呢兩日

成兩日冇上網啦...
真係估唔到自己可以咁忙囉...
放緊假都要日日"滕黎滕去"......
好"支力"呀~~~~~~!!!!!!

*****

擒日係URL第四次開會，終於都算係咩都firm晒，真係鬆一口氣呀~
仲有食極都唔完o既刺身同sushi~ 正正正呀~

*****

今日晨早流流就過左海...
open day要rehearsal，其實冇乜野要做，但係咁早起身真係透支左好多精神體力... @_@

o係rehearsal途中見到教我maths果個boris，係呀，係我成日"媽"果個boris呀~ 都同佢傾左好一陣子架~ (感想係: 成四十歲人都咁「唔成熟」架...)
佢仲講左個消息俾我知: 我地group D+I係全SMA QS考得最好果班呀~~~ (好似話... 好似咋，大部分人都有個B或以上喎...) 即管信住佢先啦~

*****

聽日去唔去遊行好呢?

結他班

今日係我上o既第一堂結他班。

冇帶結他去呀~ 所以有好多野都唔可以即刻實習到~

個阿sir個look真係......
好有街頭賣藝feel~
而且佢都係一個ok風趣o既人~

自彈自唱仲好好聽添~~~ 佢唱左california dreaming, today, etc. 正過albert au呀~~ haha...

最後，佢話:「結他仲可以彈到好多pop songs架~」之後成班人都好期待，靜靜咁等佢彈唱啦~ 點知... 佢唱that's why you go away咋~~~ (雖然好聽，但係呢首pop song真係好old嘛~)

一堂好快就過左lu~ 想快d借到個他返黎，快d可以練到琴呀~~~

*****

諗返起以前彈琵琶o既日子......
教我琵琶果個陳sir對我好好架...
好懷念呀~~~

混亂...

唉......「賴」晒野...

你地講!!!

你地有邊個唔混亂???!!

(當然，我係指心情上啦...)

雖然我未必幫到你地，但係有野想講就即管call我啦!

*****

《我不難過》好聽喎...

我不難過 這不算什麼 只是為什麼眼淚會流......

女人到底要的是什麼呢?

收到一封email係「女人到底要的是什麼呢?」o既答案，總共有113個，我刪刪減減淨返下面果d:

3.有跑車、有腦子的可愛男人。
4.一個可以信賴的朋友。
6.一個忠實的丈夫。
8.窈窕的身材
9.不用做有氧運動就能保持的好身材。
11.第一次試穿就合腳的鞋子。
12.買回來的衣物配件能搭配家裡的衣服。
13.一個比男人優越的工作。
14.盡情的血拼。
16.洗碗機。
17.永遠不用洗碗。
18.每次做菜都能成功。
20.健康的小孩。
21.老公的父母住得很遠。
26.每家店都在特賣。
27.有人會倒垃圾。
29.舒適寬敞的家。
30.有人幫你打掃。
33.不用保養就有的良好膚質。
34.不打鼾的男人。
35.旅行。
39.和平。
42.更多的鑽石。
46.一個好用的衣櫥。
47.一個永遠都是裝滿的衣櫥。
48.每個髮型都適合自己。
49.保守秘密。
54.羅曼蒂克的電影。
60.和小孩一起追蝴蝶的男人。
65.生小孩。
66.男人生小孩。
67.受到尊敬。
76.空間。
78.搖滾樂。
79.原諒。
83.穿燕尾服的男人。
89.玫瑰的香味。
91.不用保養指甲。
92.大螢幕電影。
93.溫馨感人的卡片。
94.大笑一場。
95.大哭一場。
97.電話錄音裡只有你喜歡的人的留言。
110.簡單的東西。

唔通... 呢d就係我想要o既野??!
唔... 其實係唔只咁少架~~~

truth or dare

一大班人睇戲個feel真係唔同d架~
擒晚我同班friend睇六樓后座，見係你地先睇多次咋~ haha~

睇戲途中有一段小插曲，咁就話說阿ful電話響喎，咁佢就「喂」啦，都幾大聲架~ 咁我地咪一齊笑佢囉，但唔知點解，我地笑，後面班人又一齊跟住笑喎，(究竟佢地知唔知笑咩架??!) 等大家都笑左幾下之後套戲又有個笑位，之後又再一齊笑~ (唔身在其境真係好難明我寫咩架喎~)

睇完戲去左飲野，
「阿昇哥哥，你做咩唔理我呀?」
hahahaha~~~

飲完野去左唱k...
又通頂啦~~~~~~

唱完k再去標記食左個早餐先返屋企...

真係唔敢想像呢個假期會點過...

*****

係喎... 一句就夠啦...

haha...

入左成晚都入唔到黎寫野，真係嬲嬲地~
爭d就去開過另一個diary架啦~ haha...

*****

呢兩日幫d靚妹補習，佢地講左兩句野:
1.「世事變幻無常...」
2.「我要完美呀!!!」

第一句係來自一個一年級o既小妹妹口中o既，我聽到都打左個突~ 誰知佢下一句就竟然係「我溫唔溫都考得咁差架啦~ 你都係唔好同我溫啦~」

第二句係一個小四o既女仔講o既，原因係佢要寫到每一個字都一樣咁細囉...

haha... 小朋友人扮老積，真係好得意~~~

唔知係咪個個細路果陣都一定做過d咁o既野o既呢?~

又或者... 我其實而家都一直扮緊... 一諗起小朋友可以無憂無慮，唔識自尋煩惱，就想自己其實係扮老積~ heehe~

*****

呢件事係發生o係我擒日睇完齊樓后座再唱埋通宵k朝早返屋企果陣o既~
擒日唔記得打，今日打返~

相信六樓后座o既主題係咩，大家都好清楚，我都唔多講啦~

前晚我九點左右出門口，樓下個看更o岩岩返工，佢問左我一句「食左飯未呀?」擒日朝早我七點幾返到屋企，佢同我講「我差唔多放工囉~」

好明顯，佢記得我又玩通頂啦...

之後佢再同我講:「咁又一日架啦~ 你地後生就唔覺，我一把年紀就好覺囉...」我聽到o既大概係得咁多，因為佢有著好重好重o既鄉音，同埋我lift到啦...

青春就係俾d後生攞黎o徙架啦...

近況

大家好~

呢幾日我個schedule都好full呀，三日都好早起身，因為要prepare interview、interview同埋開會，今日終於可以訓到晏一晏啦~

in就in完啦，有回音o既話就係呢一兩日o既事，期望少少緊有o既，但係唔會好上心囉... 「哈~ 點會咁筍丫~~~~~~」

好充實係咪?

無題

其實我只係想講...

我o岩岩食完支Magnum double chocolate雪糕批，
(Magnum都算啦... 仲要係double chocolate...)

食完第一啖就已經覺得甜到食唔到落去...
(好漏好漏好漏好漏~~~~~~)

而且食晒支雪糕批o既時候簡直有一種覺得自己好犯賤o既感覺囉...

吹呀? 我就係咁架啦...

*****

胡思亂想真係一件好可怕o既事...

當一個人連自己想點都唔知道o既時候你仲要問佢點...

佢一定會崩潰... 一定會...

無題

今朝照鏡(其實都唔係朝早)...
覺得自己個樣好殘... 瘦左添??!!
比起做assignment考final果陣時仲殘...
係呢個星期怒忙但又要怒玩o既惡果呀......

而家d後生真係......

*****

我感激
大開眼界
十面埋伏
綿綿

仲有...

黑暗中漫舞

為何未能學會起舞便已抱緊你
誰料到資質不配合你　左腳舉起了便要別離
為何未能讓我衰老便要放開你
陪你跳通宵都夠力氣　請鑑別姿態美不美

學跳舞　有福氣　手差點撲地　猶如自卑水銀瀉地
學愛你　美不美　天黑黑到地　朝著了壞的燈泡舞著別離
其實地球沒有你　站到虛脫便會飛
何必怪責雙腳　未夠伶俐　不比你優美

為何未能待我差到讓我去憎你
捱到這傷口激發士氣　左腳高舉到白髮齊眉
為何未能待我好到沒法捨得你
頑固的車追了萬里　先發現一早洩光氣

為何未曾讓我得夠便要損失你
捱到那一天參透佛理　手會鬆燈會滅有限期
為何未能讓我死去便要認識你
難道你很想天使問我　我的舞步跳得可美

challenge

機會先生今日向我招手，

我希望...

命運小姐唔好成日再整鬼我。

雖然係有d nervous，

但係再低都經過左，

今次真係史無前例咁平常心架啦~~~

好好...

又一晚通頂...

不過今次非常好，的確有質素~

真係冇任何人比得上你地~ 真o既... (但係你地都唔駛唱we shall overcome既~ 哈哈哈~~~)

人生冇幾多個八年，咁就八年~~~~~~

輕鬆o既一day~

今日同阿琪去左行銅鑼灣~~~
雖然只得兩個人，但係都已經笑料百出囉~

我地兩個去睇維園o既FARM，但可惜落雨，好多攤位都摺埋晒，開果d賣既野又重複太多，新鮮感欠奉呀下~

見到一條我同阿琪都覺得好靚o既月光石手鍊，唔同普通o既串珠，唔知點形容，總之就係靚啦，諗住買架啦，但係佢大條到做腳鍊都得，又冇得改喎... 所以唯有放棄lu...

行多幾步，我聽到有人嗌「kristie!」，初頭我都不以為意，冇諗住應，周街都係kristie啦~ 點知果個人繼續叫，連阿琪都拍我啦，我就望過去啦，今日我竟然會撞返兩個三年冇見o既朋友~

佢就係我中六果年做census識既Emily同埋... (有一個我唔記得左個名~) heehe~~ 好險~ 好在嗌得出Emily~ 原來佢今年o岩岩畢業，趁得閒就同班朋友個FARM度賣野。 我幫襯佢賣左兩條鞋帶，冇買其他野，唔係佢賣既野唔好，係唔o岩我心水o者...

哈... 哈哈... 真係唔好俾人知道我地兩個傻婆淨係行吉之島十蚊店都行左個半鐘囉~~~

行返出百德新街，有意外「收穫」~~~ 我地見到yumiko呀(仲要係近距離果隻喎)~~~~~~ 佢真人都ok架喎~ 阿琪話佢真人都唔係好高，梗係啦~ 企o係你隔離o既我咁高~ haha~

我對"lazy鞋"賣斷晒啦~ 哈哈~~~

靚野係買唔晒既... 阿琪你真係少數會叫我諗清楚先買野o既朋友呀~

行晒sogo附近就去埋citysuper，再食左個tea就返歸lu~~~

*****

父親節，請全家出街食我就請唔起架啦~ 但係我都可以俾錢買餐好"送"既~
話時話，今晚真係好好"送"，見大家食得開心，我就開心啦~
haha~~~

*****

擒日行書局，好衝動咁買左本梁望峯o既書，我係俾佢書後面幾段文字吸引而買o既，果種衝動係唔知本書入面講咩，淨係知道果本係小說都要買左佢果隻囉... (算啦... 又唔係第一次~ that's why我咁鐘意行書局，好似次次都會有唔同驚喜咁~ 視乎當時o既心理狀態。擒日o既狀態係行屍走肉果隻~)

有四五年冇睇佢o既書，姑勿論佢o既文采有幾唔好，今次再睇，別有一番滋味。打開書第一個故事，竟然係有關天命同觀雪架!!! 四年前我追果套小說仲買齊晒o既男女主角咪就係佢地囉~ (有d人應該問我借過黎睇架啦~)

小說入面o既一年，已經係我o既四年lu... 當時我覺得「可歌可泣」o既一個故事，而家好平淡，係因為作者寫o既現實比以前更加殘酷。咁反而好~ 呢個星期我睇左唔少書~ 果d不切實際紙上談兵o既愛情小說真係唔係好o岩我~

童話從來都唔會寫埋「自此之後，王子同公主就好幸福快樂咁生活啦~」之後o既故事架啦~

我唔覺得睇梁望峯會係一種倒退，佢話緊俾我知個現實係點架囉~ 而且...

邊個話唔可以梁望峯同埋錢鐘書一齊睇架先~~~~~~

neway city

擒日補完習之後一個人「包」左架紅van由新麗園出旺角。
出去做咩? 同phoebe阿琪kiman阿豪haydon賓治fiona唱k囉~
好迫~~~ 因為果間似四人房多d~ ^_^"

不過唔打緊啦~ 玩得開心咪得囉~ 呵呵呵~
我地仲用埋間房部電視黎影相同拍短片添呀~ 好搞野~

「你再睇，我燒左佢(本書)架!!!」
「賓治，你飲咩呀?」「fruit punch.」
唱「無間道」就梗係要激d架啦~
哈哈哈哈哈~~~~~~

唱到差唔多十二點，我同阿琪都落左留下seven買雪芳蛋糕、蠟燭同埋火機，兩個人仲好傻咁o係上面插左十二枝蠟燭(插滿晒~ 好似插花咁~)，一心諗住正十二點就俾個感動phoebe啦~ 點知俾neway截左糊添!!! 佢地竟然插播左首生日歌「屈」我地唱，仲拎左個蛋糕入黎呀......

咁我唯有拿拿林走出去同阿琪點蠟燭囉...
話時話，o係個雪芳蛋糕上面有十二枝蠟燭、仲要著埋火，真係好壯觀架~
(如果佢有多幾個蠟燭o既托，我地一定會再擺多d蠟燭上去~)

許願、吹蠟燭同影相等活動就o係不停咁repeat「風箏與風」o既情況之下完成左~ phoebe~ 夠happy夠難忘未?

散水之後搭亡命出返荃灣，成點鐘啦~

宿醉 @_@

上回講到我由旺角搭亡命出荃灣。
途中打電話俾阿蕉，得知我生平最愛o既一班壯男都o係獅子吧飲野。所以呢... 反正都o係福來村落車，所以我就去搵佢地啦~

去同佢地玩大話骰、七八九，吹下水又聽下佢地吹水咁啦~
都係果句啦，見到你地就放心架啦~

之前唱k飲左酒，o係吧度都飲左唔少，咁大個女第一次飲到咁貓囉...

學阿lu話齋，將進酒入面有句---今朝有酒今朝醉。(唉...你醉啦~)
所以我...
嘔......
暢快。

大家都關心我、大家都咁鍚我...
放心放心~ 我想講、想搵大家o既時候就自然會出聲架啦~

記住十年八年之後你地結婚，我都要做你地兄弟架~
酒搵我頂、掌上壓我做丫ma~ heehe~

我的RPG角色

攻擊 33
防禦 36
敏捷 75
耐力 34
意志 92
智商 69
種族 人類
職業 神官
屬性 水

*****

嘩... 再弱雞d好冇???!!
不過都ok反映到我係一個弱質女流囉~~~
(但係... 點解智商會咁低o既...??)
hahahaha~~~


http://vega.cs.tku.edu.tw/~u7197120/RPG_Test.htm

大家都試下個test啦~

十面埋伏

十面埋伏

唱:陳奕迅 曲:Eric Kwok 詞:wyman

聞說你時常在下午 來這裡寄信件
逢禮拜留連藝術展 還是未間斷
何以我來回巡邏　偏仍然和你擦肩
還仍然在各自宇宙 錯過了春天

*只差一點點即可以再會面
可惜偏偏剛剛擦過 十面埋伏過 孤單感更赤裸
總差一點點先可以再會面
彷彿應該一早見過 但直行直過*
只差一個眼波 將彼此錯過

遲兩秒搭上地下鐵 能與你碰上麼
如提前十步入電梯 誰又被錯過
和某某從來未預約 為何能見更多
全城來撞你 但最後處處有險阻

repeat*
只等一個眼波
軌跡改變角度交錯 寂寞城市又再探戈
天空閃過燦爛花火 和你不再為愛奔波

總差一點點先可以再會面
悔不當初輕輕放過 現在懲罰我 分手分錯了麼
分開一千天 天天盼再會面
只怕使你先找到我 但直行直過
天都幫你去躲 躲開不見我

*****

當初聽呢首歌，係因為唔鐘意有人竟然用琵琶名曲十面埋伏去做歌名，真係有一種要摷佢出黎打o既感覺囉~

但係聽完之後又覺得好聽喎...
eason唱得好慘，好似想喊咁...

無題

上一篇journal得到阿lu強力推介~ (慧沁個journal都有d我冇寫既搞笑野架~)

p.s. 去完個camp，見唔到大家，我好掛住你地~
你地又有冇掛住我先~~~?? heehe~~~

*****

有一個問題一直都纏擾住我，我唔開心有多時都係因為呢樣...

一直以黎，我都採用唔理唔諗o既姿態去逃避，有人問我我唔答，有人估到我唔認。我唔講，並唔代表問題唔存在，呢個係一個好客觀o既環境，係一個我控制唔到、改變唔到o既事實。

我唔知我有冇同埋算唔算盡過力，但係我覺得我頂唔順呀...

直到前兩日去camp，見到大家，我更加覺得自己唔駛再做果個成日都冇表情o既kristie。(事先聲明，對住其他人，我唔係特登冇表情架下~)

搵人傾計，同將個好似冇問題o既問題揭開冇分別，分分鐘會令自己更加之難受，事實上都係丫... 但係講得多，有人應下，反而更加清楚自己諗咩，得到o既答案係...

依然矛盾。

happy birthday~

今日係阿蕉o既生日喎~

生日快樂喎~~~

(哈哈哈~ 好行添...)

我返黎啦~

去完camp啦~~~ 三日兩夜過得好快~ 我地幾個「雪姑」同七友又唔知幾時先可以濟濟一堂lu...

去大嶼山，但係搭地鐵... 非常之咁腳踏實地，一d去離島o既feel都冇... 我地o係東涌間百佳shop完之後就搭巴士入塘福啦~~

入到渡假屋第一件做o既事竟然係打蚊，男仔負責打蚊，佢地逐間房關埋門打蚊(困獸鬥呀~)，d女仔就點下蚊香咁啦~ 一打就打左成個鐘... d蚊真係多到嚇死人，又勁大隻喎，超謬謬呀~~~

第一晚o既晚餐係由我、豬屎同慧沁操刀o既~ 以下就係菜單:
1. 金寶湯鏍絲粉
2. 清雞湯全蛋粗面
3. 煙肉炒蛋
4. 煎脆皮蜜糖腸仔
5. 美極炒椰菜

打牌呢d咁例牌會做o既camp活動唔計~ 晚飯後第一個「集體遊戲」係非洲話事啤~~~~~~
第一次同佢地玩，同ocamp果d相比，其實d懲罰真係一d都唔harsh囉~~~
不過唔知點解，不論阿lu抽到咩牌，佢都會有份被罰，真係好核突!!! 但係真係笑到反晒艇架!!!~~~
直到太陽伯伯出黎，我地三個女仔就去訓啦~ 唔知點解，今次平均每個男仔(唔計阿昇)都「分配」到一張雙人床，但係三個女仔就要訓埋一張囉...
後尾阿昇直情搬張梳化入黎訓~ 吹下水咁啦~ 唔記得自已幾時訓著左，但係醒o既時候已經係十一點幾啦~

第二日o既第一餐係茶餐廳~ 阿bun同阿bill都入埋黎啦~~~
等大家都醫飽肚之後，我地大伙兒出左沙灘玩~
雖然冇得同陽光玩遊戲，但係佢冇落雨~~~ 可以睇下海、浸下水，再睇埋班男仔踢沙灘足球、玩粗口數字球同花式跳水，我已經好滿足架啦~
我淨d俾佢地dum落水呀...... =_="

第二晚冇煮飯~ 竟然係搭車出東涌食囉~
食完之後又去左轉百佳買野食同買酒~
再接埋阿欣入去，唉... 算係齊人啦...
呢一晚，唔知點形容好... 唔要求會有d咩交流，可以hehe haha咁聚一聚，玩下不文講下笑話，大家開心~ 有咩所謂~
多謝阿bill~~~~~~「x! 個八婆用口呀!!!」

點解次次到我沖涼都冇熱水架???!!
#^&$)!#$?>...

大家都若有所思(包括我在內)?
阿ful，大家都stand by you架!!!
最安心都係同你地一齊... 有小強你地捉、有蚊你地打、有碗你地洗... 唔駛武裝自己真係好呀...

混亂...

條山路都忽架，又窄又多彎，夜媽媽個的士佬仲開到八九十，好喪... 不過如果有機會我都想坐下車頭~

誰是神射手??~

出左camp去食m記，班野竟然撩麥當勞姐姐玩非洲話事啤，輸左果個要請晒全部人食雪糕~ 後尾仲癲到走去睇戲，睇左衰鬼上帝，好眼訓呀!!! 但係好睇喎~

返到屋企擺低d行李之後就出去同人補習...
exhausted啦...

*****

沒有人的方向

怎麼會讓 我也變得一樣 冷漠眼光為了生活而慌張
甚麼力量 竟然能讓夢想被遺忘
現實讓人受傷 真心卻悲劇收場

想要解放 面對現實的失望
太多假裝 帶我離開這地方

這虛偽的世界就是這個模樣
不要太去在意別人甚麼眼光
受了傷 再沮喪 我有自己的嚮往

而當我覺察到我眼底的光芒
才發現我還是懷抱希望理想
哭一場 在沒有人的地方 走我的方向

做咩今朝猛咁行雷閃電架......

做咩今朝猛咁行雷閃電架......
小媚，你做咩又著草呀???

哈哈~ 點都好，我今日去camp啦~~~~~~
係一年一度o既「豪情之夜」呀~~~
星期一返~~~

今日冇咩野寫

今日終於都考完試~
一d感覺都冇...

*****

老天爺爺，可唔可以好天d呀?
因為我星期六日一都會同我班好朋友去宿營呀...
唔該丫~~~

端午節

今日係端午節~ 我成日都o係屋企~ 食左個糭，仲睇左賽龍舟。

因為有d野要做，所以今朝八點就起左身啦~
阿琪，你估我咁早起身做咩?~ haha~ (擒日diary漏左多謝琪琪~ 因為我班好朋友未到~ 所以佢同我坐左o係旺角地鐵站入面半個鐘呀~ 仲俾佢阿哥個電話我聽添~ 佢阿哥真係超謬謬呀~)

搞左成日，梗係未溫書啦~ 所以今晚要鋤samson啦~
哈哈哈~~~ 但係我個心已經入左塘福啦~~~

*****

熱切歡迎~~~~~~ 慧沁「加盟」easyjournal.com~~~

*****

今日係六四十四周年紀念，我感覺真係唔係特別強烈，雖然燭光晚會我想去一去，但係我唔清楚自已究竟為咩想去，所以打消左呢個念頭。

對於六四，我閱歷唔夠，我真係唔識俾comment。
反而早幾日睇報紙，報導話中國仲未能夠擠身G8(係類似八大強國咁既野啦)，我覺得都真係幾o岩... 唔係識整多兩支火箭就係強o既... 大家覺得呢?

金太郎~

QS考完，問心無愧，攞咩grade都唔理lu~

今日端午金多寶，同阿蕉夾份買左一張電腦飛~
但係中得最多果條都只係中兩個字，安慰獎都冇添~

考完之後同班同學去左食tea，好耐無食過茶餐廳o既下午茶餐~ 好味~
琪琪~ 雖然我都認同一個人有冇內涵同佢睇書多唔多係冇直接關係~
但係我都會建議你可以睇多d書~ 例如蠟筆小新咁啦~ hahahaha~

今日又冇去到補習~ 想見多d自己見到會開心o既人~~~
食完tea之後同阿琪phoebe行CWB，o係sogo買左幾個燒餅~ 都係好味~
之後就帶埋d燒餅(其實只係淨返兩個~)出旺角搵班兄弟，佢地一定係因為太肚餓，所以一人兩啖就食晒lu~

我同佢地去信和租渡假屋~
(無業o既)年青人有一樣好~ 坐言起行~
今日先又決定返星期六日一去camp，今日就出去租屋~
最高效率都係今次囉~~~ haha~

好野~~~ 有得去camp~~~!!! 呢件簡直就係一年一度o既大事呀~

金太郎都幾好食架~ 菓留香都唔錯~
都係阿昇好野，食到邊都有coupon~~~ haha~

*****

等姐姐搵日得閒指點下你啦~

好禮物~

I like it~ Thank you soooo much~~~

莫聽穿林打葉聲，何妨吟嘯且除行。
竹杖芒鞋輕勝馬，誰怕？一蓑煙雨任平生。

料峭春風吹酒醒，微冷，山頭斜照卻相迎。
回首向來蕭瑟處，歸去，也無風雨也無情。

*****

討厭
胡鬧
白痴
看得穿
自以為是
為之氣結

*****

繼續計數~~~

quantitative skills...

灰到爆......

點解要我計咁多我唔識o既數喎...

睇極都唔明... 計黎計去都計唔到o既???!!

$%!&#?#)%@...!!!

我已經好努力好努力架啦...

Boris你同我聽住!!!
星期二我要KO你!!!!!!