last day

今日係我最後一日喺jardine house返工, 今日公司o既氣氛好好, 一嚟holiday mood, 另外因為老細唔喺度, 大家都好hea~ 而且返到公司o既時候, 阿paul叔叔送咗一份「遲來的聖誕禮物」俾我呢~ 仲附咗一張咭仔, 上面寫住... (唔話俾你哋知~)

其實執埋少少手尾再做埋filing就可以走, 不過我同個admin傾咗陣計~ 話題都係圍繞住畢業之後搵工o既事, 佢叫我考完試去做多啲自己鐘意o既嘢, 因為出咗嚟做嘢就有好多嘢都做唔到架喇... 可能我冇咩特別想做o既事, 同埋又未真係出嚟做嘢啦... 感受唔係特別深, 好似隨時都ready返長工咁...

眨吓眼就做咗呢份工半年, 都算係最formal既一份工, 亦都真係學咗好多嘢~ 最緊要o既係入面個個人都好好~ 雖然都有被老細搞到唔開心o既時候, 但咪當學嘢囉~ 起碼第日出嚟做嘢, 遇到同樣難堪o既事, 我可以handle得到~

我唔會唔記得最後angel係幾咁helpful同埋sharon祝我good luck架~ 最衰marlene一早就走咗去shopping啦, 如果唔係我都想同佢講返聲thank you~ 因為有好多嘢都係佢教我o既, 同埋佢信得過我囉~ 好鐘意跟佢做嘢~

跟住我就好「瀟洒」咁走咗喇~ 不過落到樓o既時候覺得有少少失落, 發現原來自己都有啲唔捨得囉~