好事多磨

20號唔成團呀, 轉咗18號出發...

唔成團, 大家都唔想o既, 但唔好敷衍顧客囉...

交尾數話差2個, 成團機會好大, 通知唔成團果陣問佢, 竟然話差4個... 十問又九唔答... 完全唔helpful, 態度仲要勁差囉... 係咪咁唔休做呀??

未出發先一肚氣... >_<

星期六打去分行問佢有啲咩alternatives, 又話咩唔成團係因為攞唔到房... 又唔肯幫我hold位... hold咗又話要即刻俾埋嗰四舊尾數喎... 整你個制丫... 我大拿拿幾千銀都俾咗啦, 開茶會先一次過搞埋都唔得, 仲要好串好串咁講:「你要轉團就係咁架喇...」

激到我!!!

星期日, 我同林生兩個勁黒面咁去永安, 我哋都算好喇... 冇投訴佢哋啲CS... 不個齋黑面都嚇到個sales騰晒雞, 不停咁講唔好意思(乜我哋真係咁恐怖咩~~?)...

我只係想開開心心咁去個旅行, 真係受唔起其他刺激架喇......