要走o既同事始終都會走, 今日得我一個嘞, 除咗要跟佢做開o既客之外, 仲有n個自己打嚟o既新客... 積埋好多好多嘢未做... 不過啲同事話冇人會開OT架喎~
老細問我「做成點呀?」, 我話「er... 我做得勁慢呀>_<」, 不過諗返轉頭, 都傻傻哋o既, 今日先至係第一日接手, 都算對得住自己喇... 慧沁留咗個言叫我慢慢嚟, 我諗真係要, 因為我都幾急進吓~
仲有好多嘢要做、更加多嘢要學, 所以真係唔得閒理其他人點睇自己嘞~ (雖然我不嬲都唔係好理~)
不過... 有時都仲係會覺得... 你請我做乜? 點解你會請我? 好似唔係好信自己咁囉...
anyway, 我要俾心機!!!
today's my first full-time job ever.
it's far more demanding than i expected, but i like it~
met bill in pacific place after work, what a coincident huh~ really glad to see you~
after shopping in G2000, i went to a cafe for my graduation dinner, and had a nice chat with olivia, she really gave good advice to me, which i've never thought about that, my world is not innocent anymore lah~
overall... i've nth to say other than... i'm tired @_@"
呢幾日發生o既事好多、好快, 我差啲反應唔嚟... 真係驚驚哋...
但總括而言都好開心, 亦都知道有好多挑戰喺我面前...
我期待~ 因為我應該應付到o既~
得閒再report, 得閒再講~
Yahoo!新聞 2月 16日 星期四 22:10 更新
英國科學家研制出一種新藥，讓人只需睡2小時，即可保持活力狀態。
科學家在《新科學家雜誌》發表新的研究指出，新藥可以令人睡得短，但能完全補充體力。新藥亦不像咖啡因等刺激成份，不用要再睡眠，才能回復狀態。
科學家稱，他們亦發出一種新藥，人們服用後，只要睡4小時，就像睡了8小時，他們相信未來10至20年，人類可不再需要睡眠。
-----
啲人都有病o既!!! 有得瞓都唔瞓!!!
深信幸運是在我手裡 今天我能高飛
只想你也替我開心 感覺樣樣都得意
一樣是舊日的我 今天笑意甜絲絲
聲音裡也帶一點光彩 感覺是特別的美
曾嘗遍失意時 卻找到快樂匙
那裡會知 就是自己 原來是個幸運兒
誰人亦有得意時 這一刻最特殊
滿有信心 默默地輸 幸運是個小諷刺
雖說幸運是個諷刺 它使我能高飛
它可帶矛我一絲驚喜 可以實現我心志
夢變真 夢變真 求可以
我好鐘意踩單車~ 亦都視呢項為我最擅長o既運動之一(雖然我知道自己根本就冇一項運動係識o既...... =.=")~
11/2同幾個同學仔去踩單車~ 由大埔踩入大尾督, 一個鐘頭左右啦~ 最難忘o既都係條「長命斜」嘞, 我冇可能會踩得到上去囉~ 好在推上去都未至於攞我條老命~ haha~
食完飯之後踩返上水壩坐, 吹吹風吹吹水~ 大約五點就回程嘞~
每次踩單車我都會記返起細個嗰陣媽咪點樣教、喺邊度教我踩單車~
有朋友話, 如果你有好細個嗰陣o既回憶, 應該都係假o既, 係自己虛構出嚟o既... 呢個推論真係好殘酷~
如果我記記埋埋咁多嘢都係假的話, 咁咩先係真呢...?
夜晚睇eason concert, 坐到腰骨痛呀~ 不過都睇得好開心~ eason唱咩都咁好聽架啦~~~
同埋我覺得個台好靚囉, 一開始有啲怪誕城o既feel, 真係好有主題, 啲歌都襯返晒架~
一路睇, 一路諗住好多大計, 諗住星期一2nd in既事, 諗住一陣間去邊度食飯, 好多好多~~~
攰爆!!! 淨啲連飯都冇力食~
2月6號, space班同學仔出晒嚟同我食生日飯~
十二個人首先去一休, 好似叫咗四五磅三文魚呀, 超癲~
食完飯仲上埋dream cafe添~
cafe兩點打烊, 我同幾位朋友仔好似意猶未盡, 仲想搵個地方吹水, 但反而企咗喺條街度一個鐘~
青春真係好~
anyway, 好開心~ 好多謝大家~
日期時間: 4/2/2006 930am - 5/2/2006 1230am
地點: 金鐘地鐵站 --> 海洋公園 --> 銅鑼灣潮樓 --> Neway --> 銅鑼灣地鐵站
人物 (依出場序): 我自己、阿蕉、小媚、joseph、阿bun、豬屎、慧沁阿昇阿欣阿成、sarah、阿ful、peter、阿mike、jacky阿琪阿華阿蘅
差唔多十年冇去海洋公園嘞~ 好開心今次可以喺生日正日同大家去到~~~
啲時間真係過得好快, 周圍行吓迫吓排吓隊玩吓機動遊戲就天黑, 希望大家都玩得開心啦~ hahaha~~~
詳細o既唔講咁多喇~ 但有少少嘢想記返~
1. 整跌部相機, 真係超級唔好意思呀...
2. 好迫人好多自由行...
3. 睇魚嗰陣, 呢個話想食蝦, 嗰個見到啲水母話想食海蜇, 仲有人話條大蘇眉太老啲肉會un... 我就話想食劍魚嘞~ (我覺得有啲春田花花囉...)
4. 玩完海盜船之後咩都唔敢玩... =.=" 本來只係坐咗飛天鞦韆咁大把, 但諗諗吓, 而家唔玩第日老咗更加唔會玩嘞, 所以都係玩埋越礦飛車, 點知玩完覺得海盜船先係最驚嗰個...
5. 整咗個鎖匙扣嚟表揚自己~ 明明驚到喊咁滯都望到部相機, 仲要笑... 好似坐定影相咁~ haha~ 畢竟女孩子對鏡頭呢啲嘢都係sensitive啲o既~
6. 睇吓啲海豚幾得意~~~
晚飯@潮樓, ok喎, 以後都唔去旺角打冷啦, 價錢差唔多、服務又一流、啲嘢又好味~
再夜啲唱K@Neway, 有啲攰有歸心似箭o既感覺, 但可以見到你哋真係好~
我成日都覺得... 自己一路都冇做啲咩好事, 但所有人都對我好好, 一定係前世積o既德~ 你哋呀!!! 鍚到我燶~ 真係好多謝你哋~~ i love you all~~~
今日真係過得ok充實~ 係happy day~~~ ^^
朝早要返學做business policy既presentation, 好快手咁搞掂咗~
baniel照舊話good, 都唔知真定假o既~
留咗喺學校一陣, 玩鋤d同埋鬥地主,
等埋阿kay同阿jack就落旺角食飯嘞~
朗豪坊間地中海餐廳真係好差!!!
趕客喎, 所以我哋都係唔阻佢做生意, 轉食扒王之王~
食完飯, angeline同佢個fd去咗睇春田花花,
而我sara, jack同kay就行咗陣街~
五點左右, yicca加入~ 多謝yicca送俾我o既林狗tee, 好開心呀~
之後出發去查理布朗cafe~~~
我發現佢啲咖啡好"哽", 今次已經冇飲上次個charlie mocca, 但都仲係覺得wingwing哋~
不過我只係坐咗一陣, 因為要join返買手買海洋公園飛o既阿蕉~ 真係唔該晒嘞~
今日o既主菜係同細馮食o既晚飯~~~
呢餐根本就係一堂「投資基本課」~~~
最衰阿lu病咗、小媚未落機、冇約到阿bun啦... 如果唔係仲開心~
(我真係好貪心...)
27/1 年廿八
晏晝出咗街拎回鄉咭同埋做特區護照~
之後就同細妹行街, 諗住可以買新衫新鞋, 點知係唔成功架~ 反而就喺仙跡岩食咗個tea, 我同佢講, 我好耐冇去呢啲台式嘢食tea嘞, 多數都會去大平洋咖啡又或者星巴克, 之後佢話我已經過咗會去仙跡岩o既年紀... =.="
tea完, 細佬練完波都走埋出嚟~ 要我買嘢俾佢唔係唔得, 咁緊係要買啲我自己都鐘意先得啦~ 好在佢都幾like對波鞋啫~
好迫人好迫人好迫人好迫人... 其實真係唔係好想出街... =.=" 下一站係銅鑼灣呀, 又係迫到爆!!! 經過影碟鋪門口, 見到林狗隻dvd賣緊$268, 明明之前嗰日喺荃灣見到都只係$149, 勁驚, 即刻打俾阿bill叫佢幫我買~
joseph同阿蘅都喺間上樓boutique度買咗對red wing, joseph紅色, 阿蘅黑色100週年版, 好似話買平咗兩舊幾呀~ 佢好開心~ 而我就喺地帶買咗兩件長袖tee, 都算係有啲交待嘞...
夜晚join埋jacky一齊食意粉屋, 之後去咗行維園... 買咗一塊「加油加油揮亭」路牌, 行咗一條街, 好迫好迫, 頂唔蒲所以返屋企~~~
28/1 年廿九
瞓到好晏, hea hea吓就食晚飯~ 做完節仲打咗四圈添~ 嬴咗五蚊咁多~
十點零出發睇"春田花花同學會", 好好笑~
29/1 大年初一
清晨返鄉下, 兩三年冇返過去, 今次都算係不枉此行嘞~
雖然係即日來回, 但都見晒最想見o既親戚(尤其係表哥~), 又玩咗煙花喎, 好似細個嗰陣咁~ 仲有, 喺條斜路上面踩滑板車衝落去真係好好玩~ 拍埋movie超搞笑~
不過夜晚搭的士出深圳真係有啲驚, 個司機好得人驚呀~~~
30/1 年初二
去伯父屋企, 要同個姪女玩煮飯仔, 好在佢都幾聽話、又好好傾~
31/1 年初三
由銅鑼灣到旺角, 睇雜誌見到adi有個新袋, 覺得好靚, 但原來未出見唔到實物~
narnia都唔好睇o既...
1/2 年初四
成日都喺屋企, 啱啱補返啲日記, 就係咁~
愈寫愈短, 唔寫嘞~