行屍走肉o既一week

咩世界呀...
經濟差、失業率高... 算啦，
d官日日都淨係識得道歉... 都算數，
d政黨成日周街嗌，但係我又睇唔到佢地有咩建樹喎...
成個香港俾d傳媒玩到團團轉，我都唔理。(haha~ 係理唔到~)

仲要有非典型肺炎添...
第一日搭地鐵見到有人帶口罩，覺得佢大驚小怪，
之後幾日就習以為常啦...
而家當自己身邊有三個口罩人，而自己冇帶... 個下真係驚連自己都會有病囉...
唉...... 唔好咁啦 *_*

二十號朝早上上o下maths突然醒起已經過左布殊最後通牒o既48個鐘，個心即刻離一離...好擔心... (果陣時係十一點幾... 我當時唔知原來已經開左戰......)

哼... 出師無名，我鄙視你!!!

而家o岩o岩開戰，人人都追新聞，但係過多一排，就冇咁多人會理架啦... 正如第三世界國家其實一路都係被遺忘一樣...

睇報紙，一大疊一大疊戰事新聞，廿張有十九張半都係講戰略、講軍力，可唔可以講下d難民...? 可唔可以講多d俾我知佢地去左邊???

呢個世界一直都冇和平過...

我反而覺得呢個世界，"非典型廢人"真係多的是...

唉......

(p.s. 在此我向所有戰地醫護人員同戰地記者salute!)

###

今個星期兩個mid-term、兩個quiz、三個assignment，

得出黎o既結果係...... 冇一個做得好 >_<

好stressful、好"支力"呀!!!!!!

我想玩呀，玩到天昏地暗阿媽都唔認得就perfect啦~ 有冇人陪我癲先???