咁又一日~

今朝本來要九點幾返到494，但係我唔知點解聽唔到鬧鐘響，九點半vicki打俾我我先扎醒...... 所以... 遲大到 >__< 真係超級勁唔好意思囉... 唉~~~~~~
今日返去，我主要o既工作係cold-call，call返d新仔返黎，班人真係ok搞笑~ 不過成績都係一般。

我淨係覺得，我可以做o既真係唔多...... 點解可以咁得閒??!

同wendy食完晏行左陣潮流特區(又行??!)同信和之後又meet jenny~ 行左陣街就走左去食tea，難得大家都好台式野，梗係去仙踪林啦~ heehe~ 雖然我依然係獨沽一味...

行完旺角，出左葵芳睇龍咁威，都好笑o既，但係睇完都唔知發生過咩事囉~ 睇完戲之後去左剪頭髮，個stylist係都唔肯幫我剪短d... 乜唔係顧客至上架咩?