (快啲講--- 「梗係啦, 你真人靚過上鏡好多~~~」啦...)
影完相要見官, 佢話我啲指紋用e-道可能會有啲困難喎...
點解咁好? 咪就係成個中心都係得我一個人換身分證之嘛... (有人嚟佢哋都不知幾開心~) 我真係highly recommend你哋去荃灣智能身分證中心換證呀~ hahahaha~~~

太多節目...

工作太多, 時間太少... (但我堅持唔OT!!!)
節目太多, 但時間同精神都太少...
我想睇波呀... 但真係冇精神 @_@
我想飲嘢吹水吹通頂呀... 但真係好眼瞓~~~
仲細咩...?
唔想咁快就變咗「殘花敗柳」喎~~~

點先可以好好運用放咗工之後o既幾個鐘呢?

-----

呢幾日都寫咗好多嘢, 但擒日又唔知發咩癲走去碎鬼晒...
不過... 有啲嘢可能唔記得仲好... 好鬼煩!!!

唔適應唔係理由, 好煩好亂都唔係藉口!!!
係咪我懶散咗呢? 係我卸落啲客度定係啲客卸得就卸呢???
同事都話不嬲呢個客都係麻煩, 但我都覺得自己好唔啱, 係我control得唔好! 你係新人, 人哋會俾機會你; 但做得耐咗, 稍有差池就…喇… 同埋我最唔想o既就係麻煩到frontline既同事囉…
最難頂o既係, 你冇做錯, 但個客話你唔啱就係你唔啱~~~ 真係想兜口兜面咁話佢「你都打橫嚟講o既!!! 你不如問吓你啲staff做過啲咩仲好啦!!!」
好在… 我已經習慣咗俾啲客撚化…

朋友們, 你想呻即管打俾我! 但我真係連呻o既力都冇喇…

-----

16/6
阿根廷 vs 塞黒
所以話呢~ 足球都係有波入o既好睇~~~

17/6
BBQ w/ Bill, Lu, Banana, Mike, Ching & Sarah
好好天~~~ 雖然係熱咗少少, 但三點鐘入去係明智o既決定~~~

葡萄牙 vs 伊朗
有我最鐘意o既費高~~~ 好man~~~ 型到死呀~~~ >o<
未試過咁討厭一個球員---C朗拿度!!! 見佢前面憎佢後面, 最慘就係個鏡頭成日都影住佢, 真係勁刻人憎!!!
阿bill唔好咁嬲啦…

18/6
無理取鬧!!!

東涌早晨!

唔經唔覺, 已經定居咗喺東涌一個星期嘞~
好彩, 一啲唔習慣都冇, 反而覺得幾好住, 係搭車耐咗啲同埋貴咗啲囉~~~
同埋突然間覺得... 我呢個「冷街王」真係冇得去夜街lu...

前幾日都係執嘢... 但唔知點解執嚟執去都係執唔完o既...
仲有一箱嘢喺房呀... 我個妹就嚟要同我脫離關係o架喇... 我唔係唔鐘意整齊, 但都唔鐘意執嘢囉......
懶到連我自己都好討厭自己呀... @_@

-----

09/06
Yicca's Crazy Night

10/06
England VS Paraguay

11/6
青衣城w/ fds

183 club...

wahhahahahahaha~~~~~~~
笑死我... 擒晚睇勁歌... 見到佢哋五個...
佢哋唱啲歌... 跳啲舞... 同埋啲「造手」呀... 娘到吖~~~
真係好好笑~~~

p.s. 本來想post佢哋張相上嚟, 但諗諗吓都係唔敢~

sigh...

wanna write everything i'm thinking in this blog...
some very very personal stuff...
but i dare not...

thanks for reading all the way, what has been written here is not fake, but i doubt how real is it, ironic... isn't it?

somehow, i'd rather write on a piece of paper.