畢業

我就快唔係學生, 要為自己o既將來好好咁打算一下!!! 呢種感覺... 呢幾日開始特別強烈!!!

擒日幫公司去招聘會, 因為人唔多, 所以成日都同同事W同埋同事D傾計。啲「大人」成日都問我:「畢業之後想做啲咩呀?」我o既答案呢三年嚟一直都冇變過。同事D話:「kristie, 我真係唔係想潑你冷水, 但呢行真係唔係你想像中咁好, 我覺得你實在係幻想得太多嘞... (下刪一大段) 而且, 睇你個樣都係似做文職o既多啲... (再刪一大段)」縱然我一啲都唔同意佢講o既說話, 我都淨係好傻咁應咗幾句「唔係啩」。聽佢咁講, 我反而可以更加肯定自己冇fancy advertising/PR industry, 我有心理準備會好「哈薯」, 只係怕到時真係捱唔住啫......

前日教細佬計數 (好在我仲記得點計factorization)~ 計數真係好開心, 我即刻好感慨咁同我細佬講:「讀書真係好開心架...」怕投身社會, 因為我知道自己唔係睇落咁tough, 同埋係一定會俾人搵笨o既......... 有時返工/做功課做得攰, 諗起公司個admin, 就想以後都清清閒閒咁做個OL... 但我會唔甘心囉... 一路都以為我會衝鋒陷陣啦... 但我又覺得自己一啲苦都唔捱得... 好矛盾~~~!!! 有時好hea有時又好aggressive, 我都唔知自己想點...

雖然係有啲不安, 但有啲嘢唔試過係唔會心息o既! 我份人就係咁霸道, 我要喎, 邊個夠胆唔俾我~