我病咗... 自己攞嚟o既...

遊完個船河之後, 我就即刻病咗喇......
其實都係傷風感冒+少少發燒啫, 如果日日都可以留喺屋企休養生息一下, 都應該會冇事o既~ 但可惜我呢個假期實在太多節目嘞~~~

星期六過咗city幫慧沁做focus group, 一做就三個鐘, 希望佢哋拎到有用o既料啦, 既然自己係part of the project(又會係啦... ), 都想佢哋可以贏到呢個比賽~ 飯後+糖水之後, 個頭痛得好緊要呀... 同埋真係攰到唔想講嘢...

星期日本來話入元朗食日本嘢o既, 但係傷風口淡淡, 食咩都冇味啦, 而且周身骨痛都係無謂長途跋涉咁入去嘞...
點知屋企竟然冇飯食, 細佬又話想打邊爐, 跟住我就同joseph落街買餸, 後尾阿蘅都上埋嚟打~ 我諗最搞笑o既都係成盒肥牛倒咗落個鍋度"解凍"呢下嘞~
睇金像奬, 元華好嘢~~~ 唔知白靈個造型想點... 又係梁朝偉攞影帝, 好悶... 想方中信攞多啲~~~ 同埋唔想"功夫"攞最佳電影...

星期一朝早起身, 竟然發燒囉...... 午餐又係打邊爐 , 我食咗碗"車仔烏冬"之後就開始昏迷嘞...
但我冇忘記o既係自己夜晚要去牛池灣睇angeline比賽, 個場可以用tiny去形容... 好大聲呀, 聽到我頭都爆咁滯~~~ 睇埋阿line四強o既演出之後, 我就走咗lu, 實在頂唔順再留喺入面咁耐...
講開又講... 我知道除咗阿line一定會入四強之外~~~ 仲以為唱"他一個人"嗰個會得ga, 佢唱得幾好丫... 好過"張信哲上身"啦...

他看戲　也一個人看
他放假　也一個人放
他叫我　永不要忘記　對你好一些
他喝醉　也一個回家
他怕冷　也一個人怕
他叫我　要將你留低　相戀再苦　孤單更可伯
他跳舞　也一個人跳
他說笑　我不太敢笑
不要說　我想你也明了　為何在那晚　我抱著你哭了

十點幾"冷"咗出朗豪坊, 同joseph去魚米家食嘢, 食咗呢間嘢三次, 三次都唔係你病就係我唔舒服~ 以後冇咩事都唔好去嗰度食嘞~~ 不過, 佢啲嘢食清清哋, 都真係幾適合"病人"食...