treasure hunt

今日考完RMD, 就同十位同學一齊去咗銅鑼灣食晏...
@_@ 其實我好眼瞓, 仲好想返屋企自己煮嘢食...
但睇在半個月冇見班同學份上, 就一齊去食日本嘢嘞~

食完嘢, 例牌周街行, 行行吓, cherie唔見咗隻介指呀...
佢勁緊張咁周圍搵, 我哋個個都周圍行幫佢搵~
好在最後都搵得返~ 係我幫佢搵返架~~ hahaha~~~

angeline:「今次o既尋寶遊戲係由女子組勝出架~」

尋完寶, 我一個人返屋企, 佢哋繼續行街~
我一路搭地鐵一路諗"介指的意義"~
以前我都試過唔見介指, 雖然只係朱義盛, 但都覺得好唔開心... 之後就好少買嘞~

自己買介指, 係因為覺得靚, 一定好鐘意先會買~
人哋送介指俾你, 希望你會鐘意, 更加希望你會記住佢~
拍拖戴情侣介指, 係身份o既肯定~
訂婚、結婚要戴介指, 係承諾!
小小一隻介指, 背後o既意義有幾深, 俾人o既束縛有幾緊, 真係難以想像呀~~~

唔見介指, 點會唔想喊丫...~

出到荃灣, 決定拎你送俾我嗰隻介指去"老字號"洗~
個老闆一睇就知道隻介指咩事, 仲免費借咗個刷俾我"省"隻介指添~
而家隻介指靚返嘞~ 好嘢~~~ ^o^