無題

嘩... 成個星期冇寫journal喇~~~
今個星期都係徘徊喺忙同埋攰之間啦... 雖然唔駛考試，但係就要返學返工開會... 又試冇咗屬於自己o既時間... 因為我time management唔好啫~

大家都幾好嗎? 尤其係兄弟姊妹們，真係好耐冇見，好想快啲到聖誕，到時又可以聚一聚~ heehe~~~

前幾日同joseph去咗睇電視廣告展，係英國同亞太地區o既廣告。我一路都覺得有好多電視廣告都好好睇，的確，坐定定睇足一個鐘廣告都唔覺得悶~ 本來仲有好多其他session都想睇埋，但都係算啦，忙到死...

近來我發現有兩個好似o既人，佢哋o既行為簡直可以用identical去形容，你哋咁襯，不如去結婚啦~ 唉~~~

得polly介紹，我同班同學仔一齊返咗份渣打銀行o既temp，做o既都係手板眼見嘢，hea下hea下、吹下水咁又一日lu... 你冇嘢俾我做我咪hea囉，有咩所謂啫係咪先~? 我覺得好奇怪o既係，咁大間銀行，做嘢竟然可以咁冇系統，亂到丫... 都冇效率o既... 不過佢竟然包埋lunch，又幾好福利喎~

電腦壞咗，淨係識得不停咁restart，都唔知佢食錯啲咩!!! 不過佢而家冇事喇，喺呢啲要交功課o既時間先嚟死機，真係勁糯呀... 超唔好意思...

睇咗"love actually"，呢套戲可以話係冇主線，仲好多枝節添，但係佢就係一個充滿咗唔同o既愛o既故事。兩個鐘頭，我一啲都唔覺得悶，好睇~ 啲插曲又好聽喎~~~ 值回票價~ ^^

*****

睇《姊妹》阿菲專訪，佢講咗一句佢覺得近期最能夠啟發佢o既一句說話，應該係佛偈嚟架~

「順其自然，亦會開花。」

好簡單o既一句說話，但係偏偏就好似唔係好多人明白。

*****

唔好以為自己好清楚我，真係清楚我o既人會恥笑你o既愚昧。