好掛住明哥呀~~~

我今日返左可風個sports day~
我特登返去搵細馮同志明sir架~ 吹左陣水咁啦~
可惜時間有限，我只有一個鐘o既時間...
咁難得可以同陳志明傾多幾句，真係唔捨得走架~ >_<

難得仲有咁多師弟師妹認得我喎~
今日好多人嗌我全名~ 但係我覺得好親切呀~ ^^

鄭文傑，你叫我去搵你，但係你硬係周圍走架喎!!! 咁點先??! 我唔係成日都咁得閒架喎~ (哈哈哈... 鄭文傑係我師弟~ 睇住佢大架~ 今日見到佢，有我咁高lu~ 感覺真係好得意囉~~~)

原來今年中七文o既同學仔叫陳志明sir做「明哥」囉~ (好似)即刻型晒~
我哋果陣淨係識叫佢做「無賴」架咋~~~
諗返起都好笑~ ^^

不過我都係鐘意叫佢「無賴」多啲~~~

*****

離開城門谷行落荃灣途中見到一個久違了o既朋友。

一見到就覺得佢個背影勁熟，諗住打俾佢同佢講返句「你望下你後面~」，但係拎住個電話好耐都唔敢打...... 一直吊住佢尾，佢去到紅綠燈位大家都停低果陣先見到我~

傾左幾句，但係我趕時間要行先，希望有機會可以再傾。

*****

都唔知點解有啲人明明冇激嬲人但又成日都以為自己激親人，但係真係激親人果陣自己又唔知，真係奇怪!!!