今日hea得好充實~

如題，我今日真係hea得好充實呀~
食完晏之後就即刻返左屋企... 打機~~~
我竟然學人打online game啦~ 係"童話"，都幾得意丫~ 我細佬玩開，見佢玩得咁開心，咁我又玩埋一份啦~ 最搞笑o既係，我又會同佢d同學仔一齊去打交升級囉，真係一d代溝都冇...~~~

食完晚飯我就開始執我個書櫃，真係好多書... 仲要係有好多都係睇左一半架咋~ ha~ 所以要執完之後一口氣ko左兩本~
下一本將會係......
睇完/睇得完話你知~

今日我收到遠在英倫o既淫盧o既email。
洋洋都唔知幾多字，你覺得我地睇完會有咩感覺呢~? 唔急o既... 等你返黎大家會彈劾一下架啦~
手信我不嬲都唔會大期望，但係聽聞果邊body shop好平，有冇諗過買d返黎俾你班兄弟姊妹呢?
另外，如果唔係email，係手寫o既咁就好啦~ (影印返咁多份都好呀... ha...) 仲有，你都真係好意思話俾我地知你因為... 所以「唔得閒」mail我地架喎...! 你咁都得o既??!
haha...