水晶後傳...

就話說我之前就好開心咁買左一串紫水晶，
我真係好鐘意同埋諗住長帶架...
但係呢...
我帶左佢兩日...
枕住成個人都好無精神、仲會頭痛添...
同學話俾我知，咁係因為條水晶o既磁場唔o岩我，所以會有咁o既情況發生。
之後我唯有唔帶住佢，放左o係床頭，諗住得閒望佢兩眼都好呀~
但係再跟住果兩日，我都仍然係頭痛喎...
o係冇辦法之下，我塞左條水晶o係個柜好入好入o既地方...
點知第二日，我真係一d頭痛都冇啦......

真係怪o既地方唔o係呢度，仲有下文呀~

我琴晚無端端諗起條水晶手鍊，所以就搵返佢出黎，
一攞佢上手個感覺首先係冰凍啦...
之後再望真d，d水晶裂晒囉......
又未至於成條散晒o既，但係唔再好似以前咁晶瑩剔透lu... >_<
我同學話... 條水晶係幫我擋左個殺先會變成咁架...

簡直係怪談啦... 信不信由你啦~