Edward Scissorhands

好耐好耐之前就已經想睇, 擒日搵咗三大間VCD鋪, 終於俾我搵到~ 仲要只係二十大元~ 超值~~~ 本來諗住如果真係買唔到, lunch time會過HMV買DVD, 好在唔駛咋~ 呵呵呵~~~


故事係講發明家嚟唔切幫edward整埋對手就死咗, 令佢成為較剪人... 與世隔絕o既佢有驚人o既創造力, 但十分之單純, 又唔識同人溝通... (唔講內容嘞, 自己睇~ 又或者好多人都睇過好多次嘞~)


睇完係有啲心up架... edward好無辜, 佢本可以一直活喺自己o既世界, 外人又可必干涉呢??? he's exceptional, but what if without his scissors??? 到佢真係想幫人, 又偏偏不停咁傷害到人, 真係好無奈!!!


雖然1990年o既戲, 但而家睇返都唔覺得過時, 而且tim burton + johnny depp + danny elfman真係無敵鐵三角呀~


-----


飯後媽咪問我睇咩碟, 我話睇較剪人,
跟住佢話: "哦~ 係咪兩隻手係較剪, 幫人剪頭髮嗰個呀?"
我: "吓, 應該唔係啩... 點剪頭髮呀???" (咁我嗰陣未睇嘛... = =""")
我個妹: "你唔好扮知喎~"
媽咪: "............"


睇咗一半, 較原來剪人真係會同啲靚太剪頭髮, 我即刻衝出廳~
我: "你點知ga??? 你睇過咩???"
媽咪: "我都話架啦, 個男主角都唔靚仔o既, 化到塊面鬼咁白, 成隻吸血鬼咁... (下刪100字~)"


哼, 就俾你叻返次~