修補唔到o既缺口...

對於自己童年o既所有娛樂，我都記得好清楚。
大家都話佢地小時候會睇聖鬥士星矢同小甜甜，我一集都冇睇過。
但係我一d都唔覺得可惜，反正我都過得好快樂...

咁大個人，我o既童年回憶己經被切走左兩塊...

第一塊係叮噹唔再叫做叮噹，叫左做多啦A夢，都唔緊要，仲要俾陳慧琳唱左首主題曲... 我覺得係一件好恐怖o既事...

第二塊就係哥哥，佢o既離去，我o既反應比我想像中更加大...
唉... 佢陪住我大、陪住我陪住班朋友，好好好多o既回憶......
過年唱"我最紅"，我咁大個人都仲為佢個型樣而尖叫喎...
點解喎... >_<

雖然，叮噹同埋哥哥都會永遠o係我心目中!! (老人痴呆都會架啦!!)

以前有個長輩同我講，人o係唔同階段都要接受唔同o既野，我諗呢d都只係九牛一毛、不值一提。

(p.s. 我只係有d感觸o者... 仲未駛搵worker~)