umbrella

橫風橫雨咗三日, 今日天氣終於都正常返少少~
所以我聽日決定著拖鞋返學, 個人好似會精神爽利啲~ haha~

擒日朝早出門口o既時候, 我望得好清楚出面係冇落雨(同埋啲人冇開遮)先唔攞遮出街, 點知落到樓佢竟然rains cats and dogs囉...
灰到我丫... 唯有返屋企攞遮...
因為好趕時間, 所以都ok忟喎~
哼哼哼... 拎完遮之後再返落樓, 仲灰.........
因為佢竟然係停咗雨囉~~~
好激氣呀~~~

就係咁, 我把遮成日都冇開過, 直至到夜行旺角... 都係開咗一陣咋~

人就係咁, 帶咗把遮出街, 好歹都想個天落返場雨, 仲要係愈大愈好嗰隻。

-----

講返轉頭~
呢兩個星期都唔駛返centre, 所以放咗學就好free, 成日都想周街逛~

擒日同sara tea完再行咗陣銅鑼灣~

之後就落旺角同阿bill阿蕉食日本嘢...
有冇再誇張啲呀? 三個人食咗兩磅三文魚...

再次唔該阿bill~ 有書睇~ 好嘢~~~