這十年, 你怎樣過?

嘩... 呢個題目好似沉重咗啲喎...

呢個星期好full, 啲OT完全影響咗我o既生活, 我已經發展到去「有錢都唔想賺」o既地步, 好灰...
hopefully, 今個星期可以正常返~

20/4
好開心~~~

因為我表妹由加拿大返咗嚟, 好多年冇見嘞~ 唔見到佢都唔知我原來咁掛住佢囉~~

雞啄唔斷~ 傾呀傾呀~ 佢足足兩日冇瞓都唔覺得攰, 勁癲~~~

佢瞓上格床, 我瞓下格~ 諗返起細個嗰陣我成日weekend都會去第一城探佢, 一玩過夜又係佢瞓上格我瞓下格~ 仲有! 搵日一定要同佢上深圳約埋表哥, 諗起細個嗰陣我哋三隻嘢通山走都好笑~ 真係好懷念呀!!!

雖然話係表妹, 佢只係細我一個月~ 喺云云親戚當中, 我只會同佢講full picture講真話, 因為佢一定會幫我守秘密o既~~~ 佢真係一個好sweet、好nice既女仔, 好醒目又得人鐘意~ 望得耐都會恨自己點解一啲都唔似佢 = ="""

佢問我呢十年係點過既, 我真係唔識答, 唯有話「都係咁啦, 冇咩特別~」後來再回想返, 呢十年, 我真係做過啲咩呢... 好似好冇意義咁就hea咗去...

我兩個講得最多o既係「好老嘞我哋...」 ~_~

掃興o既都係唔好提咁多喇!!! let's go shopping!!! shop到天昏地暗就啱架喇~~~~~~