行街睇戲

1. 睇咗兩套戲, 一套係"哈爾移動城堡", 另一套係電影節o既"心思思我有咗"。
2. 行咗觀塘o既apm

-----

哈爾移動城堡。睇完之後, 我諗自己同其他人一樣, 都仲係有好多唔明白o既地方。我相信卡通入面每個人物、每件物件、甚至佢哋用o既顏色, 背後都imply咗好多意義... 有人話睇返佢本原著就會明白, 我冇咩興趣, 但係如果要我自己思考的話... 我更加冇興趣。
反正我只係入場想睇卡通片, 仲要係用一個小朋友o既角度去睇~

心思思我有咗。成個電影節, 我就只係睇咗呢一套, 係一個十二歲o既女仔, 好想生BB既故事。對aviva嚟講, 生BB可以令佢always has someone love, 但對成年人嚟講, 生BB就會多咗好多考慮。而呢啲考慮, 我係唔認同o既! aviva後來聽媽咪話去墮胎, 意外令到佢終生不育, 嗰吓我真係shock咗... 一嚟aviva係幾咁想做媽媽, 二嚟點解啲大人成日都覺得佢哋o既決定一定係對小朋友好架???
當aviva離家出走, 導演用咗個好特別o既手法, 每當aviva去到一個唔同o既地方, 都會用唔同o既女仔去拍, 但係每個女仔都好唔同, 身高體重膚色全部都係好極端o既, 唔知背後又有咩意思呢?

apm真係一個好地方~
遲啲等佢啲鋪頭開晒, 同埋少啲人去趁墟o既時候我會再去多次~~~