Picnic~ ^^

今日我同一班朋友仔出左去「picnic」~
我地首先入左一個有人話好浪漫o既地方---赤柱~
o係赤柱廣場間百佳度買完野食之後，就去正灘lu~

但係今日真係好凍囉...
大風到死... 真係凍到咀唇發紫架...
大家都頂唔蒲，所以食完d野就行返出去行市集...
行完市集就搭返小巴出銅鑼灣lu...
係有d可惜，不過都冇辦法...

出到銅鑼灣三點幾，
大家都抱住"黎neway 安心唱好k"o既心態，
膽粗粗咁去左唱k~~
(哎呀... 唔好打... 最多隔離我好啦下...)
好耐冇唱過k，的確係痛快呀~
由la la世界開始到打開天空再到火熱動感la la la~~~
癲架... 但係開心 ^^

因為聽爸爸講話有間玩具開倉，
所以唱完k好急咁去行左轉，
但係想買o既野，都係仲未買到...

###

掙扎左好耐先決定返屋企睇金像獎...
點知真係勁失望!
我已經趕唔切睇四大天王架啦(我個妹話佢地好似F4)，
佢仲要勁多技術性錯誤...
同埋d嘉賓都唔知做咩架，超謬謬!

###

好似有d好緊要o既野未做......
confused??!#$%!?