懦弱

今日有兩場補習，兩間屋話遠唔遠，但係都唔係好近，我要沿住青山公路行十零分鐘到啦... 青山公路呢排多工程，啲行人路都唔似行人路o既... 我頭先喺果啲鐵板上面行果陣發生咗啲意外囉...

塊鐵皮一米長左右啦，睇落都算穩陣，我兩三步可以行晒架啦，但係當我行到第二步o既時候佢好似斷橋咁"冧"囉(但係又唔係斷喎)...... 雖然佢「斷」果陣我啱啱行晒塊板... 但係都係企唔穩，扇左一扇...

好在冇傷啫......

定一定神，見到果條路左邊係地盤...
d所謂欄杆又咁... 如果我真係跌咗落去咁點算呀???!!
驚到我丫... >__<;

之後我就又亂諗嘢嘞......

唔好講笑...
果下我真係諗起一個人...
係要有一啲人喺某一啲位置，個人先會變得咁依賴...
有冇人同你講過，我其實一啲都唔硬淨架?

歹勢...

*****

好鐘意on schedule做得晒啲嘢o既感覺~~~
好開心~~~

*****

好嘢~~~ 有人陪我去睇阿菲concert~~~~~~
呵呵呵呵~~~~~~
死啦~ 我又發癲添~~~