日月如梳

果晚同小媚同阿欣傾電話，「三個女人一個墟」真係唔係浪得虛名~

好耐之前就同大家講：「碼頭要拆喇... 不如去多次影吓相啦...」不過就硬係冇咗件事... 而家成個海旁都唔同晒樣，小媚話碼頭嗰度啲水淺到可以喺啲石上面行，我諗嗰個亭都應該俾人鏟埋lu...

大河道間M記大大大翻新，變得好cafe喎...

兩個大家中一中二就開始"磨爛席"o既地方都面目全非... 好唏噓...
好可惜... 冇喺呢兩個地方影張大合照。

小時候，又點會估到短短五年會變咁多嘢丫......

*****

擒日晏晝去咗我小學老師屋企，傾校友會o既嘢~
見到幾個校友，雖然都係第一次見，但係就好快好熟絡~ 畢竟都有共同話題---小學生活~~~
比較搞笑o既係其中一個係我個妹o既小學同班同學，佢一見到我就話：「我記得你~ 你係孫翠敏丫嘛~」^^" 記得佢小時候肥嘟嘟八八厭厭，而家真係年青有為look喎~

玩咗一個下晝想當年~ 亦都希望下次gathering我會得閒去~ ^_^