完美關係

跟你走在這條路　你我期望這麼高
我要過得真的好　免得給你煩惱
福氣不是錢買到　無瑕無憾的擁抱
從前遇到得不到　太感激你趕到

愛你等於愛著我　你把光陰獻給我
留下了空間可以任我怎樣過
我若然犯了過錯　你微笑婉惜使我內疚更加多
怕你好心縱壞我　我會好好愛惜我
全為了已經找到完美的一個
這一對在四季渡過　戀愛　承全亮閃閃發光的我

電腦係家庭成員之一

我部腦唔係換咗好耐, 但係個harddisc就用咗幾年, 我諗佢真係就嚟唔得嘞......
我唔想你有事呀... 你知唔知道你對我有幾重要呀?
嘩... 想當年... 有60GB都真係唔嘢少架喇~
估唔到而家搞成咁...
又係喺我勁交功課o既季節死機... 你好嘢!
(呀... 你係咪凍呀??? 一係我幫你整返張被呢...)
傻咗...

-----

喂! 用個新message forum嚟留言啦~~~
唔會好似以前咁麻煩架啦~~~

i'm lovin' it 陳慧琳紙醉金迷演唱會

靚人靚衫靚聲~ 氣氛又一流~ 一個吉位都冇~~~
全場都勁齊咁拍吹氣棒棒~~~ 四百o既企晒起身~ 仲有唔少山頂一百蚊o既企埋一份~ 個氣氛真係超好~
kelly好少講嘢, 全程不停咁唱唱唱唱唱, 我問咗好多次"唱完未架佢??"... hahaha~ 而且每part舞都好好睇, grand又得, 有氣勢又得, 做童話故事都得~~~
唔駛頹坐等散場, 真係好~ 有人嗌encore先出嚟唱, 真係好呀~~~~~~ (雖然佢應該係唔係都會"encore"~)
真係冇咩可以挑剔架嘞~~~
睇商業嘢真係一啲都唔緊要~ 起碼呢個concert真係完全知道市場需求, 完全滿足到觀眾o既口味囉~~~
kelly好嘢~~~~~~

仲未去睇o既你哋, 快啲去買飛啦, 真係唔怕會悶親喎~ 我唔會介紹錯o既~~~

平凡最浪漫

平凡地與你看看電影
甜蜜處與你同和應 　
聽主角傾訴彼此心聲
已製造了這夜那溫馨 　
然後你再帶我去探望晚星
情沒有細說仍然動聽
兩心已彷以緊勾於一起
浪漫處由清風去做見證
情愈簡單　一切竟愈美
每點溫馨　縱感覺輕微 　
卻正好一分一秒心裡面堆積
也許為了這樣我愈喜歡你
情愈簡單　一切竟愈美
每點溫馨　也感覺新奇 　
徘徊在你與我的靠倚之間
多麼清脆教人心醉長夜空中飛

WHAT??????!!!!!!

吓? 咩話??!!! (高八度尖叫+走音嗰隻)
王力宏出新碟!!!???
點解我完全唔知道架??????

當3個A&D遇上3個SMA

今個聖誕, 我同joseph, 阿華, 阿蘅, 阿琪同埋phoebe去咗梅窩玩~

我最鐘意就係踩單車~ 踩咗好多轉呀, 對腳真係攰攰攰攰攰囉~

其實入去都係飲飲食食同埋傾吓計啫, 大家硬係要喺戶外地方先傾到計架喎~~~ 佢哋五個都出咗嚟做嘢, 得我一個讀緊書... 聽咗唔少佢哋工作上o既事, 我唔知道我第日出嚟做嘢o既時候會唔會咁... 但我會整多幾個心理準備...

交換禮物呢個環節我哋用咗一個好刺激o既方法去進行, 就係每次擺一份禮物出嚟, 除咗買嗰個人之外, 全部都要猜, 猜嬴咗嗰個就可以得到嗰份禮物, 刺激o既方係你到最後好有可能一份禮物都得唔到~~~~~~

而我... 就係嗰個咁不幸o既人嘞......
(不過~~ 後尾joseph俾咗佢嗰兩份我~ haaha~~)

phoebe, 你漏咗份禮物+5個梨呀...
阿華, 你漏咗個handfree呀...

---待續...

聖誕倒數... 仲有兩日咋~~~

今日同班同學仔玩交換禮物~~~~~~

我本來抽中咗明仔o既優之良品精選糖果~ 但之後同titan交換咗個sara買o既織頸巾「機器」~ 奈何我研究咗好耐都係織唔到... 都係情願用手織囉~~~

買廿蚊之內+有用o既禮物, 真係有啲傷腦筋ga~~~


一堆禮物, 用公文袋包嗰份係我o既~

放咗學之後喺金鐘見到中同胡屠戶, 依舊係撈得風生水起喎~ 佢呢頭落車, 嗰頭阿琪就打俾我, 咁我就去咗旺角同佢行街嘞~~~ 我同佢都想買去camp時交換用o既禮物, 但係始終都買唔到... 唯有再約聽日去銅鑼灣啦~~~

返到屋企, 收到一個來自英倫o既郵包~~~ 豬屎呀豬屎, 我收到你張咭同個向日葵禮物嘞, 好鬼得意, 不過我開頭以為係泥膠玩具嚟... 哈哈哈~~~

無論如何, 多謝你~ 不如你過年返嚟啦~~~~~~
p.s. 你啲字呀... 潦草到呢...


kristie & bracelet~

睡眠嚴重不足囉...

由上星期四開始, 我每晚都只瞓到三四五個鐘...
因為返工+返學+做功課(+去街)...
今朝做完功課再print埋都成四點lu, 但係七點半就要起身返學, 返Ian既seminar~ 點知我擦完牙洗完面返房換衫o既時候, 竟然瞓返都唔知囉......
到我知醒o既時候已經係十點... 我諗我真係好攰... 因為我唔記得自己幾時瞓咗, 同埋我都唔知點解自己可以好舒服咁喺個被竇入面囉...
返到學校十一點半, 堂CB淨返半個鐘咋... 唉~~~~~~

隔離班開p, 過咗我上堂o既時候都唔走, 仲要唔好好咁清理返個現場喎... 好無品呀!!! 無奈o既係teresa力撐, 仲話:「佢哋有咩得罪你哋先?」
梗無架... 我哋無開個p俾你玩丫嘛... 唉...
sara唔好嗌咁大聲啦~~~ 雖然我都好出奇我冇媽叉佢哋...

今日present咗e-marketing plan, 冇話好唔好o既, 我淨係好開心又了結咗一件事啫~ 之後就淨返B女分析同埋research嘞~ 好想快啲可以去玩~~~

present完走o既時候生咗一段小插曲, 就係我發脾氣, 好惡咁叫「影相o既同學」delete返影咗(我)o既相。我呀... 小氣+唔玩得, 亦都唔鐘意俾人偷拍囉!
燥燥燥燥燥燥燥燥呀!!!!!!

放學去咗買交換o既小禮物, 希望抽中o既人唔好覺得我敷衍了事啦~ 同場仲買多咗一本書~ 就係陶傑o既精選作品集5<迷宮三千祭>嘞~~~

我大食...

呢幾日... 真係好大食~~~
平均一日係食四餐正餐分量o既食物架~~~
仲未計汽水同埋朱古力喎......
咩事呢?
可能係我生蟲...
可能係冬天就到要儲定啲能量(for冬眠, 哈哈)~
唔... 一定係我太過勤力, 用咗好多energy, 所以要食好多嘢去補充嘞~~~
你... 竟然話我好似又瘦咗??! 好驚喎......

cosplay...??!

呢三日做wedding expo, dress code係白裇衫+黑裙+黑絲襪+黑鞋+公司供應o既黑色圍裙一大條~~~~~~
我覺得自己好異相呀... 好似樓上game show嗰啲cosplay人咁呀...

得閒再講~
i miss u all~

嘩... 忙到丫...

無暇抱怨 無暇悼念 日子兵慌馬亂
擇日失眠 亦別要揀這三數天...

假使你也方便 選一週最後那天
不想與我糾纏 也懇請撐到那天
因今天 恐怕要 工作到 特別夜 沒法見
想哭兩秒都怕要到深宵三點
才能抽空心酸

做姊妹呀~~~

我第三個堂姐前兩日結婚, 我去咗做姊妹呢~~~
真開心~
仲玩得好攰添呀......

就係咁...
星期六日都冇做過功課, 點算好??!

呢幾日~

Marcom出咗mid-term既成績, 相對嚟講, 我o既result真係唔錯~

雖然成績咁好係意料之外, 但自問呢一科自己真係最有興趣、又係最俾心機好讀o既, 真係幾滿足~

-----

聖誕節book咗camp, 可以同班啱傾啱玩o既朋友去camp, 真係一件賞心樂事~

雖然book camp係有一啲波折, 令到我好忟!!! (渡假屋老闆話我發脾氣講電話果陣好搞笑, 好無奈 = =") 但我都有疏忽, 算啦~ 總之我而家真係holiday mood, 好想快啲同你哋去反呀~~~~~~

-----

好在冇通頂做份internet mktg功課, deadline一改再改... 無啦啦又多兩個星期......

-----

勁勁勁勁眼瞓o既一個下午, phoebe+阿琪同我去咗食tea~
唔係我想唱衰佢, 但大家真係千祈唔好去旺角雅蘭果間仙跡岩, service超差!!!

三個女人仔, tea完就梗係去行街街啦~

-----

行咗好多日街都未買到堂姐wedding既飲衫, 真係弊......

冬眠症候群~

冬天嚟嘞~~~ 愈來愈有聖誕氣氛~
但我偏偏就唔想咁凍, 我真係好怕凍~~~
好怕凍到個人變咗紫色嗰個樣囉......

前兩日終於都買返張冬天被, 仲一買就兩張, 一厚一薄, 而家用緊薄嗰張~~~ 真係好瞓好多~~ 日日都唔識得起身, 好在有morning call啫~ hahaha~~~
呢啲天氣... 真係無時無刻都想瞓~~~

Bridget Jones: The Edge of Reason

等咗兩日(本來一上畫就要睇架喇!!!)~ 擒日出銅鑼灣, 終於都睇咗嘞~~~ 好開心, 套戲雖然係誇張咗啲, 但都冇令我呢個BJ迷+Renee Zellweger迷失望~~~ BJ繼續咁cute, mark繼續係"木獨佬", daniel又繼續風流喎~

由我識得BJ開始, 我就覺得自己同佢有幾分似... (除咗身型=.=") 外面o既人可能唔覺, 但我知道自己係似佢架...... 如果mark真係唔理bridget, 我諗我真係會喊出嚟囉~~~

afterall, 請大家都相信最愛錫你o既mr. right其實一直都喺自己身邊~


Hugh Grant一出場, 又係全場女士"嘩~~~"o既時候嘞~~~

what the hell are you doing???!!!

我問自己啫...
我理應好忙架, 但係我真係一啲衝勁都冇, 咩都唔想做...
我諗自己真係有啲本末倒置咗, 將讀書同學日文+搵工+行街買嘢倒轉咗~
咁就sem尾嘞, 我都唔知可以點形容呢個sem~
咁會唔會灰咗啲呢?

關心你(們)

前天到葵芳找朋友p, 再陪她吃晚飯, 席間的談話都是圍繞她的生活。
徐同學常說我所得有關朋友p的資料一點都不updated, 說得也是~ 雖說「新聞」真的很快會變成舊聞, 她總是每次都要人担心一下~
回家途中一直在想, 她會否做錯了一些所謂無分對錯的事? 很想罵她一頓, 至洩我心頭之忿!!! 「唔好咁頽啦你...」

還有很多朋友~~~ 很久沒見面, 想聚一聚~

-----

某位朋友:
我是由衷地關心你的。
如果我打電話給你, 而你正在忙的話, 不妨直說, 我會很識相地馬上掛掉,
是真的, 如果你真的正在忙的話...
留言、icq msg、sms都試過了, 但你呢? 就連敷衍的回應都欠奉。
朋友, 什麼時候你不把我再當成朋友?
你一定是太忙了, 所以忘了告訴我......

你開心就好~

你開心就好, 你鐘意就得嘞~~~

平凡女子一生該做的十九件事

生命的結構很簡單，是存在於每天每一小時之中，當我找到一小時去做比別人更有意義的事，我就會比別人有更豐富的生命。

這是在網路上看到一名大陸網友的post，很有意思，值得女性多想想。

18歲至28歲

一、多讀書，多思考。其好處到你25歲以後會逐漸顯現。知識才能改善命運，而老公只能改變你的生活，你可以是知識的主人，但你只是老公的配偶。

二、爭取考入一個起碼二流的大學，當然一流最好。讀大學的時候不要錯過談戀愛，更不要錯過一切可以自我表現和鍛鍊的機會。

三、每天把自己打扮得漂亮可愛一點，投入地愛一次，大多數女人需要一次刻骨銘心地愛，這樣可以儘早實現情感免疫，也可以為未來的日子留出更多理性的空間。

四、如果你不打算“頂客”，條件又允許的話，趁著父母還可以做兼職保姆，抓緊時間生個baby，這種結果對於一個重視正常流水線生活的女人來講是有必要的。

28至38歲

五、不要忘了抽空讀讀書和報紙，時尚雜誌的數量最好不要超過40%，因為你已經不是個女孩子了，儘管你十分不情願，但你還可以賣毛絨玩具。

六、能不錯過婚姻，還是不要錯過。當然一旦錯過，千萬不要將就，找錯人給你和他帶來的傷害可能比不結婚還要大。結婚不是一件十分大不了的事情，如果是為了父母結婚的話，那就試著去愛你的老公，慢牛股雖然沒有激情，至少不會狂起狂跌，免得你身心交瘁，疲憊不堪，但據說也有可能讓你如坐針氈。

七、要有幾個紅顏和藍顏知己，紅顏知己可以讓你了解和放鬆自己，藍顏知己有助於你了解男人和這個社會。如果你控制不了自己非要和知己上床，那恭喜你有了情人，享受自我的同時請不要抱怨保守人士扔過來的臭雞蛋。其實，上床的權利最終決定於女人，有所不為才能有所為，無原則的心軟或挑逗只會讓你成為棄婦或木子美。

八、學會跟已婚男人愉快而又不越軌的交流，要學會拒絕的技巧，如果他離開，不要去追。就當他們是一片美麗的風景，但絕不需要你留下來做園丁，因為那裏園丁已經很多了。已婚男人是美麗的公園，想呼吸新鮮空氣的時候，逛逛就可以了，如果碰巧公園倒找你門票，那就說聲謝謝上帝吧。

九、超過 25歲有男朋友的，如果沒有什麼大不了的矛盾最好不要考慮分手，尤其你還是個以結婚作為歸宿的人。年齡大，跟陌生人磨合的成本越高，變成第三者的幾率越大，不過，生活是自由的，單身有單身的寂寞和快樂，結婚有結婚的苦惱和孤獨，如果不考慮以婚姻為歸宿，那你不必在意。

十、如果你決定和你愛的人結婚，不要在乎主動付出做一個體貼的好老婆，能有人值得你付出女人的一切是你的幸福，也是婚姻漫長夜空中閃爍的禮花，有愛才有溫存，有溫存才有幸福。如果不幸沒有找到這個人，你要知道自己在做什麼並能為自己負責就可以了。

十一、過了28歲以後，要全力以赴自己的事業，這時候的你是最累的，既要是個好老婆，還要是個好員工，如果你很榮幸地成為了中層，那恐怕你絕不擔心減肥的事情了。也不是每個女人都有這種強烈的事業感，那至少你可以做一些自己喜好的事情，哪怕寫點文章，瓊瑤阿姨寫的東就買了不少錢，也許你可以比她還強。不要告訴我你只喜歡躺在沙發上看電視和吃零食。

十二、買一個自己的房子，可住可租。有機會不妨出國旅遊，即放鬆又長見識。實在資金不足還可以騎自行車出去看看路上的帥哥，好心情是自己創造的。

十三、我知道你太愛你的工作了，不過最好別愛上你的老闆。

十四、一定要做一個經濟獨立、思想獨立的女人，在這個前提下，找個尊重你的好老公，毫無壓力地作只小乖貓

38歲以後

十五、無論如何你都找不回從前的青春感受，看到周圍的年輕人，只有兩個字：羨慕。這時候的女人氣質最重要，氣質離不開內涵，感謝你曾經讀過的書和奮鬥自省，樂觀付出的生活歷程吧，氣質是裝不出來的。

十六、38歲以後的女人一定要有自己的事業，這個事業不一定是公司、生意，而是能讓你的生活充實的，同時也能給別人帶來或多或少正外部性的活動。

十七、終於可以比較放鬆和安全地處理兩性關係了，因為性別特徵越來越不明顯了，況且臭雞蛋對你的關注力也下降了，除非你是公眾人物。

十八、如果沒結婚，還可以來一次戀愛。

十九、活到老，學到老，開心到老

happy birthday to sara~

Sara生日~ 大個女喇~~~

我一定唔會忘記... 我今日有幾痛ga......

大日子~

火~~~

事先聲明, 我唔係講緊個別o既人, 亦都唔係講緊個別o既事件。我只係燥啫~

第一, 我好憎等人, 唔係我冇耐性, 係我覺得如果唔係有其他事要做, 唔守時係對你約咗o既人好唔尊重o既一件事。
一個人守唔守時、遲到遲幾多, 可以反映得到佢對呢個約定有幾重視。
有啲人約咗朋友會遲到, 有啲人可能約咗男/女朋友會遲到, 但係返工/做「正經事」又唔會遲ga喎, 點解會咁o既呢?
我都會有遲到o既時候, 我唔係想blame任何人, 但係我真係想大家知道, 等得太耐, 係會唔開心ga! what i want is just a little respect!!!
你哋嗰啲係時間, 我嗰啲係唔係先?

第二, 自問唔係一個玩得o既人, 所以我唔會整古人~
所以... 啲無聊人係要玩, 以為自己好幽默的話, 小心啲囉~
咩事啫而家, 出得嚟行預咗要還ga啦~!

我真係好燥呀呢排~~~

我煩燥... 我就範...

我冇m到, 但係我真係好燥...
唔想講嘢唔想笑咩都唔想做喎!
淨係想喺屋企做一啲自己鐘意做o既事咋!!!!!!

今日俾我班入面o既幾位美女夾咗去唱k lunch, 真係估唔到我會就範~
我呀... 竟然會就範囉!!!
不過, cherie既粵曲唱腔同埋jack既「等我話俾你知咩叫做真正o既男人聲啦!」真係好好笑~

影畢業相 + art of commercials 2004

上星期六(13/11), 約埋班姊妹去咗poly同阿bill(都係姊妹~)影畢業相~
晨咁早就出左尖咀食早餐嘞~ 勁勁勁勁眼瞓囉~~~ 其實預咗唔會咁準時, 所以先慢慢食再慢慢行過poly, 去到仲坐咗喺度慢慢咁睇報紙添......
十一點半, 終於都開始影。個人嚟講真係好仲意喺草地上面嗰幾張, 真係好似啲青年中心會刊咁樣, 勁搞笑~~~

kristie and friends ^.^

本來約咗嘉怡十一點, 後尾好似成點鐘先過到city~
仲同佢哋飲埋個茶添~ 見返好耐冇見o既陳嘉健呀~~~
本來想返屋企做功課, 但係實在太遲嘞...
本來我仲要去埋長沙灣ga!
本來要做o既事做唔到, 賴得邊個先???

-----

呢兩日好intensive咁睇咗五個廣告show, 英國+亞太區果個真係幾好睇~

香港o既廣告實在太多限制、太少創意... 創意唔一定係笑笑笑笑笑, 齋emotional appeal都可以好得, 總之香港啲tvc就係唔得啦~ 睇到有啲product, 外國有一個好得o既tvc, 睇完真係好impress, 好欣賞... 但喺香港就偏偏要夾硬用明星代言人, 點解呢??? 係咪香港人膚淺啲呢? 抑或喺呢度買creativity仲貴過用代言人呢??~

tea time

呢排放咗學, 成日都去食tea~ 平時多數都會去家樂或者快活, 但今日我約咗polly同徐仔去銅鑼灣間樓上toy story cafe食tea~~~

一路行樓睇上去, 牆上面都噴咗好多toy story既公仔, 而且間嘢入面真係好多toy story既嘢~ 好得意ga~ heehe... 下次帶你去丫~

臨走o既時候仲有意外收穫~~~ 我問開polly有冇kitty磁石, 佢話有, 跟住我同佢講我仲差一個先儲得齊喎, 點知個老闆搭訕, 問係邊一年, 之後佢就喺佢個雪柜上面拎咗個1982年俾我嘞~~~ (我開頭都話唔要ga... 但係佢話佢已經儲齊咗4套喎... 哈哈哈~~~)

好嘢~~~ 我唔駛再去7-11買嘢啦~~~

p.s. polly, 下次我要早過徐仔知道你幾時放假呀!!!!!!

enocre已經再冇意義喇...

而家啲concert都有一個通病, 就係就算冇人嗌encore, 個演唱者都會再返嚟再唱多兩首; 又或者另一個角度係, 啲觀眾會奉旨聽多兩首~ 幾核突呀~

擒晚睇周杰倫concert, 都好聽o既... 但係唔好睇囉...... 個台唔靚, 啲衫唔靚, 冇effect, 啲dancers又... 唉...... 雖然客觀嚟講係好聽, 但係其他不滿大過佢把靚聲囉...

周杰倫...... 我以為我會愛上你ga...

Happy birthday~~~

Happy birthday to Joseph~~~

~Movie of the month~

Shall we dance?

超好睇~ 係一套必睇o既戲~

雖然我冇睇過原裝日文"談談情跳跳舞", 但係睇完呢套已經覺得好滿足、好warm嘞~

我好鐘意richard gere去學ballroom dance既原因, 因為佢見到jennifer lopez冷眼旁觀「外面」o既世界, 而佢就喺呢個世界入面。
一路都覺得佢冇理由唔話俾老婆知自己去學跳舞, 但後尾佢o既解釋都令我有好深感受~

而且一路都好好笑~ 可以睇到全場大拍手掌, 勁enjoy囉~~~ 但另一方面又好感動+好浪漫喎, 真係好warm既一套戲!!!

理性得耐咗o既人都應該去睇睇呢套戲去調劑一下~

-----

我再重申一次, 我鐘意hello kitty唔代表我唔理性, 多謝~

discrepancies...

唔辛苦... 係攰啫...
迫自己唔好過以前o既生活啫...
唔想u grad出嚟仲係靚妹一個, 咩都唔識啫...
冇所謂... 反正都有少少成功感o既...

係呀, 我係好想過perth呀, 啲澳幣咁q貴, 點過啫...

不明白...

為何對很多人和事都失去了信心...
包括自己, 反正如何做都是吃力不討好便是了...

我o既盛大畢業典禮

2004年11月2日, 係我high dip既畢業禮~

雖然我唔重視community college, 雖然我亦都唔係好重視張high dip, 仲一路以為自己都唔會重視呢個畢業禮, 原來都唔係得晒喎~ 因為... 我細妹有嚟到, 見到一班好同學好朋友~ 更重要o既一班兄弟姊妹都有嚟同我影相~ 真係好滿足呀~ i love you all!!!

晨咁早已經到咗尖咀(8.15am), 因為約咗阿bill食早餐~ 因為我九點鐘要入場o既關係, 我好快咁笠咗件gown同佢喺文化中心門口影咗幾相就要走嘞... 難為佢仲要hea成朝先返得工, 不過你真係好唔話得呀!!! 咁早都出嚟就為咗影張相!!! 阿bill好嘢~~~


kristie and bill~

入咗場之後, 就係周圍搵人影相o既時候嘞~ 真係好開心好熱鬧呀~ 總之見到人就話「影相!」, 見到相機就做攝石人咁就啱架喇~~~ 雖然有好多都係成日都會出嚟o既朋友, 但個氣氛真係high high哋, 搞到司儀開咪嗌停~ 不過... 梗係冇人理繼續影啦, haha~


hang, wendy, wah, kristie, joseph~~~


嚟多張超混亂o既~ 請留意阿琪同埋搵返阿蘅出嚟~~~

上咗兩次台~ 一次係拎dummy cert, 另一次就係拎SA cert, 希望可以晒得返果兩張相啦~~~ 臨完場cc choir唱咗兩首歌, 一首係perhaps love, 另一首係祝福...... 以一個合唱團嚟講, 真係難聽~ (我識聽架!!! 我以前係唱choir架!!! hahaha~~~)

散場之後又係另一個熱鬧o既場面~ 我o既做法同喺hall入面都係差唔多~~ 有啲唔同o既係, 我捉返個妹返嚟同我影相, 跟住又見到joseph爸爸媽媽, heehe... 仲有我最最最最期待o既一班好朋友終於都嚟咗喇~~~


阿欣+我+慧沁+我最鐘意o既火紅色太陽菊^+++^~~~


大合照1~~~


大合照2~~~

真係影咗好多相呀~~~ 笑到塊面梗咗...
你哋對我真係好嘞~ 幫我充撐場面~ 勁感動囉~ 謝謝大家~~~

p.s. 食埋晏之後, 我join返joseph, leo, 阿蘅同埋phoebe, 後來阿華同阿琪都加入, 去咗唱k, 因為有好多相都仲未收到~ 咁就遲啲先補返個後記~

I hate my computer......

即係咁... 我都知我咁遲先pick up返啲功課係我唔啱, 之但係你都唔駛話熄就熄啩...
頂... 本來做咗一半... 而家又冇晒嘞... 電腦... 我憎死你呀!!!!!! >_<"

灰灰灰!!! 所以走咗去瞓, 諗住今日通頂做晒佢, 但今日david話可以星期一交喎~ 好彩咋......

-----

識得SPSS, 我覺得自己好叻~ 好似真係識research咁~
個software咩都識做, 仲叻~

-----

<我的盛大畢業典禮>整理中...

點解會有o既?

Platform 9 3/4......
呢張相...
係我喺遠在英倫o既豬屎o既相簿度偷返嚟o既......
真係呢...
好想去睇吓囉~~~~~~!!!

很想當媽媽...

用了過份臂力　雙手攬緊你　用了過份努力　不鬆一口氣
願永遠　日夜一起
被你攝入鏡內　畫面多優美　共你趟在雪地　高飛不喘氣
而但我怕　樂極生悲

我倆可相對　亦會永遠失去　我要保管你　在我的身軀

很想當媽媽　我不理代架　手中的娃娃　會將愛淨化
動靜亦是像你吧　在每夜伴著入睡　表演結他
很想當媽媽　買一隻木馬　哭聲怎喧嘩　我不會害怕
面目亦是像你吧　逐漸逐漸讓我不怕　愛戀的氧化

讓我抱著抱著再看迪士尼　讓我吻著吻著小小的手臂
而像與你　日夜一起

很想當媽媽　買一隻木馬　哭聲怎喧嘩　我不會害怕
面目亦是像你吧　逐漸逐漸讓我感覺　那身體變化

-----

kristie:「如果乜都唔駛做都可以生個女出嚟咁就好喇...」

注意父母的老去

如果你在一個平凡的家庭長大
如果你的父母還健在
不管你有沒有和他們同住

如果有一天，你發現媽媽的廚房不再像以前那麼乾淨
如果有一天，你發現家中的碗筷好像沒洗乾淨
如果有一天，你發現母親的鍋子不再雪亮
如果有一天，你發現父親的花草樹木已漸荒廢
如果有一天，你發現家中的地板櫥櫃經常沾滿灰塵
如果有一天，你發現母親煮的菜太鹹太難吃
如果有一天，你發現父母經常忘記關瓦斯
如果有一天，你發現老父老母的一些習慣不再是習慣時，
就像他們不再想要天天洗澡時
如果有一天，你發現父母不再愛吃青脆的蔬果
如果有一天，你發現父母愛吃煮得爛爛的菜
如果有一天，你發現父母喜歡吃稀飯
如果有一天，你發現他們過馬路行動反應都慢了
如果有一天，你發現在吃飯時間他們老是咳個不停
千萬別誤以為他們感冒或著涼，那是吞嚥神經老化的現象
如果有一天，你發覺他們不再愛出門…

如果有這麼一天
我要告訴你，你要警覺父母真的已經老了
器官已經退化到需要別人照料了
如果你不能照料，請你替他們找人照料
並請你請你千萬千萬要常常探望
不要讓他們覺得被遺棄了

每個人都會老
父母比我們先老
我們要用角色互換的心情去照料他
才會有耐心、才不會有怨言

當父母不能料理自己的時候，為人子女要警覺，
他們可能會大小便失禁、可能會很多事都做不好，
如果房間有異味，可能他們自己也聞不到，
請不要嫌他髒或嫌他臭，為人子女的只能幫他清理，
並請維持他們的『自尊心』。

當他們不再愛洗澡時，
請抽空定期幫他們洗身體，
因為縱使他們自己洗也可能洗不乾淨。

當我們在享受食物的時候，
請替他們準備一份大小適當、容易咀嚼的一小碗，
因為他們不愛吃可能是牙齒咬不動了。

從我們出生開始，
餵奶換尿布、生病的不眠不休照料、
教我們生活基本能力、供給讀書、吃喝玩樂和補習，
關心和行動永遠都不停歇。

如果有一天，
他們真的動不了了，
角色互換不也是應該的嗎？
為人子女者要切記，
看父母就是看自己的未來，
孝順要及時。

如果有一天，
你像他們一樣老時，你希望怎麼過？

你留意過自己的父母嗎？

日日都帶埋個女出街~

sara:「呢啲人稱之為阿媽喎~」

今日lunch又食M記, 好似係今個星期o既第三餐...
唔想變"the super sized me"喎~~~  

喉嚨痛, 唔知係咪發炎, 但係今日就食咗勁多熱氣嘢...
放學之後同sara去咗大家樂tea, 我食雞肶餐, 點知隻肶唔熟, 攞去換果陣經理話佢係last一隻油肶, 比第二啲嘢我, 咁我就揀咗兩隻炸箭豬奶皇包同埋兩隻炸雞全翼, 嘩... 無賴到我丫~ haha~

research功課deadline delay咗一個星期, 鬆一小口氣~ 不過聽日要present, 係impossible is nothing嗰個~ 過咗呢一兩個星期就神仙嘞~ haha~

想睇:
1. art of commercials 2004, 今年我要睇晒咁多場呀!!!
2. picasso - parade (要快, 如果唔係要等多二十年!!!)
3. jay's concert

-----

擒晚係做功課做到有啲desperate既, 個人又唔舒服, 咩都諗唔到, 好blame自己... >_< 唔通又係週期性發作??!

-----

hello kitty磁石仔... 差6個咋!!!!!!

lost in the keyboard...

我唔想做功課呀...... 

縱然是忙...

除了堅持要「好好讀書」之外,
我都堅持要時常見到想見的人
堅持閱讀(很多很多的書, 新歡是the da vinci code)
堅持保持潮流+新聞觸覺
還有, 堅持忙裡偷閒!

The Avenue of Stars

星期日晚做自由神, 同joseph行完街之後行埋星光大道~

之前真係一次都冇行過, 但喺機場嗰陣, 啲遊客問親有咩地方好去呢, avenue of stars一定係model answer... 行完之後, 我希望啲遊客唔好覺得我老點佢~

不過, 秋天涼涼地又有海風, 行得好舒服呀~

一路行, 一路睇啲掌印, 有好多"stars"我都唔識, 有啲有名但係仲未整個掌印, 但係亦都有啲係未整掌印人已經唔喺度喇... 唏噓...

咁多掌印, 我覺得梁朝偉嗰個印得最靚~ 而劉華嗰個就最受歡迎o既~ 之後我又諗... 一年咁多人入行想做明星, 跟住又會有好多人退出, 好多好多年之後淨返落嚟o既, 就可以喺條星光大道度打個手掌印嘞, 咁呢個表示對演藝圈「有貢獻」o既掌印, 都只不過係年資啫...

-----

中晒毒~~~
中adidas毒~
中pinky毒~~~

請找出開心的理由

因為... 我想以後都咁開心~~~ ^^

hello kitty信用咭

前幾日放學同sara, yicca經過金鐘廊, 見到大新銀行hello kitty信用咭擺roadshow, 真係想即刻填張form申請~ 但咁做畢竟都係太衝動, 所以問佢攞咗張form返屋企睇, 再考慮考慮~~

前日上堂o既時候, 我成功「引誘」angeline同我一齊申請~ 放學o既時候仲誇張... 我就話一心諗住去啫, 點知後來一行五人(我, sara, angeline, yicca, cherie)一人都申請咗一張。哈~ 我同sara揀咗好cool既黑色, 其餘三個就揀咗好fancy既粉紅色~

攞唔到I.T.咭, 用呢張「慰藉」住先啦... 一樣係黑色啫~

到最後揀禮物果陣我係最慢o既一個, 其實我冇一份想要(我淨係想要張咭之嘛~~~~~~), 後尾我揀咗個水杯, 算係最實用喇... (我本來真係想係咁二要個mouse pad就算架啦, 但係咁又好似有啲對唔住自己喎, 哈哈~)

無端端多五張單, 個promoter一定開心死啦~

申請完張咁靚靚o既咭, 仲大舉行咗過去屈臣氏睇masks, hehe haha咁, 唔知邊個話咁樣好似皆大歡喜果班女人咁... 係呀~ 你地又真係幾似架~~ 呵呵呵~~~

Frustrated

我唔知道我有咩做得好, 有咩做得唔好!
我唔知道我做錯咗啲咩...
我唔知道原來有好多嘢我都唔知道...

我以為我真係做好自己做o既事就ok
我以為出做嘢大家都係講個信字
我以為自己都算盡咗力丫

我覺得自己好似決定錯咗啲嘢
我覺得我變得好依賴
我覺得我有好多好唔想做o既事要做

我究竟喺度做緊咩???

鐘意咗... 機場~~~

擒日係meet & greet programme last day, 我一方面想快啲放工, 但另一方面又有啲唔捨得走喎~

由頭一兩日開始, 記得每一個遊客o既樣, 到而家, 個個外國人都差唔多樣, 成日都覺得「又係你?」
由返工到第四日都仲未認得路, 到而家識得行捷徑
supervisor william係個大好人~ 仲係阿lu既師兄添呀~
而且又識到arrival hall B代表, fanny, mimi同埋kelvin~ 最緊要係唔播帶(真係好緊要!!!), 成日講無聊嘢再加上識得玩各式black magic, 返唔到hall B, 真係一種煎熬嚟架!!!

我鐘意機場~~~

11月winter fest, 有得做就好lu~~~

今日終於可以瞓返夠本, 一陣再做埋啲功課先~

我討厭我自己!!!

幾時開始變得咁優柔寡斷???
問吓自己, 有邊次唔係到咗最後關頭先落到決定???
真係咁唔知自己想點咩???
好討厭好討厭......
自己都覺得自己煩呀!!!

除咗阿菲, 我諗唔到有其他吸引~

2046...... 

21110011?

今朝去咗DHC見part-time呀, 我傻傻吓咁... 都唔知佢會唔會請... =.="
希望得啦, 工作環境好, 又方便我返學喎, 請我啦~~~

開學第三week, 今日正式上olivia堂~ 得呀~ 好fruitful既一堂~ 我鐘意~~~

就嚟睇晒harry potter, 今個暑假可以睇得晒5本都算係一個創舉呀~ 之前喺機場閒逛o既時候見到bridget jone's diary出咗續集, 好想第一時間買咗佢~ 我會keep住喺一個人搭車o既時候睇書, 尤其係英文書~~~

p.s. 擒日我原來block咗留言, 而家開返喇~ 大家盡情咁留言俾我啦~

七隻小豬

lovely~ 

NOTICE

因為之前個journal成日都有廣告bombard我個message board, 所以我又轉咗地方寫嘢啦~

講開又講, 我寫OD都寫咗成兩三年, 有時睇返轉頭, 有啲journal都唔知係因咩而寫~
第一個日記
第二個日記
第三個日記

呢個桃紅色咁靚靚o既係第四個, 雖然我唔知寫journal呢個習慣會再維持幾耐, 但都真係希望得閒睇開o既人會drop返一兩隻字俾我~ 咁我就會好開心架啦~~~

仲有!!!
有兩樣嘢想大家幫幫手~ 唔駛得登搵架(最好就幫我搵啦~), 有就俾我啦:
1. 所有同Adidas廣告"Impossible is nothing"有關o既嘢... (TVC, catalog, print ad, journals, reviews, etc.)
2. 7-11既hello kitty磁石(不過要買滿二十蚊先有架...)

無題

小孩子相信直覺 才值得我去學
大人忘掉知識聽細路的也無壞 無知當娛樂
(大人忘掉知識聽細路的也無壞 從不會說謊)
憑小孩子審判善惡 才活得更磊落
好奇能令世間充滿著靈光
想像出警世傑作

賽跑比賽 領先一個
永遠只得獎杯一個
最尾一個 擦身走過
看到的 其實會更多
青春有價卻為著列前茅嘗盡苦楚
包尾至會 有權悠閒 過
其實我還是細個麼

thx anne >_<

請lecturer寫reference letter既事一直都擱置咗，因為我自己都唔知自己想讀咩、一時想讀一時又唔想讀...

因為想讀某一科，前幾個星期胆粗粗咁叫只係教咗我一個sem既英文missy anne幫我寫，佢應承咗，只係我一直都冇進一步行動。我以為佢都唔理架啦，點知佢今日話幫我寫好咗喎...

我何得何能anne對我咁好呀... 我咩都冇準備過... 自己都唔積極... >_<

"it's ready and i sealed it in an envelop ^.^"
anne真係好好人呀~~~~~~

*****

我鐘意...
你開心時我又開心~
我開心時你又更加之開心囉~

無題

一瞥某人日記，真係不期然想大叫一句：「bull shit!」
你... 你呢隻唯恐天下不亂o既妖精!!!

*****

我冇理想... 但係我有好多想做+會做o既事!!!
更重要o既係... 我知道我會做得好~

但願我真係可以有PR堂用三千蚊投返嚟o既「事業有成、工作愉快」。

玩夠未?!

我要同自己講... 我已經玩夠，要的起心肝為我last一個sem做返啲嘢~
前幾日玩得太多喇... 媽咪就嚟唔要我架喇... >_<

19/2 大城小事
一個好平凡o既愛情故事。
靚人靚景，ok啦~~~
發現自己好似辛小月囉...

20/2 灣仔clubing
同班fd去咗飲酒，都唔知做咩會出咗去又唔知做咩會飲埋一份。
唔係飲咗好多，但係啲酒好易醉囉...
有冇借醉??! 我自己都唔知道~

朋友們，唔開心就唔好飲酒啦... 唉...
terrence!!! 你做咩嘔落joseph度呀!!!!!!???

順帶一提，日抖上marcom堂，maggie話份present可以有90分~ 好嘢~~~

21/2 spaghetti house
同幾個SA朋友出嚟食飯，之前行咗陣旺角，wing wing哋未酒醒...
好攰囉...

22/2 行沙田
好耐冇行過沙田，今次仲行咗好多我冇去過o既地方添~~~

cold mountain

亂世情天聽日先正式上畫，但我已經睇咗喇~

話晒都叫做大製作、又七項提名喎... 我以為一定好精采啦~~~ 點知... 亂世就真係幾亂世嘞，但係嚴格嚟講男女主角可以話係唔識架!!! 而且不必要o既情節太多囉~

不過雲妮絲維嘉就做得幾好~ 呢個傻又傻唔晒而且渾身是勁o既ruby真係好得意~~~ 仲有佢同佢daddy既段情會可觀過nicole kidman同jude law~

overall嚟講呢，係ok悶既一套戲~ (我覺得啫~)

情人節快樂 ^3^

情人節等備節目 --- "亂世情天"優先場

*****

祝大家有一個開開心心o既情人節~~~~~~

有拖拍o既就甜甜蜜蜜，
未有拖拍o既就快啲到另一半~~~~~~ ^o^

玩轉男人心

星期四放學之後去咗睇玩轉男人心~ 好睇~ 真係好好睇~ 真係好鐘意呢啲愛情喜劇~~~ 好輕鬆~

愈來愈鐘意好多人一齊睇戲~ (不過我係指成間院都坐滿人嗰隻喎~~~~~~) 個氣氛真係好好~ 記得上次睇咗咁唔好睇o既無間道三，散場果陣真係個個都媽媽聲架喎~ 今次呢... 全場女士(包括我在內~)都一齊為奇洛李維斯尖叫之嘛~~~ 我相信全場男士都一定好無奈囉~~~ hahahaha~~~

講返套戲，影評寫得好差好差，大致上係話女主角太老，夾喺兩個男人中間(其中一個仲要係奇洛...)真係唔make sense，係失色之作咁話。但係我就真係覺得個erica真係好有女人味、好有氣質，一啲都唔似真實年齡o既57歲~~~~~~ 真係唔知個影評人有冇睇過部戲架~ 佢一定係最適當o既演繹者~ 抵佢奧斯卡有提名囉~~~

雖然話奇洛李維斯係「尖叫位」，但係積尼高遜都好得架~~~ 我唯一唔滿意套戲o既地方就係翻譯得好差好差!

*****

samson真係一言驚醒夢中人，但係咁令我更加發現自己o既inadequate...

sem 2 week 1

又好多日冇寫journal......
因為我唔想用電腦... 好悶~~~

話晒都叫做last一個sem，應該都會史無前例咁忙同埋學啲再深啲o既嘢~ 真係每朝起身都有一種「面對挑戰」o既感覺~ 我鐘意~ 睇今個sem呢個「強勁陣容」，應該ok既~

報U之事，事在必行，但係有冇offer同埋我讀唔讀都唔係我而家會諗(又或者諗唔諗得到)o既嘢，希望今個sem可以做得好每件事~ 喺我可以控制o既範圍之內，我一定唔可以hea咗去~~~

期待已久的FYP~

補少咗份習，多咗自己o既時間，想做多啲一直都想做但係未做o既事~ 有一日放學唔駛趕去補習都已經夠我開心嘞~

*****

好唔鐘意幼稚o既大人
好唔鐘意朋友之間冇咗份尊重
好唔鐘意利字當頭就變晒面口

我會反省自己有冇盲目咁reject其他人o既意見
我亦都會努力去面對一啲自己面對唔到o既人同事
你，覺得自己有冇呀?

(一時感興啫~ 冇話寫俾邊個「你」o既~~~
但係如果你形住我係話緊你的話... 哈哈哈哈~~~~~~)

夫復何求呢~~~

多謝~~~
多謝joseph啦~~~
多謝同我(都同阿蘅)做生日o既OC朋友啦~~~
多謝send sms, icq message俾我o既人啦~~~ (搞到我開icq都hang機~)
多謝大家~~~

好鐘意你哋送俾我o既禮物~~~

我廿一歲喇~~~
講真... 廿一歲個感覺都真係幾「年長」囉~~~
不過我係唔會認老架~~~
呵呵呵呵~~~~~~

無題

擒晚ladies' night之後就meet埋班兄弟去咗飲嘢~
見大家都開開心心，咁我就更加開心嘞~~~

點解我哋一班「不速之客」去到邊都嘈到拆天? 趕晒客咁滯?
點解出親嚟都係珍珠奶茶~~? (雖然我鐘意~ 呵~)

i love u all! ^3^

*****

我要努力向上　不枉諸君寄望
我要努力向上　要令朋友滿心歡暢
唏 青年人　要努力　憂悲滄憂淒涼
總之但憑我力量　先要堅定我志向
我若再受挫折　努力但憑力量
心中滿是悲傷　他朝得意樂洋洋
唏　良朋　情長　良朋相勉勵情誼難忘
良朋恩公好比萬丈　良朋解我愁懷愁腸
解我憂鬱冇惆悵

無題

前兩日打咗篇ok長架...
但係禁錯掣所以就成篇冇晒...
內容大致上係咁：
1. 睇咗小飛俠，可能係英文版，所以都ok~
2. 去咗環球嘉年華，時隔一年再次挑戰top buzz~ 今次一啲都唔驚~ 仲覺得好好玩添~ 好叻呀~ 不過因為發咗癲咁嗌，所以喉嚨勁痛~
3. 睇到你個journal，覺得你實在太任性喇...

*****

過多兩日就要返學啦~
返咗學就冇得日日都玩、日日都瞓到日上三竿lu...

恭喜發財~~~

今日已經係大年初三~ 恭喜發財~~~
咁遲先同大家拜年，係因為我日日都瞓足十四個鐘~ 唔得閒上網~~~

新o既一年，我希望大家都開開心心~ 精神爽利~ 心想事成~~~

*****

年卅晚，我同阿欣joseph同阿華去咗維園行年宵~
就係唔知點解，明知係去迫餐懵，都要去...

行完年宵，就同佢哋去咗食糖水~ 送埋阿欣上車後冇耐大家都返屋企lu~

希望阿欣同阿華兩個單身o既，俾啲桃花拂一拂之後今年都可以行個桃花運啦~

本來約咗班兄弟，但佢哋遲到...
真係失望，次次都係咁...
我真係次次出黎都準時架喎... (雖然次次預咗你哋會遲... >_<)

*****

年初一大清早... 我同屋企人返咗鄉下...
(扭咗一大輪計，始終都係要返... 係咪任性咗啲呢?)

即日來回，三點鐘又返到羅湖... 冇意思...

*****

年初二去咗伯娘屋企拜年，好多人...
最開心就係同我姨甥女玩~~~
二歲幾，識行識走識同你傾計，勁得意~~~
我唔俾佢叫我大姨姨，一定要叫姐姐~ 呵呵呵~~

簡直係母愛泛濫o既一日... ^^"

無題

澳門之旅(16-17/1/2004) 既「遊記」終於都寫好，有興趣可以去睇~ ^^

*****

三分鐘後

有一天 他終於會遇到我 這剎那即將發生 給我找到

喜歡的不會喜歡我 我愛你但你不愛
單戀相戀到失戀太累了嗎 我愛你但你愛他
誰是你 愛戀的場地 買不到戲飛 等愛的滋味
有一天 他終於會遇到我
這剎那即將發生 三分鐘後那可出錯
轉個彎 兜一圈 走到街角
看到了街燈再轉 終會找到

水一般素白一張臉 一息間泛了粉紅
一分鐘心跳加速 你望到嗎 這剎那像個啞巴
來伴我 愛戀那場地 買得到戲飛 相愛的滋味
有一天 他終於會遇到我
這剎那終於發生 三分鐘後那可出錯
轉個彎 兜一圈 走到街角
看到了街燈再轉 終會找到

有一天 他終於會遇到我
這剎那即將發生 三分鐘後那可出錯
就算兜兜轉 終會碰到你你你
最好不過的都發生了 我找到你
你要給我很多天 天天也講我愛你
就這麼簡單 可以的話
喜歡的總會喜歡我 我愛你是最可愛
相戀一天到一生 也是你嗎
你愛上也是我吧

鐘意紫色~

前晚同細妹同埋細佬去咗行街，辦年貨同埋買新衫新鞋~~~
呢個行街o既組合都係第一次，都幾得意~ 我成日都話，要趁細佬仲細、仲肯同我出街o既時候我啲帶佢出街玩吓，有個美好回憶都好嘛~ (haha~ 因為我細個嗰陣都冇人帶我去街玩~ @_@)
同細佬買衫都ok麻煩，佢鐘意嗰啲我又唔想佢著，我想買俾佢嗰啲佢又唔鐘意喎，佢真係大個仔喇~ haha~~~ 買兩件衫都咁耐... 唉~~~
我今季原來真係咗好多紫色o既嘢~ 連對air force 1個tick都係紫色架~ 愈睇愈鐘意囉~~~~~~

*****

擒日出咗尖咀行街，順便睇埋個激光~ 都唔好睇o既~~~
之後同joseph阿華jacky去咗睇"鬼馬狂想曲"...
超謬謬，真係得啖笑囉...
不過我最鐘意睇twins同埋吳鎮宇~~~

完場步出戲院，我呢頭笑阿華冇帶鎖匙冇屋企返，嗰頭發現自己都冇帶...... 冇屋企返...... 唉......
就係咁... 我就同大家去咗唱k喇...

the last samurai

星期六晚我同joseph去咗睇湯告魯斯o既最後武士。

好好睇，真係好好睇呀~~~

雖然我對武士道精神係咪真係可以令人搵到真正o既內心平靜存疑，但係呢種
die-hard既信仰真係有啲恐怖...

由傳統至現代o既衝突、矛盾，又點止咁少?

澳門之旅第二天

第二朝食咗酒店o既自助早餐，唔係太好食，不過算啦~

check-out咗之後就即刻去賽車博物館同埋紅酒博物館~~~
全個trip影得最多相o既就係喺賽車博物館，我都唔知點解~ (不過因為攰攰哋，所以全部相都唔識笑...)
過咗隔離紅酒博物館，成人有得試酒，但係我只係呷咗一小淡~ (都唔好飲~~~)

博物館對面係「盛世蓮花」，同金紫荊差唔多，不過係蓮花~ 所以我都扮吓啲自由行專誠走過去好娘咁影咗一幅相~ ^^"

出發去氹仔~~~
個巴士站喺博物館對面，我哋撞到博物館o既其中一個保安，佢竟然好nice咁問我哋：「你哋去邊呀?」仲教埋我哋搭28A~ 真係好搞笑~ 可能因為我出出入入博物館都三四次啦~ (大致上係因為要唱葡幣、又要借廁所... 來來回回咗好幾次 ^^")

到咗氹仔，我哋叫佢做「車厘哥夫鎮」，真係好多好多間車厘哥夫，賣紐結糖~ 我不嬲都好鐘意食~ (如果我冇記錯，小媚都鐘意食~) 買咗兩隻味，但始終都係比較愛最傳統o既花生~~~

去氹仔，緊係去搵大利來o既豬扒飽啦，搵咗好一段時間，三點正差一分鐘到咗，個老闆一見我哋就話：「出緊嚟，等多一分鐘!」睇真啲真係全場都淨係去食豬扒飽架咋...
正宗豬扒飽，唔錯呀~ 我開頭估佢最多都係件豬扒好食，個飽會差啲，但點知佢個飽都好得~ 唔覺得滯~ 聽聞話係用炭烘架喎~
嗰度啲牛筋面都好好食~ 冇咩梘水味~ 唔錯~
(早餐之後三點先第一餐，食咩都好味啦...... 哈~)

澳門之旅，氹仔都算係最後一站lu~ 大家有冇發現我冇去到旅遊塔呢?
唉~~~ 我都唔知我點解冇去到呀~~~~~~ 不過唔去成旅遊塔，就反而睇多咗紅街市、賽狗場~ 黑沙灣都差唔多到埋~~~ 睇多咗啲真正地道澳門人住o既地方囉~ (但係我講唔出有咩唔同，唔好問我~)

唔... 焉知非福呢~ 因為呢兩日都好大霧，我諗就算上到個塔都應該睇唔到啲咩~ haha~ 亦都正因為咁，我諗我好快就會去多一次澳門架啦~



THE END

澳門之旅第一天

咁大個女第一次去旅行，今次我同joseph去咗澳門玩~ 過二人世界~

冇旅行比今次更加多巧合~ 所以由一出發開始我就覺得，我今次一定係整定要去澳門架啦~
搭地鐵嗰陣睇都市日報體育版，你估我見到邊個~?? 係費高呀~ 即刻精神一掁啦~ 係咪同葡萄牙有緣先~~~ 同葡萄牙有緣係咪即係同澳門有緣先~~~? (咪理我發噏風啦~ 開心嘛~~~)
上船之前買咗本Monday，今次有好幾版介紹澳門，係咪啱~~~

可能因為太期待今次澳門之旅，所以之前一晚好似唔係好瞓得著~~~

第二朝一早起身搭咗八點半嗰班船去澳門，到埗之後搭專車去到酒店(我哋住帝濠酒店~)，十點都唔夠，諗住check-in先，但係佢冇房，要等到十二點。就係咁，我哋就跟住本旅遊書去咗酒店附近一間叫做鼎泰豐o既台灣美食到食早餐~

牛肉麵同雲吞麵都幾好食，但係蟹粉小籠飽就冇書入面介紹o既咁好囉~ 價錢相宜~ (早餐都咁豐富o既~~?)

早餐之後喺酒店附近流連一番，差唔多夠鐘就返酒店喇~ 帝濠係一間三星酒店，係Polly介紹我去住o既，都ok架~ 放低行李hea咗一陣之後我哋就出發去議事亭前地，呢度行得最耐，因為最多嘢睇同最多嘢行~ 手信都係喺呢度買架~

議事亭前地附近都有好多為香港人熟悉o既店舖~ 不過我同joseph行行下就到咗大三巴~ 大三巴隔離有一個天主教藝術博物館，同大三巴遺址起埋一齊o既，入面有啲油畫、雕塑，好快就行完~ (正正後面有坐哪吒廟，相映成趣~)

出返去之後，沿住啲鐵樓梯行上去就到咗澳門博物館同埋大炮台嘞~ 澳門博物館有中國、葡萄牙、澳門o既發展歷程睇，學生半價都只係八蚊，值得一去架~

下一站我哋想去消防博物館，好蝦人搵... 啲路又唔好行，不過，後尾誤打誤撞都俾我哋搵到~ 一入去就見到大大架消防車，有個櫃展覽咗好多唔同國家唔同年代o既頭盔，我比較鐘意美國嗰頂~ 型啲~ 另外，我同咗一個公仔影咗張相，身形龐大，著住套防生化衫，成個太空人咁~ (我同joseph都叫個公仔做jacky~)

去完消防博物館之後行咗條長命斜返大三巴附近，因為未食晏好肚餓，所以諗住去搵糖水鋪，睇住書入面幅地圖，行黎行去都搵唔到... 咁經過鉅記手信，就順便走入去買蛋卷同牛乾豬乾~ 而且仲不停咁試食~ 新鮮夾好o既蛋卷真係超級正，仲有好多肉乾，諗唔到o既白鴿乾都有囉...

告別大三巴，我哋行返落議事亭~ 想行吓街~ 點知行行下唔知點解到咗嚤囉街... 好橋，因為睇地圖根本就搵唔到~ (hahaha~) 嗰度啲鋪頭都係賣舊嘢為主，有舊玩具又有舊書攤，不過呢... 冇咩特別~

離開嚤囉街，又唔知自己行咗去邊...... 見到間麥當娜餅店(唔係景點嚟架!)當堂慘叫咗一聲，因為唔經唔覺，我哋竟然行咗去消防博物館附近... 唉... 又一次要行條長命斜返去...... poor me~

不過，又一次誤打誤撞，到咗另一個景點---白鴿巢公園。好攰，所以冇入到去~

一路再行，經過一個街口見到一間joseph全程都喺度搵o既嘢---機鋪。澳門o既機鋪格局同機種其實同香港o既差唔多，唯一唔同o既係... 喺入面o既全部都係小朋友... 我睇住個靚妹玩fing手機，仲勁過我... 呆咗=_="

又一路行...... 再一次返到大三巴...(#@$%#)xy%>!!!!!!)
不過今次有意外收穫，就係我竟然見到kary啦~~~~~~ 喺澳門都見到同學仔，世界真細小嘞~~~~~~ 好surprise~~~~~~ 大家影咗幾張相之後就分道揚鑣~ 我想搵多一次間糖水鋪，但點知都係mission failed...

終於又返返去議事亭行街，買咗胚芽奶茶，八蚊大大杯，抵呀~! 又行莎莎卓悅(無聊嘛~)同埋葡文書局。間書局淨係賣葡文書，我又見到費高嘞~ 呵呵呵~

晚飯@九如坊，係一間正宗葡國菜~ 餐單如下：
1. 三文魚梳夫厘---好香三文魚~ 入口即溶~ 真係好鐘意~
2. 椰菜炒馬介優---joseph家姐話一定試馬介優，所以試咗~ 不過我覺得好似鹹咗啲啲~
3. 焗鴨飯---趁熱食~ 好香~ 入口嗰下真係「好好味呀!」咁叫咗出嚟囉~~~
overall呢餐我俾四粒星~ 因為貴咗少少~

晚飯之後，搭巴士返酒店睇花樣中年大結局，個結局勁白痴!

睇完戲，去咗葡京賭場，以為佢離酒店好遠，所以搭的士，點知上到車，個司機勁唔順氣，亂咁fing架車，我深知不妙，點知真係轉個彎就到咗...... 玩老虎機，冇贏錢呀~ 但總算見識過啦~

咁就一日啦~ 返酒店覺覺豬~ 第二日再玩過~

寫作需時，待續...

過大海~~~

我考完試(好多日)喇~

聽日會過大海，週休兩日~

唔知會點呢? ^^

*****

你快樂(所以我快樂)

你眉頭開了 所以我笑了
你眼睛紅了 我的天灰了

呵天曉得 既然說 你快樂 於是我快樂
玫瑰都開了 我還想怎麼呢
求之不得 求不得 天造地設一樣的難得
喜怒和哀樂 有我來重蹈你覆轍

你頭髮濕了 所以我熱了
你覺得累了 所以我睡了

不問為什麼 心安理得

日月如梳

果晚同小媚同阿欣傾電話，「三個女人一個墟」真係唔係浪得虛名~

好耐之前就同大家講：「碼頭要拆喇... 不如去多次影吓相啦...」不過就硬係冇咗件事... 而家成個海旁都唔同晒樣，小媚話碼頭嗰度啲水淺到可以喺啲石上面行，我諗嗰個亭都應該俾人鏟埋lu...

大河道間M記大大大翻新，變得好cafe喎...

兩個大家中一中二就開始"磨爛席"o既地方都面目全非... 好唏噓...
好可惜... 冇喺呢兩個地方影張大合照。

小時候，又點會估到短短五年會變咁多嘢丫......

*****

擒日晏晝去咗我小學老師屋企，傾校友會o既嘢~
見到幾個校友，雖然都係第一次見，但係就好快好熟絡~ 畢竟都有共同話題---小學生活~~~
比較搞笑o既係其中一個係我個妹o既小學同班同學，佢一見到我就話：「我記得你~ 你係孫翠敏丫嘛~」^^" 記得佢小時候肥嘟嘟八八厭厭，而家真係年青有為look喎~

玩咗一個下晝想當年~ 亦都希望下次gathering我會得閒去~ ^_^

無題

考試嘛... 所以成個星期冇寫囉~

我覺得會考得唔好，咩都好似冇咩把握咁喎...
唉... 由得佢啦，反正都唔重要...

我都覺得我好唔夠時間抖，好似一啲喘息o既時間都冇...
但係唔打緊啦~ 考到星期二之嘛~~~

*****

因為陶傑o既關係，我好鐘意睇香港熱鬧~
頭先啱啱睇完一集，成班男人喺度潑婦罵街!(陶傑除外)
真係痴線架!
希望下次可以有啲高質素一啲o既講者......

*****

不嬲都唔鐘意女子十二樂坊，唔好理點解，總之就係唔鐘意!!!!!!
喺街邊聽到係會急步走架! 之前有朋友話會送佢隻碟俾我做聖誕禮物(話咋喎!)，我都嬲到想喊~

anyway，頭先睇咗慧沁send過嚟o既"阿mike著作"------草彅剛十二樂坊~
笑到我扒喺度囉... 真係好鬼可愛~~~

首歌都幾cheerful丫~ 草彅個造型又頂癮~ 真係... ^_^"

哼... 女子十二樂坊，你哋聽住，有朝一日我如果對你哋改觀，都係因為草彅剛咋!!!

話時話，如果我而家拎住個琵琶... 唔知我仲彈得出啲咩呢?

*****

下個星期應該會去澳門~~~
真係未出發先興奮嘞~~~

無題

今日考o既英文，我諗係今個final exam既第一個滑鐵盧...
啲reading唔係難，但係好煩。
而且我仲係好holiday mood，收拾唔到心情做份卷囉...

睇黎黎緊個半星期我都要懸樑刺股架喇~~~
(因為我假期好好好懶...... 又因為我日日都要補習囉...)

*****

魔戒真係一套扣人心弦o既電影~

但係... 啲幽靈就咁就打死晒啲半獸人...
會唔會有少少屈機呢...??!

haha~~~

無題

happy new year~