好悠閒o既晏晝~

今朝做iPod既presentation, 內容已經儘量符合返sharon既要求, 應該冇咩問題啩~ 但同學參唔參與好難控制, 好在都算係有驚無險啫~

本來放學係plan咗去唱k lunch既, 但見人少少, 都係下次先啦~ 後尾搵joseph食飯, 鰂魚涌真係好遠呀, 唔單止係個地方遠, 坐完地鐵仲要行一大段路先上到地面, 一路行我一路諗: 如果第日喺度返工都幾麻煩... 一日來回都要三四個鐘... 但係好多ad agency都喺鰂魚涌架喎...... (哈... 又唔係一定有得俾你做, 傻o既!) 啲冬菇馬蹄餃子真係好好好味呀~

成日都落雨落雨落雨落雨落雨, 好煩~~~!!!

返到荃灣, 拎咗啲書去印, 因為要等一個鐘, 所以我就上三聯打書釘~ 睇睇吓書, 撞到細妹同細佬上去買教科書, 之後我哋三個人就去咗食tea再慢慢行返屋企喇~ 喺大家樂見到"雲司兄", 霎眼真係唔係好認得~ 佢呀... 而家真係好大個仔喇~~~

買咗材料整芒果布甸, 上一次整係中四o既時候啦~ 唔知一陣整得成唔成功呢~?

明明瞓咗個晏覺先起身食晚飯, 但個人好似仲攰咗咁... 不過點都好, 我以後每個星期都會「編」返一兩日day-off俾自己(唔駛返工我就當係day-off喇...), 如果唔係個人一定會好快殘...