um...

因為joseph要買嘢, 所以上星期六同佢同jacky行旺角~ 最後決定喺豐澤買, 因為鐳射啲sales真係好好好差!!! 買完之後, 我終於都知道點解百老匯啲生意會咁好嘞~

iPod nano真係好靚呀~~~ 諗嚟諗去, 真係想即刻買!!! 但有冇搞錯呢? 點解佢哋唔阻止我呢? 結果係冇買到架~ 但到而家都仲有啲七上八落, mp3就買梗架喇... 但唔知買邊部~

晚飯去鐘意o既一休食我鐘意o既日本嘢~ 後尾阿琪都加入~ 仲上咗間"dream cafe"飲嘢添~ 間嘢個氣氛好好, 好多嘢玩~ 食物又ok, 真係以後都唔驚冇地方飲嘢嘞~~

星期日日文高級last一堂, 先生問我會唔會跟佢嗰班, 仲叫我要溫過書先上堂添~ =.="""

趕返屋企睇disney開幕晚會~ 啲主題曲個個都唱得ok架~ 肥姐同欣宜都ok~ 係許志安唔得, 都唔知佢點解有得唱o既~~~ 晚飯爸爸煎o既玉子豆腐好好味~ 原來我都好多日冇食屋企飯喇...

heaheaheaheahea到夜一夜, 係時候要溫ad strategy喇~

第二日諗住去tom lee買黎明o既concert飛, 點知仲多人過賣孫燕姿啲飛... 仲要全部都係太太嚟架~ 黎明真係勁喇~~~ 話幫人哋家姐買, 又買唔到... 係我辦事不力呢......

同埋買唔切林狗發花癲啲飛, 一定要捕住佢, 睇佢幾時會加場至得!!!

夜晚返工發爛渣... 同sonny講:「我唔返喇我聽日唔返呀今日嗰科考得唔好我唔可以荒廢學業架聽日晏晝day-off我要返屋企做功課溫書呀!!!!!!」就係咁, 我而家就可以打呢篇journal喇~

-----

我又冇講過啲咩, 我好想要考試出唔到嚟架而家?
成日放飛機o既又唔係我!!!!!!
我又冇要求大圍就我, 咁見唔到咪唔好見囉...

我覺得約gathering約成咁真係冇咩意思...

我真的受傷了

好掛住班姊妹... ><