七一遊行

七月一號我同幾位朋友去左大遊行。

對於呢個決定，我都考慮左ok耐，因為我覺得，如果我去的話，我就唔只係對自己負責任，而都係要對歷史負責任。

點都好，我最後都係去左，而我o既立場唔係倒董，亦都唔係反廿三。但係我對政府立法o既手法、過程同埋態度實在係極之不滿!!! 如果佢真係要強行繼續的話，我七月九號可能真係會去圍堵立法會。

唔著黑色T-shirt的確係因為我怕會中暑，i was there anyway, 著咩色衫又有咩所謂呢~

我同慧沁搭地鐵去銅鑼灣途中遇到一位(我地覺得)好有學識o既伯伯，雖然開頭我俾佢嚇親，但係佢真係好有sense~

好多好多人，我諗呢次遊行可能會係我呢世人最大o既一次...
唉... 何苦呢...? 我一路行一路諗，係因為d咩可以令到呢五十萬人一齊上街呢?

新聞o岩岩話政府好快會有公佈，佢地會點樣去「回應五十萬市民o既訴求」呢?

拭目以待。

*****

遊行完同佢地出左尖咀食飯，係一間叫"滿江紅"既杭州菜，都ok好食同好坐架~

食完飯，想去吹吹風，所以就行左出海傍。途中我同慧沁一人買左一條潮流短褲~ 仲同幾位俊男影左張好靚o既相添~~~ 個個都好有為架(個樣)~ heehe~~~~~~