2005
諗諗吓... 我好似冇為我o既2005年規劃過喎...
我依然有好多嘢想做ga~ (雖然成日話做o既都做唔到...)
- 諗通咗, 我讀書都係要努力返至得!!! 之前成日都有一種"讀得好同唔好都係一樣咁grad"既感覺, 可能係環境影響, 可能係仲未知道自己想點, 而家唔會喇!!! 因為我覺得... 有啲嘢係屬於我ga!!!!!! 之前俾joseph同阿琪不約而同咁用句:"你做咩唔俾心機讀書呀?"嚟教訓我, 真係好心痛... 痛痛痛痛痛到而家囉... 而且... hd嗰陣得, 而家又會唔得啦~~~
- 學梗o既嘢要keep住學落去~~~ 我覺得自己而家都學得唔錯~ 起碼我有心機先啦~~~ heehe~~~
- 要身體健康!!! 我唔要做孱仔呀!!! 我唔要次次都痛到喊... 痛到咩都做唔到囉... 除咗我自己本身會多啲做運動, 你哋有冇啲"藥方"可以介紹過我, 正方偏方都冇所謂~~~ 最緊要係可以調理好個身體~ 你知啦, 女人唔補... 好易老ga...
- 仲有... 所有情我都要好好珍惜, 所有關係我都要好好咁去維繫~ at the end of the day, 當你發現自己身邊都係自己愛+愛自己o既人, 咁就好好好好好嘞~
- 仲仲有... 我希望自己o既遊學計劃可以實行到喇~~~~~~
- 最後(其實應該係最緊要o既), 如果我可以搵多啲+駛少啲錢, 咁就好喇~
我知道.. 讀書o既時候係最無憂無慮+想做咩都得o既~ 但開心還開心, 我都希望剩返呢三個term我可以再裝備自己多一啲, 唔可以hehehaha咁過咗去!!!
其實... 身邊有咁多支持自己o既人, 我咩都唔怕!!!!!!
期待2005~~~ 我一定會比以前進步(好多好多)~~~ ^^