alfred擒晚終於都死咗喇...
明知佢會死於交通意外, 但都係依然好緊張, 做咩衝咁多次燈都仲未死架??? 做咩又返屋企打「沒有常在心的日子」呀???
alfred每blog多一篇, 就深化咗呢個「悲劇」多一啲... 而全港o既OL又會再愛佢多一啲... = ="""
一時間, 佢變咗大眾男友, 個個都當咗自己係常在心, 想像俾著係自己一定會原諒佢, 大家都希望佢可以唔駛死~
alfred既死, 係天大o既遺憾...
希望現實生活唔會有呢啲事情發生, 有情人, 係應該成眷屬架...
以下係我想blog起佢但仲未得閒blog既~
18-21/5 台北之旅
23/5 可風-->荃灣-->尖咀-->荃灣-->屋企
24/5 梗係魔盜王3啦~~~
25/5 放咗足足一個星期o既假, 實在唔想返工~
放工同cherie shopping, 各得其所, 跟住去食為先同埋二樓後座, 再嚟歷久不衰o既占卜game
26/5 賦閒在家, 熱到丫...
27/5 配眼鏡
20號唔成團呀, 轉咗18號出發...
唔成團, 大家都唔想o既, 但唔好敷衍顧客囉...
交尾數話差2個, 成團機會好大, 通知唔成團果陣問佢, 竟然話差4個... 十問又九唔答... 完全唔helpful, 態度仲要勁差囉... 係咪咁唔休做呀??
未出發先一肚氣... >_<
星期六打去分行問佢有啲咩alternatives, 又話咩唔成團係因為攞唔到房... 又唔肯幫我hold位... hold咗又話要即刻俾埋嗰四舊尾數喎... 整你個制丫... 我大拿拿幾千銀都俾咗啦, 開茶會先一次過搞埋都唔得, 仲要好串好串咁講:「你要轉團就係咁架喇...」
激到我!!!
星期日, 我同林生兩個勁黒面咁去永安, 我哋都算好喇... 冇投訴佢哋啲CS... 不個齋黑面都嚇到個sales騰晒雞, 不停咁講唔好意思(乜我哋真係咁恐怖咩~~?)...
我只係想開開心心咁去個旅行, 真係受唔起其他刺激架喇......
鎮長飯局, 傾完一大輪之後, 失眠 @@
而家, 好攰, 但個腦依然高速轉動, process再process鎮長講o既嘢...
好surprise鎮長完全明白我諗咩, 而且佢同我講o既每一句都係好positive好encouraging好inspiring既!
如果可以唔向現實低頭, 我都想追尋一下夢想~ 但咁做需要無比o既勇氣, 但勇氣(同埋安全感)都係我嚴重缺乏o既嘢 = =""
多謝關sir! 真係有「聽君一席話, 勝讀十年書」o既感覺...
原來"good communication is as stimulating as black coffee, and just as hard to sleep after"係真o既...
先知先覺未必好，後知後覺的人活得比較幸福。
對人對事有敏銳觸覺的人常被稱讚，但這些人有時像患了過敏症一樣，很受周圍影響，不會活得開心。
太敏感必然會比普通人接受更多的信息，腦袋經常處理大量信息，像一部永遠高速運作中的電腦，耗損很大。
簡單如跟朋友談話，他/她不用多講你也知道他/她活得怎樣，有沒有遇上不開心的事，甚至他/她未開口，你已知道他/她是否要你幫忙。
因為你觸覺敏銳，所以你必然有所反應。
跟一些你在乎、覺得重要的人一起，你更辛苦，他們一言一行都在影響著你。
那怕是很細緻的一個信息，你不可能當沒發現，雖然那些信息未必是向你發放。
你喜歡的他/她跟異性談幾句時，敏銳的你所有感官都提高觸覺。
他/她向對方傳送著所有信息，明顯與不明顯的，都在你腦中放大，你會好辛苦。
他/她平時跟你一起時也一樣令你困擾，他/她的喜怒哀樂逃不過你敏銳的觸覺。
因你在乎，所以影響著你。後知後覺的他/她，未必覺得有問題，認為你是庸人自擾。
兩個先知先覺的人走在一起，可以是災難性的。
單方面已經有問題，何況是兩個同樣敏感的人?!
他們互相給對方造成困擾，讓對方不好受。
太敏感的人，連天氣變化也有較強烈的感覺，產生憂慮。
還是笨鈍的人活得開心。
呃人架!!! 呃人架!!! 呃人架!!!
johnny depp喺53分鐘先第一次出場!!! 仲要係個大騎呢啡...
其實套戲都ok架, 但唔好欺騙觀眾囉... 做咩擺佢做封面啫... 嗚嗚嗚嗚......
(唔好講埋啲咩「呢個角色對整個故事影響好大, 係好重要架~」, 我唔聽我唔聽我唔聽呀... \(>o<)/)
好, 發癲完畢。
故事發生喺五六十年代, 講當時教會對人o既影響力, 女主角vianne係無神論者, 帶住個女流浪, 覺得要快樂係應該冇束縛, 忠於自己, 做想做o既事; 佢快樂(我存疑), 亦都想身邊o既人快樂。
村長係保守死硬派, 處處針對vianne, 仲周圍散播謠言中傷佢, 故事就係好輕鬆咁講佢兩個點樣角力, 村民們又點樣喺宗教同埋indulgence之間取捨, 有啲都幾好笑架~
一個人, 又或者一班under control既人生活, 好少有人會意識到有問題, 可能係因為單純; 可能係因為蠢; 都可能係因為惰性使然... 呢啲生活冇話啱定錯o既, 尤其係當佢哋都唔知咩叫做啱定係錯o既時候。但如果因為咁而錯過咗一啲好重要o既事, 真係會好可惜好可惜, 係一世人都彌補唔到o既遺憾 =="
所以戲到最後各人都有所依, 我都覺得好安慰~ happy ending係老套咗, 但最緊要有人受啫~
<時代>雜誌介紹亞洲最正, 令人引頸以待。
鬼佬東遊, 通常帶著一種獵奇眼光, 所以在泰國淫慾橫流的煙花之地, 會血脈賁張; 踏進灣仔街市, 看見人劏雞殺鴨, 又會頻呼過癮。
鬼佬眼中的亞洲, 一片exotic, 讓這班在蘇格蘭山區, 又或者科羅拉多州長大的鄉下老外, 大開眼界。
<時代>說亞洲最能代表全球化的地方是香港。但特首切勿急著高興, 以為什麼亞洲國際都會得到<時代>認同。這本鬼佬雜誌所講的全球化, 只限於重慶大廈。原來重慶大廈內所種龍蛇混雜、烏煙瘴氣, 就代表了一種亞洲方式的全球化體驗。
等首丈辛萬苦將香港打造成一個國際金融中心, 連空氣污染、租金高昂, 都擋不了中環IFC成為中心的全球化趨勢。但被<時代>踢爆, 原來百億元煉成的金融排場, 未夠由印巴自由主導的重慶森林。
<時代>雜誌這個選擇是否有心落特首面子? 是否趁中國逐漸強勢而施展下馬威? 會否是美國保守主義抬頭, 為共和黨候選人麥肯造勢的一個小動作? 未必, <時代>寧選重慶森林而非中環國金, 是對全球化的一次演繹。
全球化, 可以人工打造, 但貴乎自然凝聚。中環國金, 只不過是歐美精英聚腳掠水的聖地, 電話辦公室雖然是掛在IFC某一層, 但人在北京、上海、新加坡, 全球化只不過是幻象。但重慶森林裡, 各式人種在這裡現身搵食, 你可以在場點算來自五湖四海黑人、白人, 又以聽見幾十種對你完全無意思的語言。雖然這裡清一色是低下層或貧苦學生, 但這裡才是世界大同, 真正的全球化。
<時代>眼光望穿繁華盛世, 看透每個角落的真正民情。
~ 02052007 經濟日報C14 方文正 <風華正茂>
睇咗喇睇咗喇~~~
係咪好快手呢~~~? ^^
我一早買定飛, 擒日去到, 見到朗豪坊UA同一時間有五個院都上緊豬豬俠囉, 勁癲~
呢套戲, 其實淨係睇特技已經值回票價, 兩個幾鐘頭, 睇到我眼都花埋~ @@ 一開場個cg已經好正~ 沙人出場嗰part、eddie變做venom, 仲有連場激戰, 實在係好有張力呀~ (btw, 咩叫張力呀? haha~)
豬豬俠依舊喺鐘意new york飛嚟飛去, 背景依然係大大塊美國國旗(呢樣我超唔鐘意!!); 第三集比較沉重, 講仇恨講寬恕講選擇, 仲有親情友情愛情... 睇咁多marvel heros, 感覺上豬豬俠係最人性化o既... 最後真係有啲down down哋...
最鐘意睇戲full house架嘞, 悶就一齊悶, 笑就一齊笑, 係租碟返屋企完全做唔到o既effect~
