情人節

情人節~ 無特別節目~ 不過就睇咗為全港有情人而設o既"在世界中心呼喚愛"優先場~

的確係一套觸動人心o既電影, 但令我最深刻o既, 並唔係主角o既初戀。
有啲嘢, 以為自己忘記咗, 但原來一直都冇忘記過, 只係自己喺度逃避緊... 一旦諗返起, 可能會好傷心都唔定... 我唔知自己有冇, 你哋有冇? 有o既話, 倒不如承認自己o既懦弱, 面對咗佢, 之後就可以真真正正咁抬起頭做人嘞~ (咁講係有啲誇張架~ haha~~~)

以前o既人用原始o既方法"傳情", 而家睇返, 反而會歷久常新, 相比手寫信, cassette(md都好丫...), email同sms算得係啲咩?

情人節真係要過得好"情人節"架咩? 我把口唔覺得係架, 可惜個心就偏偏想過得"情人節"一啲~ 但係我唔竟然舒服, 成晚都一舊飯咁... 係我帶唔到一個好"情人節"o既情人俾你, 係我唔好呀~~~ >_<