sun la la beach~

去左一連三日o既非官方SA Camp~~~~~~
真係好好玩~ 成班人都癲架，全程笑爆肚~~~~~~ ^o^

我本來諗住去一晚，第二日學完結他之後就返屋企架啦~ 但係真係唔捨得呢班朋友仔~~~ 夜媽媽都走返入梅窩玩多晚囉~

而家就等我介紹一下佢地~ 首先有最爛玩o既"談海韻子"wendy、最cutie既"谷俾你睇"louis、唔理有冇飲醉都成日傻笑既jenny、超有風度同埋成日打情罵俏既aubrey同阿king、好恩愛既kenneth+melfa、全程照顧大家既joyce，仲有我都唔知點形容既majorie、perlie、amanda、yuki同阿mike伉儷~ (有冇漏??!)

個個都好玩得，玩到阿媽都唔認得囉~~~

第一晚o既節目人係... 劈...
我開頭真係唔知果d唔係果汁先生囉......
sun la la beach丫...
好在有大家照顧~ 小女子在此謝過幾位恩公~

第二朝同wendy阿king出左沙灘坐左一陣我就出返荃灣lu~ 之後從略。

夜晚十點幾入返梅窩，踩單車返渡假屋~~~~~~ 我中三之後都冇踩過單車啦~ 差d唔記得點踩~ hoho~ 踩單車真係好爽~ 尤其係夜晚~ 真係好爽~~~ 我地一行幾架車竟然o係馬路中間學點載人，真係搞笑~

返到屋，睇長瀨智也~ 好型~~~ 之後我同jenny兩個「清醒」既人去左煮利川湯圓~

搞完一輪就開始玩louis引入既「麵粉遊戲」~ 呢個遊戲既玩法係放一粒棉花糖o係一大堆麵粉上面，然後每人輪流用筷子界d麵粉，如果堆麵粉「倒塌」，果個人就要俯身食左果粒埋o係麵粉入面既棉花糖。(haha... 唔知點解入去會玩呢d咁益智既遊戲~)

後尾玩失晒控... 搞到成間屋都係麵粉囉... 真係好難忘~~ 不過最搞笑都係aubrey竟然可以第一下就倒塌囉~ hahaha~~~

仲有好多絕到非筆墨可以形容既，恕我不能盡錄啦~

出返中環之後我仲同佢地去左IFC間仙跡岩度飲野，唔知點解間野竟然可以冇其他客人... 我地七個人又玩king sir教授既"大賊細賊+偵探"遊戲，呢個game真係好玩~ 好攻心計架...

想講多幾句：
1. 兩晚都好凍... (第一晚發冷、第二晚瞓地下... =.=" )
2. 我打麻雀竟然連雞糊都食唔出!!! 打咩牌摸咩牌... 仲要下下都俾人諸死晒...... 但係我玩果個game又十次有九次都做到賊喎... 咩事囉...
3. 大家d中文程度都好好~ 用左好多成語、出口成文架~~


註：sun la la beach係佢地既口頭禪，作用同粗口應該係差唔多，但係次次聽到都覺得好好笑~

*****

今次真係大檸樂...