又嚟???!!

兩個月之後, 等我已經將理想vs飯碗呢個課題拋諸腦後o既時候, 竟然又接到個電話...

一陣心跳+歡喜過後, 其實都冇咩好緊張嘞, 雖然話冇期待係呃人o既, 但今次可以平常心一啲, 正面一啲, 真係人都開心晒~

反正都唔係我可以控制o既, 我等囉, 最好你今次又拖我一頭半個月~

太值得了...

呢個project... 搞咗好耐... 電話email floor plan睇場跑山...... 好多嘢都好似控制唔到咁... 真係人都癲呀!!!!!!

前日終於正式打到嚟, 擒日early afternoon都仲做緊pre set-up, 老闆好好, 真係幫咗我好多 >_<

擒日睇完佢哋個ribbon-cutting之後, 真係有鬆一口氣o既感覺~

希望呢三日都good show, 冇「盜海豪情」過嚟就好~

我真係好榮幸, 可以有份參與呢個書展呀~~ ^_^

ps 我仲未有時間去睇, 得閒果陣都想即刻閃人返屋企... 攰死人呀@@""" 老闆話有一套標價100萬o既JK Rowling親筆簽名Harry Potter喺度... 好想睇吓喎......

2007年香港國際古書展

時間:
11月30日 星期五下午5點到8點
12月1日 星期六上午10點到下午6點
12月2日 星期日上午10點到下午4點

地點:
香港金鐘太古廣場一座會議廳五樓 (喂~ 明報... 你落錯咗我哋個地址呀!!!)

網頁:
http://www.hongkongantiquarianbookfair.com

老遠的書香﹕一本書一百萬 ——國際古書展本周登陸

(明報) 11月 25日 星期日 05:05AM

一看這個書展的門票，的確，有讀者已覺出奇：「咦，盛惠50元？」這詫異是相對於貿發局書展的20元入場費。再揭書展的目錄：「嘩，怎麼標價是六位數字的？」

香港也許是個不近書香的城市，致使書的價格常被誤為是書的價值，並由低廉的價格反而貶低書的地位。然而，東南亞與大中華地有史以來第一次最大規劃的國際古書展，將選址香港，這或可借助流傳經年的絕版古董書，重新提醒香港人經典出版固有的魅力。

假如我們對每年貿發局書展的模樣——開放時間愈長人流愈多、愈好──太熟悉和習慣的話，那麼這個「香港國際古書展」剛好是個相反。

依照國際的慣例，這次古書展維時只短短3天，展售的亦是高檔的單品，許多是買重保險，需放玻璃櫃內遇到識貨知音才會拿出展示的珍品，最貴重的，莫如開價150萬美元、港幣1100多萬的首版《天體運行論》：1543年在德國紐倫堡印行的哥白尼日心說，從而使得人類世界觀劇變，引至歐洲人地理大發現。這樣的書展豈似常被諷為散貨場的大眾書展？

倫敦百年老店參展

此次古書展，由有「女書人」之稱的台灣書癡鍾芳玲統籌，而參加者皆來自歐美、澳洲、日本等11個國家64家享有盛名的古書商參展，如已有150年歷史的倫敦老店夸瑞奇古書店（Bernard Quaritch Rare Books）和麥格斯兄弟古書店（Maggs Bros Rare Books）──歐美許多重量級圖書館的諸多藏品都來自這兩家古書店。

也許，叫人奇怪的是為何這些國際古書商巨頭選址香港？鍾芳玲表示，除了因為香港作為大中華和東南亞地區的中心點、古物的進出口方便外，這裏曾經是西方殖民地的歷史令香港有兼容西方文化的背景，也促進原來沒多大交流的東西兩方古書業，認識彼此的寶庫，也是相互教育的一途：「也許西方古書商珍而重之的一塊，在原來國家還不算是啥東西呢。」而在中國、台灣以至香港一方，也可藉此機會，成立亞太區的古書商聯盟，進而加入國際古書商協會，受世界性的標準所規範，在遇上有爭議的買賣上有中立者仲裁，保障買賣雙方。

鍾芳玲在《書天堂》裏說過，參加古書展的樂趣不在擁有，而在了解書癡對書深刻的迷戀：「在這裏，你可以一次見到眾多書商的精心收藏，借以開拓、磨練書籍鑑賞的眼光……能夠親眼看到一些十八、十九世紀的書籍，竟然在歷經上百年之後，摩洛哥皮革封面還能泛出光澤，內頁插畫依然色鮮奪目，實在是讓人驚嘆不已！」

鍾芳玲還保證：「古董書的經營向來被稱為『紳士的行業』(Gentlemen's business)，多數書商無不溫文有禮，即使面對像我這樣『旨在瀏覽，不在購買』的訪客，也絕不會冷眼對待。」愛書人，從來便應有一份平等待人的寬厚，不論是否古書業中的一員。

1.《莎士比亞劇集——喜劇、史劇、悲劇》(Comedies, Histories, and Tragedies)第二對開本，1632年倫敦出版。

此書封面WMartin Droeshout所繪的莎士比亞畫像，是現今為人熟悉的莎士比亞肖像的藍本。由於第一對開本幾乎已無流通，且價格高達600萬美金，此第二對開本也成了藏家所求的最理想版本。

第二對開本比第一對開本可貴的地方，在於首次收錄了英國著名詩人John Milton哀悼莎士比亞的詩篇，題為「獻給偉大戲劇詩人莎士比亞的輓歌」，是Milton 1630年在劍橋 讀書期間所寫，也是Milton最早有紀錄的印刷作品。由19th Century Shop 提供，索價港幣390萬元。

2. 《馬可孛羅遊記》手抄本

1271年，17歲的馬可孛羅從威尼斯出發，前往蒙古人統治的中國，後來成為忽必烈的信臣、大汗的使者，涉足中國西南、緬甸、東南亞和印度。遊歷24年後回到故鄉，後因參與熱那亞戰爭被俘，入獄期間口述其親身經歷，由獄友魯斯梯謙記錄成書。

在印刷術發明前，書籍都是手抄的。此兩張《馬可孛羅遊記》為寫於羊皮紙上的手抄本，約成於西元1350年北意大利，是世界私人收藏最古老、最接近馬可孛羅(1254-1324)時代的手抄本，兩張共4頁，定價35萬英鎊。由Maggs Bros Rare Books提供。

3.第一版《物種起源》

1859年英國印行，作者達爾文在書中提出了影響世人至巨的「進化論」，推翻了「物種不變」的想法。本書初版剛出爐，即被搶購一空。定價港幣155萬元。由Bernard Quaritch Rare Books 提供

文／鄭依依

編輯：陳立衡

靚太作死 25/11/2007 8:30PM

等到頸都長, 終於都有得睇喇~~~~~~ 睇完好開心, 魏綺珊+陳文剛係唔會令人失望啦~~~

兩個演員(其實嚴格嚟講係三個...)做足75分鐘, 冇咩悶場, 又好笑~ 預訂價每張飛都只係HK$128, 絕對超值~~~ ^_^

場景得一個~ 講觀感, 我個位真係好得, 第二行中間~ 但坐側邊就可以同演員有interaction... 阿lu你就好啦... 可以幫陳七拎住支電筒...

一開場佢兩公婆"教訓"咗一對遲到o既情侣, 個女既勁黑面囉, 都唔玩得o既 ==""" 果吓我同林生講:「早知我都遲到啦... 激氣呀!!!」

好笑就還好笑, 但睇完之後諗... 好多時人都會律己以寬, 待人以嚴, 點解陳七可以同啲barbie鬼混, anna唔可以同原子能教授有染??? 點解自己個仔掛住打機, 叫阿媽做出牆紅杏就得, 人哋個女吸毒就會心涼呢??? 陳七呀陳七, 你真係賤到冇人有呀~~~~

anna搵到一個「可以改變佢下半生」既男人嘞, 陳七都唔肯放人, 仲以死相迫添... 究竟老公係愛老婆, 定係愛自己?

因為係尾場, 所以有sharing環節, 睇得出阿jo同rensen都好攰嘞... (傻架佢哋... 兩日做六場, 真係人都癲呀!!!) share完之後, 我就去搵佢哋簽名拍照留念嘞~

不過估唔到黃德斌都會出嚟一齊影(佢咪就係果個識得作曲填詞夾band騎harley davidson兼差啲攞埋諾貝爾獎o既教授囉~ 佢客串架咋~ 得一句對白「佢就係你老公呀?」, 之後就除衫同陳七鬥大隻嘞~ 黃生真係好大隻呀~ hahahah~~~)

唔知糊塗戲班出年會有咩搞作呢?? heehe...

同場加映, harbour city聖誕燈飾~ 星期日晚十一點都仲堆滿人影相...... =="""

23-24/11 Macau Trip

我哋見得閒就過去睇吓啲新賭場啦~~~

星期五十二點去到, 食我每次都要食o既angela's cafe做午餐~ 佢啲沙律同三文治都落足料架~ 好味~ ^^

食完之後去咗自助山book位, 就check-in嘞, btw, 酒店係住利澳架~

食buffet之前, 係永利同星際一帶行咗轉賭場, 睇吓下面張相, 間星際影得似唔似柯柏文呀??? hahahhahah~~

星期六check-out之後直搗威尼斯人, 因為我哋冇出碼頭搭佢啲shuttle, 所以搭咗巴士去氹仔先算... 點知行過去都ok遠... @_@"""

第一個景點係大運河... 室內扮室外, 個天花板有雲~~~
坐船就120一位, 仲有船伕唱意大利歌俾你聽添~ 我梗係冇坐啦, 坐親船啲人都好似活動佈景板咁俾人影...

哦...... 好大呀呢度......

不如都係去埋鉅記就返歸吧啦~~~

唔寫咁多喇, 邊得閒啫~ 呢個trip, 兩組字講晒「好食! 好玩! 」

Happy Birthday to Sara~

生日快樂呀~
祝你同錢生百年好合, 永結同心~
仲要有影皆雙添喎~

Star Wars Orchestra

Sweeney Todd

johnny depp~~~~~~

Becoming Jane

應阿bill之約, 放工過奧海城睇Becoming Jane。

原本話睇東京鐵塔o既, 但我怕會喊, 所以揀咗呢套, 點知睇完都係好愁@@"""

睇傳記有樣好, 起碼假得嚟都有個譜, 挾住「真人真事」四個字, 你班觀眾唔投入至奇! (其實可能係我又當咗自己係jane austen啦~ hahahhaha~~~~)

之前睇咗Pride and Prejudice, 成日都覺得天下所有"elizabeth"有朝一日都可以搵到佢o既"mr. darcy", 再極端啲既就係"bridget jones"都可以搵到佢o既mark darcy; 但jane好清楚咁話咗俾我哋知, 現實就係現實, mr. darcys只會喺小說裡面出現, 真係好一個當頭棒喝呀......

"affection is desirable, but money is absolutely indispensable!" 嘩... 佢阿媽講得幾狠呀......

好有多幕我都睇到好心up, 後尾佢哋私奔, 但jane都係決定離開tom果度, 真係好無奈... 無奈到我想大嗌「唔好走呀!!!」tom放棄所有嘢嚟搵jane, 事業家庭統統都唔要>_<""" 真係好奇怪jane竟然可以突然間咁理智... 不過佢又講得啱o既... 大家都捱到死o既時候, 就會唔記得當初做咩會喺埋一齊架喇......

好多年後佢兩個重遇, jane已經做咗名作家, tom都係個成功o既律師, 結咗婚, 仲生咗個女, 當我聽到佢叫個女做jane既時候, 真係想喊, 我想像唔到要一段幾深刻o既感情, 先可以做得到俾個女name after jane, 有一個人一世都叫做jane lefroy, 好upset好upset呀...

仲有男主角真係好型, 啲眼神... 尤其係含住泡淚嗰啲眼神... 我攞咗我條命啦~~~~~~

講到尾, 女人實在唔應該再相信童話...

靚太作死@Youtube

呢條片係舊年o既...
唔知今年會點呢??? 真係好期待呀......

燒橋玩失蹤怪招絕交

【明報專訊】中國古有割蓆絕交、割袍斷義等絕交方法，西方最近亦興起各種絕交怪招：

■燒橋分手
根據WikiHow網上絕交指南，與朋友絕交的備用物品包括﹕雪條棍、膠水、友情紀念品、打火機及絕交對象。絕交方法如下：以雪條棍砌成橋，再用紀念品裝飾，象徵昔日友情，然後邀約絕交對象，解釋絕交原因，再以打火機燒橋，寓意一刀兩斷。手續完畢，嘻哈大笑。

■逐漸隱形
《叻女打發煩麻友指南》（A Smart Girl's Guide to Friendship Troubles）作者克里斯韋爾（Patti Criswell）指出，禮貌絕交的第一步是不再回覆對方電話，不理手機短訊，電郵愈來愈遲回覆，推說最近太忙，略表歉意，逐漸疏遠對方，卻不要正式表明絕交，避免正面衝突或造成傷害。

■直接攤牌
有時對方不明白「逐漸隱形」是絕交的信息，繼續夾纏不清，最後迫不得已就要當面直斥其非，數說對方沉悶、不懂聆聽他人說話、沒有盡朋友義務等缺點，並聲明雙方從此絕交。

美國時興友情輔導 萬名專家教絕交

【明報專訊】感到疲倦、受到傷害、失去自信？美國人最近發現，這些沮喪心情可能是由於「毒友」（toxic friends）作祟。「毒友」是美國近日熱門話題，名嘴Oprah Winfrey的清談節目最近亦選了「毒友」做主題，討論那些「有破壞、無建設」的麻煩朋友。與「毒友」辦「掟煲」手續更是一門學問，全美最近逾一萬名心理學家提供絕交輔導服務，教人撇掉「毒友」，修補受損心靈。

32歲地產女經紀羅杰斯與湯普森在加州小鎮長大，相交逾20載，曾誓言彼此是一輩子的朋友。但湯普森總是向羅氏的母親及朋友發脾氣。直至一天，羅氏再不能忍受湯普森對她的傷害，遂向友情輔導員求助。羅氏說：「湯普森總是口出惡言，多年來我都以為她不是故意的……但輔導員教我認清她是『毒友』，我決定與她絕交。」

每小時收1550元 大受歡迎

這些友情心理學家及輔導員每小時收費由580港元至1550港元不等，但仍然頗受歡迎。加州大學精神病學家奧爾洛夫指出，人們終發現朋友是造成不快的原因，「我接觸的人當中，90%人有交友問題」。

要分辨誰是「毒友」，可想想誰人對自己造成最多的負面影響（詳見上表）。友情輔導員諾特咸姆指出，人們需要不時評估友情，「朋友要你留在酒吧相陪，可能並非喜歡跟你作伴，而是想你幫忙解決問題。這種友情會令人疲倦、沮喪。良好的友誼應建基於對等關係……就算不能與『毒友』絕交，也要與他們保持距離」。行為醫學研究指出，有些人見到「毒友」會即時心跳加速、血壓上升。

專家指女性絕交較難

友情專家亞格爾指出，女性絕交比男性難，「男人的友情比女人簡單，較容易撇掉毒友」。但是女性「毒友」可以在電話向你哭訴多個小時，像吸血殭屍般吸乾他人精力。奧爾洛夫建議用直覺找出「毒友」，向他們說出其問題所在，若他們不肯接受意見，便不要再接他們的電話。但亦有人質疑治療成效，友情專家曼德爾警告，當你覺得自己遇到「毒友」時，應同時反省自己是否才是真正的「毒友」。

本港「毒友」多帶朋輩濫藥

中大醫學院精神學系李誠醫生表示，本港大部分聲稱受「毒友」影響的求助者，都指自己因朋輩影響而濫藥，是名副其實的「毒友」，「亦有人指同事經常很緊張或較暴躁，令自己也變得緊張和不安」。香港青年協會關心一線單位主任彭淑嫻則指出，高小至初中期間是「毒友」影響的高峰期，「朋友拍拖自己又會跟拍拖，朋友有性經驗自己又會試，以免被人看不起」。

她表示青年人亦會擔心與朋友相處的問題，怕被杯葛，也會面對常被「毒友」批評而自信下跌的窘境。但李誠和彭淑嫻皆認為，香港的「毒友」情並不如外國嚴重，「會較家庭及伴侶的影響少，始終亞洲社會以家庭為中心，朋友可能是一周見一次，影響力不太大」。李誠又指出，「絕交」只是逃避的方法，自我反省及改變自己的態度或對事物的看法才是較積極及值得鼓勵的「療法」。

Birthday Dinner @ Amaroni

birthday dinner @ festival walk with joseph & friends~~~

真係好好味呀~
五個人叫咗四個菜, 後尾仲食埋mango pudding, 超滿足~~~ \(^o^)/

飯後hea @ pacific coffee

好耐冇試過咁吹水喇~ 聽吓都抵呀~

Happy Birthday to Bun~

um... wish you all the best la~

Happy Birthday to Joseph~

正日~

簡簡單單咁食餐飯, 因為第二日佢要返工~
(我攞咗假~ horhor~)

都唔知你係咪真係鐘意份禮物o既...... =="""

Dinner@荃灣珊瑚堡

主題: 男女大不同

概要:
1. 如何回應「我問吓之嘛, 你做咩唔肯答啫???」一類問題。
2. 並附設發問及告解時間。

授課形式: 小組討論+腦力震盪

導師: 豬屎小姐

學員: louis & bun先生

旁聽: 我

目標: 明白阿欣小姐腦部運作模式

Happy Birthday to 大妹~

佢唔會睇我個blog架喇~ hahah~~~

mind your luggage!!!

上個星期, 我喺東涌搭由機場開出o既E42出沙田, 去到大圍o既時候, 突然間有個男人大聲嗌:「喂! 你做咩呀?」

全車驚醒, 望果去行李架果邊, 見到有個中年女人拉住其中一個黑色細喼, 施施然咁話:「我攞行李囉。」

跟住個男人好大聲咁話:「個喼我架! 你 睇 清 楚 啲!!!」

點知個女人, 詐傻扮懵咁, 拎住個喼左睇右睇, 之後唔出聲、兩手空空就咗落車...

-----

唉... 真係咩人都有... =="
大家都要小心啲呀!!!

Wrap-up October

月尾啦... (就嚟年尾添架喇... ==") 唔記得自己做過啲咩添...

十月頭, 睇咗<色, 戒>同埋<魔幻星塵>。

睇完<色, 戒>到而家, 完全係overwhelmed...
我真係唔明, 又唔係未睇過慘情戲, 最多咪又係喊~ 但王佳芝真係慘到呢... 我睇完有一種欲哭無淚o既感覺, 完全整理唔到, 寫唔到blog~ 好亂...
咁啱陶生個蘋果專欄都幾啱, 所以我就借啲義copy and paste啦...

<魔幻星塵>... well... 我視呢個為拍拖節目之一, 不予置評~

4/10/2007
Happy Birthday to Mike~

12/10/2007
收到<靚太作死>o既飛嘞~~~ 尾場靚位~ 我驚我到時開心到暈咗~

晚飯@想不起來 with 豬屎、小媚、bill、蕉、昇
(好在阿bill有寫, 咁我唔寫嘞~)
飲嘢@大河道m記 with 豬屎、小媚、bill、蕉、昇、louis~

18-22/10/2007 重陽節long weekend

21/10/2007
豬屎出發去咗日本嘞~~~

夜晚就食阿bill生日飯@Dan Ryan, 之後飲嘢@諾士佛臺Mama; 好攰呀... 十點就同阿bill飛的過九龍站搭東涌線 @@

22/10/2007
新聞話事人有魏綺珊, 勁開心, 可惜只得15分鐘, 實在係吊癮...

25/10/2007
bobbi brown make-up class... 好辛苦... >_<

27/10/2007
Happy Birthday to Bill~

終於都去咗"圓方"兜返轉, 好多人... 好迫... 好肚餓...

28/10/2007
阿Kay生日飯@泰豐樓 (好味!!!)

交響情人夢

大咗結局喇... 好失落呀......

以後星期日都唔駛十點半前趕返屋企睇"千秋王子"嚕...

受不了

我係個好抽離o既人, 對身邊o既人同事都好抽離, 呢層我係知道、清楚+明白o既~
要上心唔係唔得, 但我真係兼顧唔得咁多...
俾你擺個屋企、男朋友、工作、一兩位朋友上心好冇?
太多, 好快連自己都冇位放...
豈有此理, 再逼迫我既話, 我就摺埋自己!

愛國青年－陶傑(again)

《色，戒》的王力宏，飾演一個叫鄺裕民的愛國青年大學生，是一個奇怪的角色。

因為在戲，金童玉女，明明該他是主角，梁朝偉的易先生才是配角，但因為他錯過了一段因緣，王佳芝當初愛的是他，他卻在這個關頭投入了愛國劇社運動，兩人擦肩而過，女主角明珠暗投，這才走上了所謂的邪路，愛上了汪政府的特務頭子。

兩人在香港大學演完了戲，在電車的上層，這位愛國青年已經對她表示了好感。愛情萌了芽，卻沒有澆水。三年之後，女主角已經失身給「漢奸」了，兩人在茶館相見，部署任務，情況危急，這個姓鄺的才親吻了王佳芝一下。

但一切已經太遲了：「三年前的那一個為什麼不是你？」女主角悲憤地問，頭也不回地走下了樓梯，這是很悲情的一幕。

因為她不知道，任何「愛國青年」都不解風情。他們錯誤地相信了老人家流傳下來的一句話：「山河不復，何以家為？」所謂愛國青年，都讀過《林覺民與妻訣別書》，他們只自私地一心為了「國家」，從來沒想到過身邊的女人。不錯，林覺民「不負少年頭」了，但烈士的一門孤寡，餘生的痛苦和孤獨呢？

所有的愛國青年都是像王力宏這樣硬繃繃的，就像《齊瓦哥醫生》女主角娜拉的那位舊情人：戴眼鏡，在街頭派傳單，最後成為布爾什維克的一個幹部，審訊嫌疑「反革命」齊瓦哥醫生的時候，一張臉很冷漠，雖然放了這位情敵，但最後慘死在戰場。

愛國青年都很偏激，不適宜做情人。他們誤以為「不愛江山愛美人」的是賣國賊，卻從來沒有想過，在國家民族和情人之間，怎樣可以既擁有江山，也摟抱美人。不錯，達致這樣的結局很難，但愛國青年們從來沒有動過腦筋，至少想一想怎樣可以雙贏，他們很懶惰只要理想，不要浪漫，演一台話劇，撒兩回傳單，贏得一點掌聲，就捨棄了愛情，他們不明白，對於女人，愛情永遠比國家民族的政治更純潔而珍貴。

都說王力宏在《色，戒》中的演技太生硬，但這種情愛不沾鍋的愛國青年，本來就是生硬而膚淺的人物，由王力宏來演，剛剛好。

女孩子找男朋友，有很多渠道，可以從會中找，也可以從黑社會找，就是不可以從大學的國是學會找。在一個「認中關社」的火紅年代，大學有太多的鄺裕民，他們都不會是有情趣的男人，況且，哪會長得有王力宏這等外表，今天都當了CEO，沒有一個像鄺裕民一樣死得轟烈，不該死的角色，偏偏死了，三年前的那個人為什麼不是他？人生有太多的遺憾。

-----

that's why... 我真係好討厭鄺裕民!!!

不回家的人－陶傑

全城爭講《色，戒》，不但汪政府一段歷史，從塵封的故紙堆抖了出來，連台灣一本格調清高的文學雜誌，這一期也快賣斷市。

但總有人雞蛋挑骨頭，要麼說李安不「忠於原著」，不然就是張愛玲搞錯了基本的常識──這些人，不知道「創作」兩個字怎麼寫。

這位多愁善感的張大姐，是個苦命的女人，李安看得很透徹，她和胡蘭成的一段情，太多缺陷，太不完美。《色，戒》這個故事很冷峻，甚至絕情，結尾寫易先生回到家，看到太太們還在打牌，他不動聲色，心想自己必須殺她，無毒不丈夫，若不是這樣的男人，王佳芝也不會愛他。這種獨白，出自一支絕望的筆，女人恨起來可以把前塵往事一筆勾銷。但是胡蘭成這樣的男人不會，他只會拖泥帶水，把一段餘情未了的香薰細細地咀嚼從頭。

李安看出張愛玲的恨意，改動了：王佳芝的愛情，難道不值得易先生為之動容？李安把易先生還原成一個男人，而不是張愛玲詛咒的魔鬼。

不錯，這個男人每天進出龍潭虎穴，幹下多少沒人性的勾當，區區美人計他怎會不提防？但是他的辦公室有一幅身穿軍服的舊照，臉上竟有點笑，分明是梁朝偉本人，而不是易先生。這不是破綻，而是導演精心的補白，這個男人在黃埔軍校的時候，想必也是一個熱血青年，只是後來諜海詭譎的生涯，腐壞了他的靈魂，他以為自己已經麻木了，直到遇上一個天真美麗的女人，喚醒了他年輕時的那點本質，他對這個女人動了真情，最後不得已殺了她，他很傷心。

這等溫柔的細節，是導演的創造，易先生從南京回來，王佳芝幾天沒有消息，急得發瘋，哭喊「我恨你。」只因為他不在身邊，他一回來，把她緊抱在懷，女人的心就融化了。易先生反問：「你現在還恨我嗎？」她搖搖頭：「不恨了。」這一句對白，沒有經過長夜等待的情婦，聽不出其中天長地久的淒楚。

就像鄭愁予的一首詩：在高高的塔上，住我的情婦。我來，總一襲藍色的衫，讓她有一點點春天的感覺，因為，「我不是常常回家的那種人。」

仁者樂山，智者樂水，你的「哭位」在哪？因為漫長的等待，等一個青衫男子從遠方歸來。他一回來，你就不恨了，雖然他不是常常回家的那種人。

同樣的還有王佳芝唱《天涯歌女》的一段，用歌詞來代替台詞：「郎呀，穿在一起不離分」，這是舊中國很經典的情話，這些情節一點都不張愛玲，也沒法想像張愛玲會小鳥依人對胡蘭成說出這種話來。

但如果要把張愛玲的故事原汁原味拍出來，恐怕沒那麼討好，一個敏感細膩而有點Mean的女作家，其私隱會有那麼多人感興趣嗎？世上還有很多幸福的小女人，她們的命格也不必像張愛玲那樣清奇。

哭之‧笑之－陶傑

《色，戒》在銀幕上是戲，戲院青少年觀眾自己摸到的許多「笑位」，為什麼迸爆出一陣陣笑聲也是戲。

譬如愛國青年學生群刺小漢奸錢嘉樂的一幕，人人雞手鴨腳的輪每刺一刀，觀眾就笑一次。

大陸把這場剪去，認為是「過份渲染」的暴力。其實，一幫大學生第一次殺人，手無束雞之力的書生，合該是這樣子。以為「殺他一個貨真價實的漢奸」如易先生很容易，但空有一腔熱血，沒有經驗和膽識，臨場真的幹起來，搞成一個血肉模糊的爛攤。暗殺大計的失敗，在這一場，埋下了諷刺的伏筆。

女主角王佳芝沒有參與，她站在露台。看見客廳扭打作一團，嚇壞了。這場動作戲，她只是一個旁觀的角色。同學們殺了人，她獨自一個嗚咽跑了。編導用了一個王佳芝跑了出去的背影。

王佳芝是胡胡塗地捲進這場悲劇的。幾個嶺南大學生，在港大復課，辦起了劇社，是這個叫鄺裕民的英俊男生把她帶上了舞台。她演女主角，贏得台下的熱淚掌聲。觀眾站起來大喊：「中國不能亡」，王佳芝立時覺得自己成為救國的天使，當女主角的虛榮，舞台的成功，把她一步步推向毀滅之路。

環視今日的香港，有沒有王佳芝這類Simple, and sometimes naive的人物，因為一時掌聲和喝采昏陶陶地「從」了「政」的呢，尤其是喜歡鑽石和扮靚靚的女人？

所以戲演完後，幾個同學躲在戲院的樓座，遠遠叫她一聲：「王佳芝，你過來！」就像鬼迷一樣，她真的過去了。同學商量暗殺易先生的大計，王佳芝這時身不由己了，迷迷糊糊，走上一條她不該走的路。

因為她不是什麼愛國青年，她只是個小女人：喜歡男人的愛，想有一個肩頭依傍，渴望男人對她好。同學根本不了解她，硬把她選派成上前線的荊軻。張愛玲在抗戰時期，留在上海，寫作的題材是瑣碎的男女之事，還愛上胡蘭成，一度也被指為「漢奸」，王佳芝就是張愛玲的一個回聲，這一點，是無可置疑的。

這個悲劇角色，充滿莎劇色彩，像哈姆雷特：一個不適當的人，在不適當的時候，命運驅使他做了一件他負擔不來的大事。在送鑽石的時候，王佳芝猶豫了，To be, or not to be，千鈞一髮，她竟然選擇了Not to be。這一切，原著沒有，都是編導天才的補白，是很動人的，包括那場刺殺，但人類一思考，上帝就發笑了，倒過來，李安在思考，本地觀眾卻發出褻瀆的笑聲，我有想哭的感覺，尤其看見離群的王佳芝，衝出大宅，跑下寶珊道那個暗夜中的背影。

成熟...

怎樣才叫成熟?
我覺得他/她起碼要懂得...
尊嚴別人、愛惜自己、做事盡責、有自省能力...
還有, 要誠實!
千萬不要欺騙自己, 更加不要用藉口去掩飾自己的過錯!
難道用藉口去justify自己所做的蠢事, 又或者將責任推到別人身上會比較心安理得一些???

I don't want to miss a thing - Aerosmith

I could stay awake just to hear you breathing
Watch you smile while you are sleeping
While you're far away and dreaming
I could spend my life in this sweet surrender
I could stay lost in this moment forever
Well, every moment spent with you
Is a moment I treasure

I don't wanna close my eyes
I don't wanna fall asleep
'Cause I'd miss you, baby
And I don't wanna miss a thing
'Cause even when I dream of you
The sweetest dream will never do
I'd still miss you, baby
And I don't wanna miss a thing

Lying close to you
Feeling your heart beating
And I'm wondering what you're dreaming
Wondering if it's me you're seeing
And then I kiss your eyes and thank God we're together
I just wanna stay with you
In this moment forever, forever and ever

I don't wanna close my eyes
I don't wanna fall asleep
'Cause I'd miss you, baby
And I don't wanna miss a thing
'Cause even when I dream of you
The sweetest dream will never do
I'd still miss you, baby
And I don't wanna miss a thing

I don't wanna miss one smile
I don't wanna miss one kiss
Well, I just wanna be with you
Right here with you, just like this
I just wanna hold you close
Feel your heart so close to mine
And stay here in this moment
For all the rest of time

-----

擒晚睇Armageddon, 聽返呢首歌~

到而家都仲係覺得, 齋聽係ok架, 係aerosmith把聲咁沙啞先唱得出嗰種"the only one and the last one"既慘~ 但睇到佢個樣就唔多ok嘞~

理想...

別人說我stubborn得要命, 決定了的事沒改變的可能...
那麼我為什麼就是不可以率性而為, 為自己做一點點事呢? 做一點點自己喜歡的, 見到將來的事!!!
如果豁了出去, 我今生都會為自己驕傲!
可惜, 機會來了, 但可能... 我又放手了...

dear friends, 還記得中秋夜談到「契弟」的事嗎? 剛才見過一班客戶, 我駭然意識到自己都是個「契弟」~
心情差到極點...
我只是想, 反正都是帶著個假面具, 為什麼我就不能帶一個自己喜歡的?
(唔... 我喜歡那個是飛甩雞毛的~ 呵呵呵...)

中秋前後2007

21/9
放工去采蝶軒買咗兩盒奶王月餅, 真係好好味, 連啪兩個都唔怕滯~~~ (好變態, 啪藥咁啪...)

睇歲月風雲, 三哥買咗隻膠杯俾大哥, 大哥話做人要好似隻膠杯咁, 笑死我!!!
冇錯, 做人最緊要就係夠膠, 點跌都跌唔爛!!!

22/9
下晝食完九記半肥腩河之後去咗H&M放血...
買咗條幾靚o既裙, 好baggy架~ 用嚟襯boot唔錯~ 但wonder自己會唔會著...
fitting room真係個可怕o既地方, 點解入去試親啲衫都會覺得好睇???
夜晚去sara屋企bbq, 識咗啲新朋友, Wii咗陣就返屋企~

23/9
落雨, 拎月餅去沙田~
晚飯@Mr. Steak~ 和牛好味~

24/9
放假~ 喺屋企hea~


25/9 (八月十五正日)
做埋節之後我哋四姐弟就輪流出街, 剩返佢兩公婆喺屋企二人世界~
我去咗唱k, 尖東CEO services勁差!!! 勁勁勁勁不滿...

終於都搞清楚, 原來我fancy既係林峰~~~ 唔係alfred~ 亦都唔係華振邦~
佢真係好吸引架... 好innocent, 喊起上嚟楚楚可憐咁... 簡直就係想謀殺所有母性泛濫o既生物呀!

唔係得我一個咁諗~ 阿lu都係咁諗架~ (希望佢睇唔到我咁拉佢落水啦~ 呵呵呵~)

26/9
收拾心情返工~

SOHO飯局

呢餐係pre-中秋飯, 因為怕中秋會約唔齊人, 所以就揀咗個星期三晚食~ (一定約得齊啦阿bill, 因為冇咩人會星期三出夜街嘛...)

我哋去咗SOHO區食墨西哥菜, 賣相一般, 味道不俗, 勝在價錢相宜~

一定要試佢個7-layer nachos (而呢個都係openrice食客推介o既~), 雖然食唔出佢有7 layers, 但都唔差架~ 其他主打都係薄餅包住唔同既料, 有豬有牛有什菜, 有啲好多番茄(實在太可怕嘞~~~), 我最鐘意都係嗰個好cheezy既餅, 咩都冇, 淨係有好多芝士~

不過佢啲嘢飲就一般... 叫咩冇咩... 淨係得lemon lime, 同埋啲smoothies似milkshake多啲架... =="

Taco Loco: 中環士丹頓街7號地下

席間, 阿lu同大家講咗一個佢苦苦隱藏咗十年o既秘密, 聽完大家都笑到收唔到聲!!!

飯後, 大家都意猶未盡, 所以上咗BEX飲嘢+吹水, 都幾好坐架~ 如果第二朝唔駛返工你話幾好呢......

BEX: SOHO間Pizza Express樓上 (我喺openrice搵唔到...)

9-16 Sept

今個week真係忙到呢...... 又攰心情又唔好又唔舒服...
日日都覺得自己好慘...

9 Sept
作感冒, 頭昏腦脹... 留咗喺屋企...
驚影響星期一o既interview, 都係早啲瞓好...
搞到我冇得睇「千秋王子」, 激氣!

10 Sept
見咗一份完全唔適合自己o既工, 早知唔射波啦......

11 Sept
911六年, 咁快就六年嘞...???

12-13 Sept
感覺上, 呢兩日好似做咗兩個星期要做o既嘢咁...

14 Sept
放工去山林道食越南嘢, 最鐘意個椒鹽軟殼蟹同埋大蝦半邊~
ok啦, 但少少貴...
老趙越南風味餐廳 @openrice.com

15 Sept
不能說的秘密
迫上斷背山

16 Sept
睇牙醫, 我最驚就係睇牙醫架喇!!!!!!
仲要睇著個湯圓醫生, 好頂癮......

藉著寫真說愛你

九月八號睇o既, 睇完勁喊...
諗返轉頭, 眼濕濕...
隔咗咁耐睇返trailer, 都係眼濕濕...
但問題係, 我睇愛情片係唔會喊架...
個故仔咁老土, 一開始就知靜流會死架啦...
唔知套戲邊觸動到我邊條筋...
諗嚟諗去都唔通...

你是我心內的一首歌 - Leehom & Selina

好娘呀~~~

你今日facebook咗未呀?

沉迷Facebook 影響社交應求助 09月 12日 星期三 05:10AM

【明報專訊】每天登入Facebook等交友網站成了不少打工仔的心癮，社會福利署臨床心理服務科總臨床心理學家劉家祖指出，沉迷Facebook其實跟以往人們沉迷網上聊天室、打機一樣，是潮流的反射。他相信Facebook吸引辦公室工作的人，因為「都市生活局限，他們朝9晚5在同一地方工作，很少機會接觸不同的人，Facebook是另一個渠道讓他們擴大社交圈子，即使那只屬虛擬。」

網民可在Facebook內，向已聯繫的朋友送上「一杯啤酒」、「一條小金魚」或其他虛擬小禮物，更有人會「飼養寵物」，定時定候向那隻自選小狗送上「食物」。劉家祖指，這其實是另一種形式的心意卡，玩家的出發點，是為滿足無法實現之事的欲望投射，如小朋友以送酒滿足其對喝酒的幻想，又或不能養狗的人以此安慰自己。劉家祖說，若玩Facebook至影響日常社交生活，應向輔導員或心理學家求助。

K@荃灣Green Box

Playlist:
1. 可惜我是水瓶座
2. 我的生存之道 <開始嘗試唱啲新少少o既歌>
3. Honey Honey
4. 原來你什麼都不要 (孫燕姿版)
5. 笑忘書
6. 你不是好情人 <食飯時間>
7. 我們相愛六年 <同上>
8. 真心真意 <嗱... 咁快開始唱舊歌...?>
9. 男人與公狗
10. 沒那種命
11. 取消資格 <我: 阿bill, 你可唔可以...? bill: 唔得!!!>
12. 我等你
13. 暖暖
14. 喜悅
15. 婦女新姿
16. 第三者
17. 愛回家
18. 可樂戒指
19. 那一瞬間
20. 小手拉大手
21. Torn <佢啲歌我淨係識一首架咋~>
22. 可惜不是你
23. 愛的呼喚 <城城正~>
24. 純真傳說 <城城型~ 城城冇得頂~~~>
25. 勇氣
26. 大將
27. 隨時行樂
28. 八里公路
29. 氣球
30. 星星的加冕 <講明先, 係兩位男士要唱架!!!>
31. Girlfriend
32. 白色婚禮
33. Complicated <唔係原裝MV, 真係好難受...>
34. That's why you go away
35. 姿色份子
36. 一期一會
37. 透視
38. 冷雨
39. 明年今日
40. 忽然之間
41. 他不愛我
42. Don't speak <點解冇原裝MV???>
43. Cartoon Heroes <正~>
44. 成人禮 <哦~ 原來蒙太奇係咁解~>

-----

我想搵人唱...
搬屋~ 但係阿bun冇嚟...
李香蘭~ 但係阿mike冇嚟...
風繼續吹~ 但係阿lu冇嚟...
喂喂喂~ 但係阿ful冇嚟...
(咦? 阿昇o既首本名曲係咩呢...???)

Six Degrees of Separation

“六度空間”理論又稱作六度分隔 Six Degrees of Separation 理論。這個理論可以通俗地闡述為：“你和任何一個陌生人之間所間隔的人不會超過六個，也就是說，最多通過六個人你就能夠認識任何一個陌生人。”該理論產生於20世紀60年代，由美國心理學家米爾格倫提出。

六度分隔/六度空間理論

你和任何一個陌生人之間所間隔的人不會超過六個，也就是說，最多通過六個人你就能夠認識任何一個陌生人。

社會網路其實並不高深，它的理論基礎正是“六度分隔”。而社會性軟體則是建立在真實的社會網路上的增值性軟體和服務。有這麼一個故事，幾年前一家德國報紙接受了一項挑戰，要幫法蘭克福的一位土耳其烤肉店老闆，找到他和他最喜歡的影星馬龍·白蘭度的關聯。結果經過幾個月，報社的員工發現，這兩個人只經過不超過六個人的私交，就建立了人脈關係。原來烤肉店老闆是伊拉克移民，有個朋友住在加州，剛好這個朋友的同事，是電影《這個男人有點色》的製作人的女兒在女生聯誼會的結拜姐妹的男朋友，而馬龍·白蘭度主演了這部片子。

.....

六度分隔假說：兩個陌生人的距離究竟有多遠？

你與比爾蓋茨、布希或者薩達姆是朋友嗎？似乎不太可能。或者任意點一個人，如果你想聯繫上他，應該怎麼辦？你可以這樣做：找一個最有可能和他有聯繫的親友，把問候轉達給他，然後他也照樣去找下一位親友。那麼，一共需要多少個這樣的親友中轉，才能找到對方呢？這個問題的答案或許有點讓人吃驚：不論你想找那位腰纏萬貫的首富、Psytopic的讀者，或者地球上任何一個普通人，大約只需要6步。

全文click here~

開片

我已經處處忍讓, 就係唔想同你開片, 做咩無端端夜媽媽要挑釁我???

我唔係奉旨要幫你, 而你之後都要對自己負責!

擒晚一片, 不能不開, 雖然條友仲係一啲都唔明白...

但一開就不可收拾...剩返殘局一盤, 所有人都受傷...

Relex, Take It Easy - Mika

切雞人話呢個MV啲animation整得好靚喎...

又一隻近期常聽o既碟, 一聽就好開心, 我覺得佢把聲好cheerful呀~~~

擒晚迫我細佬陪我睇mika之前喺london開o既mini concert, 睇落氣氛唔錯...

好想睇佢o既live performance, 我知道佢一定會嚟, 係唔知幾時啫...

辦公室懶蟲10招

【明報專訊】

● 交友：上Facebook和MSN等交友網站

●發泄：在網站annoyingcoworker.net向同事「大篤背脊」，或在customerssuck.livejournal.com宣泄對客人的不滿

●選美：到hotornot.com選靚人，到ratemypuppy.com或puppywar.com選靚狗

● 打機：關掉喇叭，到games.yahoo.com或games.msn.com玩遊戲

● 掃貨：在拍賣網站競投市面買不到的稀有物品

● 管理球隊：到fantasysports.yahoo.com扮足球隊領隊，管理球員

● 寫網誌：上載相片、文章到自己的網誌

●名人八卦：到thesuperficial.com或ohnotheydidnt.livejournal.com了解名人八卦新聞

●72行知多點：到waiterrant.net了解侍應辛酸，或到newyorkhack.blogspot.com探討紐約 的士司機的生活，以後付小費或許會「爽手」點

●扮工作：如發現老闆突然出現，視窗使用者可按「視窗」鍵的同時按下「M」鍵，隱藏當前程式；或預先開啟donsbosspage.com網站，它會顯示一個試算表，足可瞞過部分老闆的眼睛

路透社

打工仔五分一時間「網上躲懶」

【明報專訊】步入辦公室，鍵盤和滑鼠發出的「噠噠噠」聲不絕於耳，大家似乎忙碌得很，但其實很多人只是在「網絡躲懶」（cyberslacking）。全球不少研究指出，打工仔工作時有五分之一時間花在

私人事務上，當中最愛浪費時間上網。這更催生了不少專為辦公室懶蟲而設的網站。

曾著書探討辦公室上網現象的華萊士表示，打工仔總會出盡法寶逃避辛勞工作，「現在，你桌上便放進一道通往世界之門戶，而且掩飾容易，令人難以抗拒」。

IBM 曾炒上網聊天職員

澳洲 心理學教授菲臘斯指出，員工上網大都是收發電郵，近三分之一電郵是跟公事無關的。很多人亦在辦公時間上網理財或購物，Facebook和MySpace等社交網站更是熱門偷懶地點，用戶將狀態設定為「工作中」並不罕見。美國 和以色列 於去年調查更顯示，近兩成人工作時會看色情網。

一些公司以此為由，炒掉上網偷懶的員工。IBM便曾炒掉一名工作時上成人聊天室的職員；紐約 市長彭博更炒掉一名玩電腦撲克的員工。但掩飾辦公時間上網卻愈來愈易，例如可用手機上網。此外，不少針對打工仔而設的網站亦應運而生，你可以到overheardintheoffice.com，將從辦公室聽到的笑話，張貼網上公諸同好。若受了老闆或同事氣，你亦可到annoyingcoworker.com，網站會代發電郵出氣。

員工﹕工作悶工時長

企業薪酬調查公司Salary.com最近一項研究顯示，美國六成員工承認在工作時間處理私人事務，當中34％受訪者會上網。員工表示，返工上網是由於工作過於沉悶、工時過長、缺乏挑戰性及人工低。

不過也有專家認為，辦公時間上網未必影響生產力，反會帶來好處，因為准許員工上網購物或理財，可以讓他們減少出外用膳時間。「好像這類情，你們（僱主）實際上是為員工節省時間。」

路透社

happy birthday to jacky

生日快樂~~~

tagboard archive vol. 1

我要完整o既記錄~

23 Aug 07, 13:29Kristie: 大家咁話啦... @@
23 Aug 07, 12:36屎~: 我又好眼訓喇
22 Aug 07, 14:54屎~: 眼訓得想死.......
22 Aug 07, 13:42Kristie: 粗咗就係粗咗, 複述就唔叫可以叫做粗??! 你又嚟歪理~~~
22 Aug 07, 12:23小媚: 我仍純綷覆述此男之文字而已~~敢問何粗之有~~?
22 Aug 07, 11:23屎~: 朱同學粗粗都有呀~ 呵呵呵
21 Aug 07, 23:53Kristie: 小媚, 女仔講嘢唔得咁粗架~
21 Aug 07, 16:14小媚: 我建議杯葛此"交"男子......等佢以前返左屋企咁交差耐咁得戚呀啦
21 Aug 07, 15:49Bill: Jealous?!?! HEHE^^
21 Aug 07, 15:39屎~: tj13fjocpzx iq c190 @32hj9q0fwi
21 Aug 07, 15:10Bill: 我返左屋企好交差耐la~~wahahaha~~
21 Aug 07, 15:09Bill: hohoho~~妳慢慢等la~~
21 Aug 07, 14:32屎~: 等收工~ 快d 收工啦~~~
20 Aug 07, 11:46Kristie: menu, 再click embed, copy啲code, paste落你個blog度(寫嘢嗰版), 之後publish, 就得架喇~
20 Aug 07, 11:44Kristie: 你click右下角個
19 Aug 07, 11:34小媚: 請問點整youtube上個blog度ga?
17 Aug 07, 18:07Kristie: 係好歌會知音~ 呵呵呵呵呵~~~
17 Aug 07, 17:19屎~: .....................與眾同樂咁話喇喎
17 Aug 07, 16:23Kristie: 嘩... 我三日冇blog喇... 如果唔係gwen stefani我都唔上嚟~
17 Aug 07, 15:36屎~: 好眼訓~~~~~~~~~~
15 Aug 07, 23:36小媚: 今日超忙, 返工時間都無得上來攪事tim
14 Aug 07, 16:58Kristie: 我捕住你架~ 衰婆~~~
14 Aug 07, 16:18小媚: 我時運高, 你見我唔到~你見我唔到~~~~
14 Aug 07, 15:38Kristie: 嗱嗱嗱... 又俾我見到你~~~!!!
14 Aug 07, 15:00小媚: 最毒婦人心.......哎
14 Aug 07, 13:54屎~: 朱同學去死啦
14 Aug 07, 12:33小媚: 對呀, 明天沒空呀。俾人知道我的行蹤, 都無曬神秘感啦, 人地不嬲都好低調ga ma
14 Aug 07, 11:19Kristie: 擒晚俾我篤爆咗朱同學成日都上嚟偷窺我, 每日三次, 早午晚各一~
14 Aug 07, 10:49屎~: 聽日你唔得閒呀朱同學
14 Aug 07, 10:26小媚: 我又嚟報到啦~~哈哈
13 Aug 07, 12:20屎~: hohoho~~ 你理我啫~ haahahhah~
11 Aug 07, 16:42小媚: 多得佢的返頭，我訓到4點，岩先起身..
11 Aug 07, 01:05慧沁: 個風雖然好似有d流,但今日都總算有d作為啦
10 Aug 07, 10:58小媚: 阿敏，因為佢唔明咩叫叻唔切呀嘛~~~see!!?
10 Aug 07, 10:04Kristie: 你做咩喺我地頭度認叻呀?
10 Aug 07, 09:35屎~: 一向~ hahhahaaha
9 Aug 07, 17:06小媚: 係啦~~你最叻啦~~~
9 Aug 07, 16:43屎~: 我最勁~ 琴日放工~ 今朝返工都係無乜雨既~ 多謝個天睇住~ 呵
9 Aug 07, 13:33Kristie: 濕身唔打緊, 唔好攝親至好呀, 小媚~
9 Aug 07, 10:55小媚: 今早大雨下, 無不濕身啦........哎
7 Aug 07, 13:34Kristie: 做咩呀你...?
7 Aug 07, 09:42屎~: snape.........
6 Aug 07, 10:49Kristie: 多謝晒喎...
4 Aug 07, 14:39Bill: 我路過架ja~~留條腳毛俾妳~~
1 Aug 07, 22:50小媚: i agree with juicy~~haha
1 Aug 07, 13:12Kristie: =_=""" 我都唔知點應你好嘞...
1 Aug 07, 09:18屎~: 哈~ 兩個都唔係點講野既人吵架呀.....應該吵得好慢~ hahahhah
1 Aug 07, 08:39Kristie: 下次見到你話過你知~
31 Jul 07, 22:46小媚: 小朋友，做咩吵架呀~!
25 Jul 07, 09:10屎~: 唔~ 拱我都快d 開始睇返第六先~
24 Jul 07, 13:45Kristie: 我擒晚極速睇晒第六, 今朝開始咗第七喇...
24 Jul 07, 12:43屎~: 仲有~ 乜你睇完第6喇咩
24 Jul 07, 12:42屎~: 你忘記佢當我無講過啦~ 仲諗~! 你仲諗丫拿
20 Jul 07, 09:45屎~: 咁要比存倉費~ 次次都食唔晒...= =
19 Jul 07, 17:17Kristie: 哈哈... 用蛋糕俾得唔得?
19 Jul 07, 09:45屎~: 好多謝朱同學既發言~ 既然大家咁賞面~ 我屋企比尖家hea 有乜所謂~ 係咁e 收返小小行政費管理費服務費水電煤柴米油鹽雜費咪得囉~
18 Jul 07, 12:41小媚: 我完全同意~~因為有個地方倖姊妹hea~~
18 Jul 07, 12:31Kristie: 其實都係遲早o既事gwa......?
18 Jul 07, 12:09屎~: 問題
18 Jul 07, 12:09屎~: 我諗我要認真考慮 physically ' 成家立室 ' 呢個
18 Jul 07, 12:08屎~: 我而家仲好攰同好慶.......= =
18 Jul 07, 12:07屎~: 因為係敲得好大聲同好急~ 我其實係被嚇醒~ 閂左門個心仲狂跳左好耐~ 成半個鐘都未訓返囉~
18 Jul 07, 12:05屎~: 仲係不停敲~ 敲到我起身開門~ 大叫我聽日要返工家 !!!!!! 再slam 度門囉
18 Jul 07, 12:04屎~: 都話唔好提家啦~ 你地走左之後~ 我阿媽佢地返左黎又出返去飲野~~ 飲大左既舅父同佢女友 ~ 凌晨4點半狂敲我房門大嗌生日快樂~
18 Jul 07, 00:22Kristie: 小媚~ 你想做咩令梁生知道姊妹們o既威力呢???
18 Jul 07, 00:13Kristie: 唔錯架~ 同埋都user-friendly~ 不過唔可以set password喎...
18 Jul 07, 00:12小媚: 又係喎~~ 咁做咩野又整個留言呢~~btw, 今晚好開心，大家合力令到peter知道咩為之佢老婆嘅好朋友~~~
18 Jul 07, 00:00Wai Sum: 請問對於這個blog感覺如何?user friendly? 可以set password嗎?
17 Jul 07, 14:50屎~: 留完言都仲問.....傻婆
17 Jul 07, 13:25Kristie: 俾你留言架~ 傻婆~~~
16 Jul 07, 21:55小媚: 咩0黎0家~~
16 Jul 07, 16:02Kristie: 哎呀~ 好犀利呀你~
16 Jul 07, 12:05屎~: 第一

crying in the party

熱播的歌 忽爾靜了 場邊 一聲慘叫
好友都靠近了 你沒有被忘掉
觀眾 預了分擔惡兆

大喝三杯 失控地笑 孩子 終於哭了
空氣的震盪裡 你沒說但心照
某個事情大概 不妙了

*因一個人痛哭 哭崩派對舞曲
我也曾像這樣 青春大概相似
總有段情 落入這種 困局

或有一天 當你大了 城府 開始深了
年輕的眼淚流光了 便掛念曾經這樣了*

讓你哭泣 哭到倦了 重整 呼吸心跳
哭過吵過鬧過 你為愛做足了
再接下來就要 收拾了

Repeat *

是 所有熱情會乾掉 一發現已經成熟了

人浮於事

21/8 有人話「kristie姐好惡呀...」
公司呢排有工程, 但老闆放假, 點知班裝修工人竟然偷雞開工, 又轉牆又起地, 搞到啲客勁投訴! 如果我話得事, 一定會去叫佢哋停手!!!

經過走廊見到有幾個裝修佬想成架積車由貨lift拖出嚟, 我勁驚, 即刻叫住佢哋:「喂, 積車唔拖得出嚟架喎!」

點知佢哋仲大聲過我:「幫你鋪返個地囉!!!」

我真係火都嚟埋:「鋪咗地又點啫!!! 你一拖出去, 地毯都俾你起埋啦!!! 我哋而家打開門口做緊生意架, 你話搬咩就搬咩呀!!!???」

對話其實唔係咁短o既, anyway, 鬧完之後, 搵tech人收佢哋...

有時我諗, 其實大家都係打份工, 可以講吓道理同禮貌嘛...? 但原來, 係要用返同一種溝通方式先至會work囉... 對住啲裝修佬, 千祈唔好俾佢大聲過你...

我而家淨係想老闆快啲返同埋快啲搞掂個show room咋......

-----

23/8 做Appraisal
講真, 我想做appraisal好耐架喇~

結果係... 工作能力受到肯定, 實在係非常之咁開心~~~ 老闆話, 無論internal定係external client我都handle得到, 嚟緊可以再take up more responsibilities;

呢個improvement, 已經好明顯咁反映咗喺個分數度嘞~~~

佢都明白我唔會長留喺度, 亦都唔應該留喺一個冇advancement既地方, 所以如果公司有其他機會, 佢會幫我~ 聽到呢度, 我真係有啲感動...

兩個月之前, 堆積o既project有30+, 仲以為好快就可以完結... 點知而家有45+, 已經排到去出年三月... 可能真係經濟好咗啩... 今年都乜點分hi or lo-season嘞... 雖然係唔憂做... 但唔代表唔駛做囉~

-----

25/8 had a very nice chat w/ joseph & wah @ pacific coffee citigate
係nice chat嚟架~ 雖然我好似一路都睇緊雜誌咁, 但其實係聽緊架~ 呵呵呵~

對工作對同事, 發現原來自己真係睇得幾開, 人事問題已經再唔影響到我喇~ 話晒自己做嘢仲係junior grade, 上面唔跣你跣邊個啫~ 睇你唔過眼, 覺得自己地位被威脅o既人, 先會講咁多廢話, send咁多無聊email, 搞咁多小動作...... 公司愈大就愈多無聊人...

我而家所持o既態度係... 硬食~

硬食一嘢, 係會唔開心架, 可能有啲人仲會好得戚添... 但我有樣好, 我份人好好記性, 我會記住你做過啲咩, 我又疏忽咗啲咩, 下次再踩你o既屎, 係我笨實! 與人無尤!!! 所以我而家好叻架啦~ 你哋講咩我都係笑~
我唔會俾你哋見到我唔高興架, 返到屋企就另計...

做appraisal嗰陣老闆話"you can get your job done very well and beautifully, but you cannot expect the others do the same thing, they won't" (by the way, 佢成日都半中半英架, singaporean, you know~?) 好一個"they won't", 就係咁, 我知道, 老闆有朝一日都可能會跣我...

只有自己o既工作先係controlable既, 唔好咁得閒理外面o既人事住喇, being a small potato又怕中箭, 不如著套鎧甲返工吧啦... 有時最緊要o既唔係返工返得開唔開心, 同埋做唔做到自己鐘意o既嘢, 如果你唔甘心就咁原地踏步的話...

好忙呀!!!

得閒先update喇!!!

揀衫

今日放工有另一個secret mission~
就係揀衫呀嘞~

La Tasca

星期一放工後有班人有一個secret mission, 所以去咗食西班牙菜~

因為早咗好多o既關係, 我同幾位朋友去坐低先, 佢哋叫咗jug spanish sangria, 好似話ok架~ 我唔想飲alcoholic嘢, 所只係叫咗個pineapple juice~

小食nacho, 好cheezy又唔膩, 正~~~

而個主菜方面呢... 我鐘意個羊肉同埋蒜茸墨魚仔~
嚟~ 下次姐姐帶你去~~~

La Tasca - 尖沙咀河內道8號地下
http://www.openrice.com/big5/sr2.htm?shopid=7035

happy birthday to edo

祝陳爸爸年年有今日~

Gwen Stefani - 4 In The Morning

Waking up to find another day
The moon got lost again last night
But now the sun has finally had its say
I guess I feel alright

But it hurts when I think, when I let it sink in
It's all over me
I'm lying here in the dark
Watching you sleep, it hurts a lot

[And all I know is you've got to give me everything
nothing less 'cause, you know I give you all of me

I give you everything that I am
I handing over everything that I've got
Cause I wanna have a really true love
Don't ever wanna have to go and give you up
Stay up till four in the morning and the tears are pouring
And I wanna make it worth the fight
What have we been doing for all this time?
Baby if we're gonna do it come and do it right]

All I wanted was to know I'm safe
Don't wanna lose the love I've found
Remember when you said that you would change
Don't let me down

It's not fair, how you are
I can't be complete, can you give me more?

[Chorus]

Oh please, you know what I need
Save all your love up for me
We can't escape the love
Give me everything that you have

[Chorus]

Gwen Stefani The Sweet Esacpe Tour

買咗飛兩個月, 等到我頸都長埋~ 擒晚終於都睇咗喇~~~~~~

真係正到爆晒燈, 好開心~~~ 超級興奮, 勁hyper, 我竟然可以睇到gwen stefani既live, 真係感動到喊呀!!!!!! 由gwen出場o既第一秒開始, 已經係全場企晒起身, 係咁un係咁跳, 又拍手~~~ 個氣氛好到冇人有!

話晒都係夾band出身o既, gwen真係膽識過人!! 佢話$480嗰位真係fuxking far, 所以跑過去, 仲爬埋上觀眾席, 一啲都唔錫身!!! 啲食q都爬得唔夠佢快~

gwen把聲真係好有感染力, 無論快歌慢歌都硬係touch到你架喎!!! 同埋佢所有表情動作都係performing arts, 冇人可以模仿得到, 佢好得意, 又好sexy喎... 唔識形容, 但我真係愛死佢!!!!!!

雖然AsiaWorld Arena啲音響不嬲都講唔上好~ 但我都好enjoy睇佢隊band, 真係估佢唔到, 無端端個鼓佬會拎支trumpet出嚟吹!!! 好勁呀~ 佢除咗負責percussion同埋trumpet之外, 仲有keyboard同埋vocal, 癲架~~~

啲dancers又係, 跳hip-hop跳到出神入化, 好堅~~~

Song rundown:
01. The Sweet Escape
02. Rich Girl
03. Yummy
04. 4 in the Morning
05. Luxurious
06. Early Winter
07. Wind It Up
08. Danger Zone
09. Hollaback Girl
10. Wonderful Life
11. Now That You Got It remix
12. Don't Get It Twisted/Breakin' Up
13. Cool
14. Orange County Girl

Encore:
15. The Real Thing [acoustic]
16. What You Waiting For?

我擒晚瞓唔著, 因為個腦仲係不停咁播住gwen啲歌, 仲係想跳舞!!! it's the best concert i've ever seen in my entire life!!!!!!

聽咗佢十年... 呢個concert對我嚟講實在係太重要, 所有嘢都太overwhelming啦... 我而家好失落呀... 希望佢可以快啲再嚟... 最好帶埋no doubt嚟...

The Bourne Ultimatum

又一套trilogy~

兩個鐘去勻紐約、倫敦、莫斯科、馬德里、意大利、摩洛哥(呢兩個城市名我唔記得咗), 睇住jason bourne化險為夷, 好緊湊呀~

jason真係好聰明(其實landy都係~), 喺waterloo station嗰場好緊張, 如果simon ross聽佢講咪唔駛死囉...

另外有兩場都幾好笑, jason喺馬德里逃走嗰陣開槍, 報警用西班牙文講「好似係美國人開槍o既」; 尾聲又入個壞人(好明顯我又唔記得咗佢個名啦~)office偷嘢, 聲東擊西, 估唔到佢又真係會蠢成咁喎~


佢哋拳拳到肉架, 打到手斷腳斷咁... 仲有啲爆破場面... 連埋啲音響... 想炸死埋我咩... 睇到我嗌晒救命... (係我細胆啫... 其實都係一般動作片咁囉...)

同埋唔知點解佢啲畫面震得好緊要, 好似要凝造出一種身歷其境o既效果咁~ (好可惜, 係唔work架~ 唔係講笑, 坐林生隔離嗰個男仔睇到頭暈、行開咗幾次, 佢應該係去嘔啩...)


睇完一二集咪睇埋第三集囉~ 情意結... 冇得好講~ 不過相比之下, 我都係鐘意die hard 4.0多啲~

點解呢排啲戲好似好睇啲咁o既呢??????

Ratatouille

Pixar既動畫, 不嬲都唔會令人失望o既~~~~~~

畫面可以用flawless去形容, 巴黎o既景色、食物、細到一滴水、老鼠仔o既一條毛都清清楚楚, 好細膩~~~

我係睇粵語版o既, 因為貪佢夠地道~ 而且鄭中基同梁漢文都配得幾好~ 前者夠晒抵死, 後者又真係成個怕醜仔咁~ 同埋佢哋啲表情都好抵死, 尤其係闊條面瞓著咗聽歌莉講嘢個樣, 真想兜巴星埋去~~~

最後梵高森寫嗰篇「食評」真係好有意思, 亦都回應咗「人人可做廚」呢個theme~ 佢話咩出身o既人只要肯努力、都可以出人頭地; 又反省自己以前成日都對啲佢唔鐘意o既嘢口誅筆伐, 仲以為自己好叻咁... 其實咁都反映到而家好多人都好mean好demanding囉...

希望啲大人睇完之後做人識得寬容一啲~

p.s. 我諗係因為啲老鼠實在係整得太靚, 我每次見到佢哋成班一齊出動o既時候都會毛筒恫囉...

happy birthday to 阿Ful~

好耐冇見喇~
祝你生日快樂~
(雖然你應該唔會睇我個blog~)

風回路轉...

帕布無端端食咗蝴蝶, 仲要吹返轉頭......

短短三數個鐘頭之內, 竟然由一號風球變做八號風球... 咁係影響唔到我架, 因為我人已經係office, 如果係我出門口之前掛八號波就話開心啫......

lunch返到去, 大家都話三點半前會八號, 天文台話住得遠o既要返屋企嘞~
但老闆話要開埋個會+正式掛咗八號先走得...

搞得一大餐, 三點先走... 落到地鐵站先恐怖...... 我懷疑根本就係全金鐘o既人一齊撤離囉...... 好迫好迫呀...... 又唔俾人入閘喎... 想返轉頭又夾咗喺人潮中間, 好慘~

不過我都算好彩嘞, 上到車同有得坐, 見到啲人迫上車, 又有好多女人慘叫, 我以為自己走緊難......

返到東涌等巴士又要排一大輪......

就係咁... 我用多咗一倍時間先返到屋企!!!

整!!! 早知留喺公司做埋啲嘢啦!!!!!!
(人哋下星期四五都放假嘛~~~ )

打唔成風......

仲以為今次吹到正一正, 可以hea一日, 點知都係三號波...

happy birthday to yicca

睇嚟都係約唔到你食飯架喇...
anyway, happy birthday~

plastic夠未呀!!??

周街都係嗰個「i am not a plastic bag」, 世界各地都出唔同色, 啲so-called潮人就繼續追~ 藍色字、灰色字、綠色字~ 聽講羅湖商業城仲賣緊瑩光粉紅版~ 盛惠八十蚊~ 仲有得講價添...

我assume呢個叫做anya xyz 既品牌真係想宣揚環保, CSR啫~ 咩brand都會做架啦~ 一個帆布袋賣百二蚊, 好抵咩...? 但有班盲毛竟然可以將呢個袋炒到二千蚊~ 仲要爭崩頭喎~ 同佢哋一樣叫做香港人, 我覺得好燸......

呢班人, plastic bag完之後, 會繼續gucci、LV, 唔會再講環保架喇... 冇辦法, 呢個係佢哋o既習性~

-----

呢個切雞人得呀~ 佢「識字」架~~~

康港人，保甚麼育、創甚麼作、審甚麼查、品甚麼味，都假！
假的意思不只是真假的假，而是偽！虛偽！
朋友講得很對，康港人，根本地不老實，自欺欺人！
保育的，目的不在保留文化和教育；
搞創作的，目的不在創新苦作；
審查的，目的不在審理查閱；
講品味的；最終多為附庸風雅。
虛事求非！絕不實事求是。

睇完嘞...

一開始都已經好緊張好心up架喇, 睇到the prince's tale一章真係想喊...

嗚嗚嗚... professor snape......

Please handle ME with care...

呢排都唔知自己係點樣過o既, 撐吓撐吓, 咁就一個月...

以為自己好tough可以當冇事發生過, 但原來只係感覺delay咗, 一個人靜落嚟o既時候就會知道...

Cashback

星期一攞咗假(傳聞係sick leave), 晏晝兩點幾, 正當我好惆悵唔知做咩好o既時候, 阿bill(佢都係sick leave~)問我睇唔睇"愛情回水", 唔駛諗, 即刻換衫出門口去電影中心睇四點場~ 呢套戲集藝術、感動、科幻、情色(???!)同埋搞笑於一身~ 好睇~

ben willis係一個畫家(or an art student??), 自從失戀之後就患咗失眠症, 正因為咁, 佢比正常人多咗三分一o既時間要打發~ 好在佢冇咩不良嗜好, 唔似得佢兄弟咁成日都要搵natalie(s)~ 佢唯一可以做o既就係畫畫, 之後仲去超市返night shift添...

喺超級市場o既幾個角色都好好, 有夢想可以去外闖盪o既sharon, 有超低能麻甩寶兄弟, 有功夫小子, 亦都有老闆gladiator~ 喺佢哋身上都睇到自己睇到身邊o既人... (btw, 不得不提個低能麻甩佬撩交打, 但反而俾功夫小子刮咗一巴嗰幕, 全場大笑+拍晒手~)

我好認同sharon話畫家成日都可以喺任何嘢上capture得到靚o既一面, 再畫出嚟同人分享~ ben佢又真係會呆咗咁睇住包散滿一地o既青豆, 當係畫咁睇喎~ 又一個好笑~

科幻係因為ben有令時間停止o既能力, 時間一停, 所有人都會定形, 只要佢"啪"手指就可以變返正常... 但做人都係向前望好, 發生咗o既事係點都唔可以undo架... 所以唔可以怪"sharon chooses to trust the one second she saw in a two-second story", ben令時間停咗三日, 就係唔想sharon走咗去... 睇到呢度, 好心酸呀...

ending唔講, 有機會自己睇啦~

我們吵架了...

吵了個天昏地暗, 欲罷不能...

capri cafe

happy friday放工真係唔想返屋企, 尤其係個人好煩躁o既時候.. 所以約咗豬屎落荃灣食飯, 跟手豬屎又call埋已經返咗屋企o既阿bill出嚟~

我哋去咗阿bill介紹o既capri cafe~ (btw, 點解啲餐廳成日都好似係阿bill介紹架呢??)

我冒住食梳打牛o既危機, 點咗個牛扒; 豬屎食魚; 阿bill食豬肶+羊扒~ 成個set有湯+沙律+主菜+甜品+飲品, 埋單130, 少少貴, 好在個牛都ok~

但最好o既係坐得舒服, 唔太嘈~ 又冇人迫你埋單~ 可以吹吓水~

飯後係shopping時間, 我買咗件花花衫, 好靚架~~~

嗚嗚嗚... 你點可以咁架...???

你好衰架... 人哋三日冇睇新聞, 又唔敢睇報紙, 就係驚知道邊個會死嘛......

你... 你隨口咁就講咗出嚟... 我好唔開心呀... 嗚嗚......

你哋一個二個呀... 拜託千祈唔好再講任何劇情俾我聽嘞... 我一啲都唔想聽呀...... 嗚嗚嗚嗚嗚......

我一定要今個星期之內睇晒第七集至得......

happy birthday to 細佬~

升中四嘞~ 但係我仲係叫佢做bb囉~ 呵呵呵~~~

醒不來

分不清白天 看不見黑夜 心情冷豔晝夜徘徊
分不清是非 看不見完美 十分酒醉 七分疲憊
沉溺在晝夜的邊界

不是想沉睡 噢 醒不來 醒來你依然不會在
不是醒不來 噢 醒來我還是發呆

朋友都說我夜裡比較美 只因他們看不見我清醒的臉
朋友都說我夜裡更冷豔 只因他們看不見我的悲

太陽升起來 噢 醒不來 醒來依然沒有未來
月光灑下來 噢 醒不來 醒來我還是發呆

hermes嘅橙

係hermes既絲巾展覽(A Road To Silk), 七月頭睇架喇~

呢個絕對係不惜工本之作~ 首先由lane crawford對出起咗個好大o既帳幕, 條橙路一伸延去mango門口, 而且每間「屋仔」都有唔同o既主題~

我最鐘意o既係呢間「簡條屋」(唔記得佢個名嘞...)

一入門口有啲頭暈~ 啲黑色條紋好似係鏡o既倒影咁, 但睇真啲、諗真啲之後就知佢想玩illusion~

行去另外一邊睇係彩色o既~
好靚~

btw, 掛起咗嗰啲唔係畫, 係絲巾嚟架~

好彩我放工去睇冇咩人, 所以影到相~


呢間屋仔叫做「潑墨與隨想」...

個展覽起緊o既時候我已經估佢係hermes, 因為佢隻橙色真係好unique, 一睇就認得出喇~

變型金剛

擒晚喺銅鑼灣JP睇咗優先場~ 可能係不設畫位o既關係, 林生啲同事八點九就去咗排隊霸靚位喇...
好彩我唔算坐得好前, 如果唔係會睇到頭暈呀~

好好睇~ 一開始架直昇機變狂派機械人嗰陣我已經目瞪口呆架喇... 做咩呀佢? 痴線架~ 咁變都得o既~~??? 超正~

之後每出現一架新機, 我都金睛火眼咁睇到實, 真係不得了~~~ 同埋我覺得睇機械人打交、插眼、扯頭髮, 好過睇john mcclane打到爆晒缸喇~

仲有~ 佢啲配樂真係沖正我杯茶, 啲歌好好聽呀~ 片尾仲要係linkin park添~~~ 又一個不得了~

哈哈哈~ 我而家識得分邊隻打邊隻喇~ 等我post返張柯柏文先~~~

p.s. 我頭先上網睇影評, 得知柯柏文o既大陸譯名係擎天柱... 麥加登係威震天... 笑死我...

最緊要退步 - 李碧華

有人看《最緊要進步》嗎？沈悶、弱智──小學生校際常識問答比賽比它認真。

主持人問：「禽流感病毒的主要傳播途徑是：A禽鳥、B魚類。」

虧那些來自各方社團參賽者，外加「比較得閑」的藝員，還要表現得緊張刺激，答對了可「隨機」獎賞（如飛行棋）一步、兩步、三步。不管多少步，主持人都會擠起笑臉盟鼻不厭其煩道：「唔錯唔錯，有一步。」/「唔錯唔錯，有兩步。」/「唔錯唔錯，三步，恭喜。」

節目不求隨機應變，遑論急智執生，而且，「又」是王貽興？饒了觀眾吧？

《溏心》和《師奶》中等貨色，原來已是無佳作了？難頂的《緣來自有機》終於月黑風高之夜乘人不覺收檔了。《學警出更》老中青均婆婆媽媽，拖泥帶水，沒一個角色爽快。大家還要捱那嘟起嘴唸對白相當惹嫌的阿靜（徐子珊在《跟蹤》中反而樸實自然，嘴也不嘟了）。倉底貨（兩年前已賣埠）《強劍》回流，網民大罵。

全可正名：最緊要退步。

大雙失 - 陶傑

流行一個新名詞，叫做「雙失青年」：失學和失業。

失學有什麼大不了？泰半是早年自己不用功。將來成熟了一點，還可以當一個老學生。失業也是暫時的，要求低一些，表現勤快一點，一定找得到職業。

失學和失業，只是青少年的「小雙失」。真正的大問題，是失憶和失語，這才叫「大雙失」。

失憶：就是凡五年以早的一切人和事，通通都不知道。鳳凰女、麥炳榮、馬師曾、靚次伯，怎麼你都知道他們的名字？一定是爺爺那一輩了吧？在K場和酒廊，兩杯酒，一碟薯片，一枝咪高，一陣OL哄笑─一個年輕人，知道他的同輩所不知道的舊人和往事，會受到歧視和排擠，「原來他那麼老餅」。

於是從油尖旺到中環尖沙嘴，四十歲以下的都以失憶為榮：鳳凰女的徒弟名叫南紅；五十年代初，馬師曾投奔大陸，上演了一齣《搜書院》。其時周璇流落在九龍，住九龍城嘉林邊道，去侯王廟那邊的片場上班。錢穆在農圃道開始經營新亞書院，那時候的港督名叫葛量洪……一切掌故軼事，知道一點點的，立時在卡拉OK的一個貴賓廳變成了局外人。

當你發覺，同輩之中，與你一樣無知嬉笑的人，走出校門，也求得一份月入二萬八千元的銀行分析員的優職，集體失憶，就不再是社會一種集體的意識缺陷。

然後是失語了：看DVD蜘蛛俠、玩電腦遊機、ICQ和手機SMS的一代，原來是不懂得作文的。

除了閱讀障礙症，也無法以一張嘴巴說出一篇連貫的演辭。還有是一個完整的段落和句子，也組織不起來。夜間九時，旺角亞皆老街與彌敦道交界過馬路的兩萬人流，隨便把一個人叫出來，給他一枝筆，一張紙，叫他寫一篇一千字的議論文，老土一點，題為「我眼中的理想社會」，你猜在文法、思維、主題、結構方面，有幾位會得一個E級合格？

但是，當你發覺同輩的那位好友，中英文不通，最近因參加電視港男選舉入圍，簽約當了電視節目主持人的時候，你也會同意，缺乏思想活動和表達的能力，原來也可以成為八卦周刊Book B的內頁名人，就會發覺原來一代的失語，也不是社會一種集體的意識殘障。

想想二十年後，主管香港的，不再是曾經用英文寫Memo相當標準、瞄「貓紙」讀稿相當流利的港英餘孽，而是這「大雙失」一代中的最Top一批──他們不知道周璇，但依稀知道梅艷芳；他們不必出口成文，只懂得要爭取民心，必須有兩句八股的Sound-bite。該移民的真正時機，不是一九八九年後，也不是一九九七年之前，而或許就在這二十年內。

比起「小雙失」，只是小意思，當大雙失抬頭，成為時尚，是災難真正的開始。

happy birthday to 豬屎~

給快要「成家立室」o既你送上無限祝福~~~

what a weekend~

12/7
去咗Megabox IMAX 睇harry potter & the order of the phoenix~

講咗Megabox先, 嗰度真係個鬼地方!!!

我去到九龍灣搵好耐都搵唔到佢架shuttle bus, 去到淨係知道好多人, 想問啲CS點樣上戲院啫, 佢見到我行埋去即刻行開扮見唔到喎... (我冇屈佢ga... 因為佢實在真係轉身轉得太大動作同埋突然喇...)

啲鋪頭冇規劃, 而且好多都仲未開...

個mall好細、啲走廊好窄, 啲扶手電梯先攞命, 完全唔知佢想點! 左搭右搭, 一係無端端要行樓梯, 一係無端端skip一層... =_="" 行得好唔舒服.......

個商場裝修得好肉酸... 啲「裝置藝術」我真係不敢恭維呀...

我真係想知係邊個發展商起個咁o既mall出嚟... =_="""

(不過佢應該唔係target我呢班尖酸刻薄o既OL... 因為個場充斥著一班又一班天水圍街童, 比MK人更MK...)

同埋... 目黑啲壽司真係... 比喺百佳買$2.5一舊嗰啲仲要難食1000倍!!! (咁呢個都唔關個mall事o既其實~)

有得揀的話我唔會再去架喇!!!

雖然Megabox係個爛場, 但都無損我睇harry potter既興致~

呢一集好多文戲, 但我又唔覺得悶喎~ 不過同harry potter唔係好熟o既人睇之前都係溫返陣書會好啲~

拍到嚟呢個地步, 好似睇住全部角色長大、變老咁... 真係好親切~

如果我冇記錯的話, 小說係dumbledore用火, voldemort用水o既, 但電影唔同~

同埋sirius死得太輕飄飄嘞... 冇我想像中咁慘烈...

我建議大家唔好去IMAX睇harry potter~ 雖然個screen真係好大好清, 但咁樣你會錯過好多其他細節, 例如你睇住harry, 就睇唔到ron既表情, 又或者會少咗留意啲佈景咁啦~ 除非你想戴住佢個google睇3D啦~ 其實3D嗰part都ok架~ 只係20分鐘略嫌太短~~~

返到屋企兩點嘞... 好在第二日攞咗假啫~~~

-----

13/7
Annual Leave賦閒在家, 好不寫意~

本來約咗班舊同學食例飯, 但hea hea吓又唔想出街嘞... 難得有一日可以死蛇懶鱔一番嘛...

我睇咗成個下晝Central Saint Student, 好一個「省靚招牌五十年」, 未省靚, 睇怕佢已經首先拆咗自己個招牌, 唔好再用"inspried by"嚟美化自己o既copy cat嘞... 莫非嗰陣時石景山又係真係inspired by disneyland咯喎?

Philip Toledano個version真係好有photo impact... 尤其係個女人俾好多好多手包圍住嗰張, 好恐怖~~~~~~

另一個睇咗好耐o既website:

整自己個avatar~

好搞笑~









唔該我個妹速遞王力宏隻新碟俾我~ 仲有預購禮品添~ 呵呵呵~

Popcorn Killer

真係不得了!!! 好睇到不得了~~~~~~

緊張到丫... jackel殺martin嗰陣, 佢好似向住我開槍咁呀!!! 嚇死我~~~

如果糊塗戲班重演呢齣劇, 你哋一定要睇呀~~~

「我真係愛死你呀~ 棉花糖~~~」

我睇《爆谷殺人狂》都係因為魏綺珊咋~ 佢真係... 冇得頂呀~~~ 好靚女架~ 好nice架~~~

好好笑~ 我胆粗粗走埋佢度想攞簽名同埋影相, 點知佢竟然話「等等等等, 等我補返個妝先~」跟住唔知喺邊拎支唇膏嚟搽... haha~

好開心呀~~~

十一月o既《靚太作死》, 我一定會睇架~~~~~~

-----

《爆谷殺人狂》出位劇場

【明報專訊】影視和報刊在新聞自由、創作自由掩護下，滿佈狂暴、色情、醜聞、血案，經常被指摘噱頭化，教壞人。但很多人愛看，是否也成為幫兇？到底是誰的錯？

糊塗戲班正在公演的《爆谷殺人狂》，就誇張諷刺這種流行已久的怪現狀，搞成瘋狂趣怪的黑色喜劇，並炮製了香港劇場比較少見（但以前港片盛行）的色情暴力。

此劇翻譯英國賓艾頓1996年熱門作品Popcorn，背景是美國荷李活，顯然針對奧利華史東《天生殺人狂》、塔倫天奴《危險人物》等話題片。

話說一個性暴片名導演贏得奧斯卡金像獎之夜，在豪宅與脫星鬼混，被崇拜他的雌雄殺人王闖入挾持，大開殺戒。導演的妻女也陷於危機，狂兇還讓電視台直播高潮！

《爆谷殺人狂》以嘲諷為名，其實也乘機猛搞性暴噱頭，大講粗口，跳脫衣舞，動粗開槍，又不斷搞笑，絕非高雅之作。而勝在玩得抵死，演員們都生動有型。

去年魏綺珊與陳文剛在舞台上合演過意大利達里奧福原作的趣劇《靚太作死》，今次扮雌雄恐怖狂兇，則變為粗線條的型男索女，很漫畫化。妙在女殺手也貪靚，男殺手更是大影迷，陳文剛演得很狂放，大搶「鏡頭」。

最諷刺是靠色情暴力名成利就的導演，不斷談藝術，自我辯解，終於自食其果，魯文傑演得充滿立體感。唐寧擔任想做演員的脫星，扮相艷麗，演技也不錯。至於妻女與監製，都扮得古靈精怪。

這個粵語版由鄧偉傑導演，整體在粗俗中可算大膽爽快，不大適合正經劇迷，但適合反斗派觀眾口味。

全劇可以稱為漫畫版「性暴荷李活」（近十年主流電影少年化，少了色情，但黑色狂暴變本加厲），後段還把笑罵的矛頭指向電視、觀眾、警方、政府、社會與上帝。尾聲聰明地「一網打盡」，顯出人人都把責任推在別人身上。

值得注意的是，香港新劇場流行粗口，此劇還「出位」地引進性暴，企圖吸引新觀眾，但未知能否打開市場？

石琪

happy birthday to 阿昇~

大個仔嘞~

wish you all the best!!!

happy birthday to tracy豬~

生日快樂~

雖然我都係啱啱先知道今年係你21歲生日~

虎膽龍威4.0

話晒擒高擒低都靠腰力靠腳力, 睇嚟bruce willis都冇我想像中咁老~ 呢啲硬橋硬馬真功夫~ CG特技係replace唔到架~~~

一如以往, 呢啲戲都係大美國/英雄主義行頭, 四肢發達頭腦簡單、仲要一個打十個做主菜~ McClane用手遮住個webcam就以為人地聽唔到佢講咩呢幕真係笑爆咀~~~ 好low-tech囉~

兩個鐘, 好緊湊, 冇廁所位, 好似打機要過關咁~ 私家車vs直昇機... 貨車vs戰機... 真係估佢唔到~~~ 而且都冇我想像中咁血腥, 殺人唔見血, 睇嚟佢哋都內場得幾緊要 ~_~"""

我冇期望咁陪人去睇, 所以有驚喜。雖然我唔好呢啲動作片, 但真係不得不承認die hard 4.0 係好睇o既~

台北之旅 - 18/5 (1)

hea咗咁耐, 終於都post返啲相上嚟喇~~~

-----

18/5 七點半 香港國際機場集合

十一二點去到台北, 喺機場唱埋台幣, 即刻去第一個景點 - 九份~
一路搭旅遊巴上山, 一路驚住會落雨, 好在冇咋~

我冇食到街口第一檔牛肉湯、牛肉面同埋牛肉湯面, 情願爭取時間周圍行吓~

阿信的店有好好味o既果凍同埋麻薯, 我買咗幾包做手信~



九份啲地差唔多全部都係用大石鋪, 唔"扇"架, 同埋就算好多人食街邊嘢, 都依然好乾淨~


好似歐洲o既屋~


兩個人去旅行係有呢樣唔好, 成日都要自拍~

(尤其係當兩個人都唔肯叫人幫手o既時候...)


由此可見, 創世紀係幾咁深入民心呢~

(咁都笑得餐~ 超低能... ++""")

呢度係悲情城市拍攝場地, 好有千與千尋feel喎~



九份之後, 鴨仔團去咗魚市場~

聽啲團支講, 魚生好似話好新鮮好抵食, 我唔敢試呀, 怕肚痛~









呢個時候開始落雨嘞, 仲愈落愈大添~ 係check in既時候喇~