春田媽媽同學會

1月25號o既gathering由angeline一個電話開始~

話說我事先張揚話會瞓到兩三點, 但四點約咗angeline同埋阿水睇「最愛女人購物狂」喎~ 所以angeline兩點幾打咗個電話俾我, 問我起咗身未~ hahaha~

睇得港產賀歲片就係想得淡笑, 呢套戲都都滿足到我o既願望嘞~ 真係好好笑~ 同埋要好有邏輯思維咁去睇~ 睇到我差啲亂晒呀~ haha~ 比起鬼馬狂想曲同埋喜馬拉亞星(我冇睇後者~), 呢套真係好好多, 雖然有啲誇張, 但起碼係路先~

「香港人生活壓力大, 有少少唔正常係好正常o既事~」

睇完戲喺starbucks坐咗一陣, 就出發去花園酒家嘞~ 我哋呢圍12人坐咗喺主家席o既位, 好覺眼, 做咩都會好有人會睇住咁~

唔得... 好眼瞓... 得閒先寫埋春田媽媽同學會團年飯o既盛況~ 等我~

瞓之前post返張靚相先~~~

(二月一日更新)

我哋決定嗌呢個餐~~~

sara好想試o既「黃金千萬兩」竟然只係炸海鮮卷~ 好失望呀~~~

同埋啲花膠味道好怪... 不過都唔可以expect佢好似媽咪整嗰啲咁好食架喇~

其實好唔好食都係其次, 成棚人出嚟食飯都係想食個氣氛啫~~~ 呢餐飯真係笑料百出呀~ victim多數都係cherie同angeline... 同埋我夾咗喺sara同angeline中間, sara今日終於都冇人打頭喇~

食完飯就開始抽獎環節嘞~ angeline真係整到十二份禮物出嚟~ 好犀利呀~ 而為咗令呢個抽獎o既環節唔能夠順利進行, 我提議用一個好唔efficient既方法---逐份禮物猜~~~

大奬係一部polaroid, sara極速咁用兩盤嬴咗部嘢~~~ 十二個人一齊猜... 佢兩盤就嬴咗喇!!! 真係呢... 有啲嘢係你就係你o既, 唔到你唔信~

cherie中咗osim眼部按摩機、charlie中咗盤吉、阿水中咗包通粉、我就中咗一份「甜甜蜜蜜」~阿kay中咗咩呀? 我唔記得咗... 而淨返o既六個人form咗個燕窩會~ 因為angeline將一盒燕窩分咗做六份禮物, 大家抽中都當咗係懲罰囉~

又打住咁多先~ 哈哈哈~