Brett Anderson - Love is Dead

特別鳴謝: 同事L ^^

dun ever live under other's shadow

it's miserable

dear friends,
dun try to compare or compete with anyone
dun try to copy the people around

you'll never find the real you by doing so
be true to yourself, okay?

唔肯定...

呢一行唔係唔好, 但要有advancement就要讀書嘞...
要讀hospitality相關o既嘢...
同埋... 係讀就快喇...
不過讀咗... 又好似冇得返轉頭咁... (一嚟我又唔想兜路啦...)
而且... 我真係好鐘意mktg & advertising架...

十萬個唔肯定!!! >__<"""

busy...

過年之後忙到而家, 以前忙, 係occasionally咁忙, 例如李生無端端貢上嚟果啲~

但直家o既忙係consistant咁忙, 啲job清極都清唔晒, 唔係centre close都唔想走果隻... 我唔介意OT, 亦都好開心, 覺得自己做o既嘢全部都係值得做o既, 冇虛耗光陰~ 我唔介意做多啲~

但問題係... 以我而家呢個效率呢... 冇咩理由會比初入職o既時候更遲收工... 一係就真係好好生意 (但唔覺喎...), 一係就有人唔做嘢囉 = =

竟然可以有人喺你忙到頭昏腦脹o既時候 好開心咁 不停咁 仲要幾大聲咁 講私人電話、睇youtube、剪指甲(真剪呀! 啪啪聲添呀!!!)...... 唔聽incoming call, 搞到tran晒俾我, 我有十個會o既時候佢得兩個, 做少少嘢都做錯, 邊個叫佢改就係邊個唔啱, 講嘢俾佢聽轉個頭會再問你......

以前我就會嬲~ 而家見到, 我覺得好可笑~

真係好好笑~~~

-----

頭先公司春茗, 我竟然就範, 出咗去玩蒙眼寫揮春... 超低能... = = (其實我都係出到去先知係玩啲咁o既嘢...)

寫咗都算啦, 大大大老闆竟然話我寫得最靚, 俾我嬴... 勁搞笑... = =""""""

浪費

對住啲stubborn既人, 講多句都嫌多

呢排好多騎呢人出現
公司好多, 其實屋企都有
想過幫忙, 但原來係嘥氣o既!

總會有啲人係活喺自己o既世界, 外人冇必要干涉

激氣, 係因為自己o既情感、心神都被白白浪費...
啲人個腦都唔知裝咩o既... 我曾經一度好upset囉!!!
不過用咗「超低能 勁搞笑」therapy之後, 就咩事都冇, 成個人都醒神返晒嘞~ (唔該用八十年代廣告tone丫~)

無端端轉涼, 都係留返啖氣暖肚好過~ = =

轉工潮

打電話俾啲客, 一定會有幾個話:「佢冇做嘞喎...」
接電話, 就會有人話俾你知佢係abc, 係follow up xyz既工作o既~
間中會收到幾個farewell mail, fd既會話埋俾你知佢轉咗去邊個會...
原來轉工潮係咁o既~

我: 係咪好景成咁呀...? 咁多人轉工o既~
同事A: 係囉, 我都唔敢問kristie你會唔會轉工呀...
同事L: = = 係都唔話你知啦~
同事A: 你一定就轉工啦, 成日都睇classified posts~
我: 我... 我幫我個妹攞架咋~
同事L: 唔駛講嘞, 解釋即係掩飾!
我: ......

唔乘呢個潮轉工, 遲啲會有一個搵工潮喎...
我唔急o既, 睇啱先send信, 搵啱先轉囉...

啲classified posts... 我係攞俾自己睇o既...

好忟呀!!!!!!!!!!!!

佢哋... 真係好騎呢... >_<"""
我唔知我可以stand到幾時...
唔想做咪唔好做囉...
我只係做一個productive員工啫... 咁都唔得???

諗起呢句...

如果有實力，有沒有人退，你都可以上，把他擠出局，是你本事。
沒實力的，所有人全退下來，你都上不了。
佈滿荊棘的血路，要靠自己闖，並非靠人讓。

李碧華長短句<好男人不過是一瓶好的驅風油>節錄 <-- 我中學時代o既blog

腹有詩書氣自華

係form 5文學o既陳燕鳴老師教o既~

詩書, 唔一定係要什麼四書五經、古典名著, 但一定唔會係張小嫻同深雪!

呢一層我唔覺得自己偏激, 睇咩書就會有咩mind-set, 睇言情小說o既人可以有啲咩「氣質」, 想像得到~ 睇生果日報o既人同睇明報o既人都唔同啦... (我睇經濟日報o既~)

當然... 作為娛樂係冇所謂... 但睇完就算嘞, 唔好沈溺囉... = =

有朋友問點可以做一個好似陳慧珊咁「有氣質」o既人, 我第一個反應係「睇多啲書啦」, 但其實我覺得黃德如先係最有氣質o既~

點解「有氣質」一定係形容啲「唔靚」o既女人?? dun play with words la~

p.s. 姊妹們, 今期u-magazine有蘇玉華同潘廸華專訪(我睇咗兩次), 佢真係好有氣質~ 可以效法~