問好啫~

好耐冇見，大家幾好嘛?
留個言俾我講下近況啦~
miss u guys soooo much >@<


*****

it ain't the things we don't know that gets us in trouble.

it's the things we know that ain't so.

email一則

感受生命~ 做一個你想做的人!
你有沒有感受到，生命並不好過，而你希望你不在那個環境中?
以下的故事，可能令你改變對生命的看法:

我和一位朋友傾談，他說雖然有兩份工作，而每月的收入僅僅稍逾一千元，但他已很高興了，我很奇怪他還可以那麼開心，因為他的收入微薄，要節衣縮食才可以供養他年邁的父母，他的岳父母，太太，兩個女兒，還有一般家庭的各項開支，他解釋說，是因為一次在數年前他在印度目睹的事件，當時他因為一次重大的挫折、心情低落。所以到印度散心，他說他親眼看到一個印度婦人用割肉刀將她的兒子的右手切下了。那婦人無助的眼神，那四歲的稚童痛苦的呻吟，至今仍令他難以釋懷。

你可能會問: 為什麼那母親要這樣做? 是否她的孩子太頑皮，或是他的手受 到感染?都不是，原來只是為了行乞！那絕望母親特意把孩子弄成傷殘，使他可以在街上行乞，我的朋友嚇呆了，他把他吃到一半的麵包放下，隨即有五六個小孩湧至，爭著這片佈滿沙石的麵包，就如面對飢餓時的自然反應。他對這情景很吃驚，他跟著他的導遊開車把他送到最近的麵包店，他去到其中兩家，把它們所的麵包都買下來，麵包店的老闆很愕然，不過還是願意把所有都賣給他。

他花了不足一百元，就買到約四百塊麵包(即每塊少於25仙)，又用了一百元買一些日用品。於是，他坐在一部載滿麵包的貨車往街上去，當他分發麵包和日用品給那些大部份是傷殘的兒童時，他們都報以歡喜和鞠躬，就是這樣，他在生命中第一次想到人們怎麼可以為一片價值不足25仙的麵包而放棄自己的尊嚴。

他開始對自己說他是多麼的幸運─他有個完整的身軀，有一份工作，有個家庭，有機會抱怨食品的好與壞，有機會穿衣服，有機會擁有很多這些人沒有的東西。現在，我開始想到，和感受到！

我的生命是否真的，那麼差?

也許... 我就覺得不是那麼差，你呢?

『滿足感』不是來自滿足於你想要的，而是了解到你所擁有的是那麼多。

當快樂之門關上時，另一道門就會打開，但很多時我們只盯著已關的門而沒有看到已為我們打開的那道門。的確，我們要到失去時才知道我們擁有，但我們亦要等到東西來臨時才知道我們沒有它們。

對人付出所有的愛並不能確保他們同樣愛你！不要期望愛人會有回報;只管讓愛在他們的心中成長，但如果沒有成長，那便滿足於愛已在你心中成長。

一分鐘便可以摧毀一個人，一小時便可以喜歡一個人，一天便可以愛一個人，但要一生的時間才可以忘記一個人。

不要只看外表，因為它會欺騙你; 不要只看財富，因為它會褪色。

找一個能令你微笑的人，因為一個微笑就可以令你心情變好，找一個可以令你會心微笑的人。有時候，你對一個人的掛念，足以令你從夢想中抓他們出來，擁抱他們！追尋你的夢想，去你想去的地方，做一個你想做的人，因為你只活一次，亦只得一次機會去做所你想做的事。

祝你有足夠的快樂令你甜蜜，足夠的嘗試令你堅強，足夠的傷感令你有血有肉，足夠的希望令你快樂。

常常從別人的角度去想，如這角度令你受到傷害，它一樣在傷害對方。

最快樂的人不一定擁有最好的東西，他們只是把握和珍惜所有他們得到的東西。那些會哭、會受傷害、曾經尋覓、曾經嘗試的人是快樂的，因為他們珍惜那些曾經擦過他們生命的人的重要性。

愛由一個微笑開始，經過擁吻而成長，以一滴眼淚結朿，最美好的將來永遠建基於已被遺忘的過去，你的生命不會順利，除非你放下你過去的失敗和痛苦。

當你出生的時候，你在哭而你周圍的人都在微笑，用心過活，使你在死時，你在微笑而你周圍的人都在哭。

讀一篇好文章不花多少時間的，但是，要去實踐一個正面的想法，卻不是那麼容易，也許，我們都太懶，懶的努力，懶的有一點作為，也許，我們花太多的心力去追逐帶不走的財富、名聲以及愛情......

呢三日

26-9
晏晝發生左一件好灰好灰o既事...... >__<

夜晚約左小媚同阿欣飲嘢，小媚話一日之間有好多人無端端搵佢告解喎~


27-9
去左阿蘅度睇ocamp啲video，真係好笑到爆囉~
但係... 點解會影到我咁「猙獰」o既樣...??!

睇完video又玩完一輪~~~ 同四個oc朋友仔去睇大丈夫，都幾好笑呀~

而且呢，套戲都好o岩女人睇架~ 我個人比較喜歡陳小春同埋原子鏸果段... 有啲嘢我會情願唔知囉...

唔賭唔知時運到，唔滾唔知身體好??!

真係唔好意思... 下次再同大家睇大隻佬啦~~ ^_^'

男兒一生要經過世上磨練共多少
男兒一生要幾次做到失落與心焦
我有無邊毅力捱盡困難考驗
立折披荊斬棘心裡
更願永不折腰

大丈夫一生要經過世上磨練共多少
大丈夫一生要幾次落魄失望與心焦
冷雨狂風歷盡人格更光耀
立地頂天男子心裡磊落不折腰


28-9
晏晝同曉烽食完lunch之後就一個人周街行，思考一下，想清晰d知道自己想點、做緊d咩。本來想搭一搭長途車，例如由荃灣搭巴士到去上水咁啦~ 但係我怕我搭到中途會後悔，所以都係打消左呢個念頭~ heehe...

我o係荃灣大會堂撞到好耐冇見o既jojo，兩個人咁就企左o係度傾左幾個字計啦~ 真係好搞笑~ sports day係咪又會見到班中同呢?

行左好耐... 行到"支力"就返屋企~ 執下notes咁又一個下晝lu...

*****

遊戲就算輸了亦有限　難過像過山車哪麼辦
前程不管可否錦繡　加燦爛
認真地玩　全心去玩　更好玩

遊戲若有輸也就有贏　除了力氣當然也講命
明明當初貪玩　怎麼想博命
何必面青　何必太驚　快聽聽

別當你要奮勇血戰　無論聰穎或愚笨
猜猜情尋　雖不如人　不影響你笑臉迎人
沒有說過你要戰勝　留下歡樂便無憾
猜猜情尋　猜猜情尋　玩輸可以勝過別人
多一餐好教訓

前進後退不過是個夢　搖過蕩過不失個好夢
前程不管可否錦繡　都有用
目標落空　才可有空　放輕鬆

我很累 @_@

我咩都冇做過，做咩會咁"支力"...???!
係精神超疲乏果隻...
不過，又的確係好多嘢要諗/會諗o既... (苦笑)

今日個心好痛，成日都欲哭無淚咁... 係幾無奈o既~
不過唔好忘記，我都係一個好冇耐性o既人。
的確，有一句說話我只係「堅持」左三日咁大把~

今年唔靠lecturer，情願睇多兩本書，四大科有兩科半都好笠水... GPA好危...... 為左我今年最「偉大」o既目標，一定要撐!!!

*****

離開小時候　有了自己的生活　新鮮的歌　新鮮的念頭
任性和衝動　無法控制的時候　我忘記　還有這樣的歌
天黑黑　欲落雨　天黑黑　黑黑

我愛上　讓我奮不顧身的一個人
我以為　這就是我所追求的世界
然而橫衝直撞　被誤解被騙
是否成人的世界背後　總有殘缺

我走在　每天必須面對的分岔路
我懷念　過去單純美好的小幸福
愛總是讓人哭　讓人覺得不滿足
天空很大卻看不清楚　好孤獨

香港芳名譜

http://input.foruto.com/compare/dl/hknames.htm

無題

今日行程返學放學去補習返屋企，冇特別~
係開心如意o既一day~~~

*****

想講返前晚同jacky, leo, terence, joseph, 阿蘅, phoebe同埋ivy坐文化中心傾計傾通宵o既事。

傾左好多嘢，誠然，同大家相比，我真係一個細路女~ 因為我冇經歷過d咩~ 絕對地係一朵單純同埋極度需要受保護o既溫室小花囉~ =_="

仲聽到好多好得人驚o既嘢添喎...
我覺得呢... 都係「做返」細路女算嘞~

*****

想得太遠

大慨這算是迷戀 這路程得幾分鐘真是太短
大慨你都想 去後樂園 卻怕孤單一個人兜圈
誰人在挑選　如何被挑選 如何教我結識你怎麼相戀
為何坐到那麼近　卻想得這樣遠 人浪為何會流轉

若幸運一點一早找到你 但幸運可否擔保得到你
就望著際遇鋪展我的天與地 願錯亦錯得起
若命運叫我只懂喜歡你 但願亦有幸懂得留住你
如若過去我太在乎 相遇別離　請准我預備
從來未吻你　卻已學懂去被忘記

憑什麼可以愛上所愛 我自問日夜等待 結局為何揭不開
等緣份 信緣份 我們只好相信 下集定是更精彩

大慨你正在回想 與別人剛剛分手剛受過傷
從前伴侶碰不見 你我偏可遇上 人寂寞便愛幻想

憑什麼可以愛上所愛 我自問日夜等待 結局為何揭不開
等緣份　信緣份 我們只好相信　來來回回難避開

若命運叫我只懂喜歡你 但願亦有幸懂得留住你
如若過去我太在乎　相遇別離　請准我預備
仍然未識你　卻已幻想那份驚喜

無題

今日同久違了o既曉烽去食tea，又周街行~
全程都係不停咁講埋晒無聊嘢囉~
雖然係咁，但係大家都好似有d力不從心呀下~

原來呢個世界上有好多人好多事都係不停咁重複、不停咁發生~~~
發生o係其他人身上o既可能會係好笑、好令人咋舌，但係當發生o係自己身上的話...
我覺得好煩囉~ 好在有人明白...
今日有人同我一齊笑、一齊爆粗~ 但願有一日我頂唔順o既時候都會有人陪陪我，同我講：「你盡情咁喊啦!」~
哈哈哈~~~

*****

我以為　我是被了解的
可以安心的飛不怕累
即使執迷也無所謂
夢是遠離憂傷的機會
愛是自由自在的天空　我以為

我不以為　愛是被遊戲的
每當天空一灰風一吹
心就為你搖搖欲墜
我說夢裡還有淚在流
你說傷痛可以不理會　我不以為

我試圖想一步一步的退
心卻一寸也不敢違背
深怕那分不清的真偽
讓一切變的似是而非
有多少時間讓人慢慢體會
夢的真正快樂與傷悲
不知其所以然的錯與對
愛總是令人不安　又盲目的給

無題

好嘢~ 今日上samson堂~~~
拿~ 呢d先叫質素架ma~~~

開學一個星期，又開始左朝早返學放學即刻去補習o既生活嘞...
好"支力"囉...... @_@ 唔知係我仲未習慣定係真係咁tiring呢?

*****

我太任性我太任性我太任性我太任性我太任性啦......
唉............

唔想同你玩喇...
放過我好冇??!

逆插玫瑰

heehe... jenny send俾我o既~~~

*****

逆插玫瑰 盧巧音

在我指尖可以冒出火百合
然後你會雙眼望見灼灼煙花
原來即使都是你的花言巧語
但我伸出手照樣接下
是我一生聽過太少好說話
還是跟本戀愛大到絕望太難
明明想得很硬接到花便心軟
難道你　能道歉便算嗎

我像所有天真女孩
寧願相信有一束玫瑰
誰受了　誰便愛到至死都美麗
我像跟你爭執那時
狂得可以逆插起一束玫瑰
沒有花樽可以養活約誓
但有荊棘可使我淒厲
仍在想　想一齊　想華貴

若再悉心哉種或會再萌芽
還是跟本一夠時間浪漫會殘
為何始終都為百般花事兜轉
難道我還未領受夠嗎

我像所有天真女孩
寧願相信有一束玫瑰
誰受了　誰便愛到至死都美麗
我像跟你爭執那時
狂得可以逆插起一束玫瑰
沒有花樽可以養活約誓
但有荊棘可使我淒厲
仍在想　想一齊　想華貴

我像所有天真女孩
寧願相信有一束玫瑰
誰受了　誰便愛到至死都美麗
我在跟你爭執過後
靜得仿似逆掛的一束玫瑰
沒有花樽可以養活約誓
淡到似乾花卻不會誓
仍在等　等絢麗　一世

就算真的等到是愛再萌芽
然後我會不再迷信結果開花

1st day at sch~

今日第一日返學，頭一堂marketing management都唔知做過d咩... 上到第二堂consumer behaviour個人先至話返返黎，可以take下notes...

第一日上堂集中唔到，個人好忟呀~~~ 仲差d怨係d missy教得唔好添... (我好掛住samson同maggie呀......)

希望之後d堂都可以好好睇睇... 最緊要學到嘢~~~

*****

呢幾排發生太多事...
我唔會再自責......
一笑置之囉~
因為，呢個世界上，令人為之氣結o既事情實在太多太多，我可以控制得到o既又實在係太少太少。

真係唔講粗口都唔得呀~~~~~~

無題

「他們彼此深信
是瞬間迸發的熱情令他們相遇。
這樣的確定是美麗的，
但變幻無常更為美麗。」

今日睇左763092同784533既故事，
真係唔識俾comment呢套戲...

*****

今季轉新look~

中秋節

正日食左晚飯就入黃金海岸玩~
我同一班朋友仔去賞月、挑燈籠、開大食會~~~
仲有扭扭樂玩添呀~ haha~~~

半夜三更梗係吹水o既時候啦，大家由開頭玩truth or truth變到後來玩sharing，輪住黎講~

唔好意思我真係好眼瞓... @_@

七點幾出返荃灣，再同幾個人一齊去左標記食早餐~~~ 如果唔係向左走向右走咁晏先有場，我地一定hea到夠鐘睇戲再睇埋先返屋企囉~

o係邊度開始就o係邊度結束。
非常好。

*****

話說我同班朋友仔食左早餐就左屋企昏迷。

瞓瞓下收到我小學老師o既電話，係小時候choir既陳先生，而家做左副校長啦~ 佢叫我幫手搞校友會喎~ 我梗係"lur"飯應啦~~~ 之後再同佢天南地北咁亂吹左一輪，又問左好多先生o既近況~~~ 佢話佢記得我所以搵我搞喎~ 唔理係咪真都好，真係開心死呀~~~

同陳先生講完電話又走左去瞓...

瞓到五點左右扎醒，差d唔記得自己原來約左班oc出黎玩~~~

出到去天后一個叫做大坑o既地方，join大家一齊睇舞火龍~ 都算係開眼界啦~ 睇完舞火龍之後去左維園睇花燈~ 但係可能因為大家都肚餓，所以好走馬看燈，影左d相就拿拿林走左出去~ o係維園門口hea得仲耐過o係d花燈度囉~

再之後去左neway唱k buffet~ 唱通頂(雖然我中途都有瞓覺)... @_@

真係不得不提~~~ jacky唱王力宏真係好得架喎~~~ 好嘢~~~

本來諗住三點返屋企，但係一醒起自己身處港島區，返屋企要轉三程車咁多就好無癮... 一時意氣... 決定留到有地鐵為止，哈哈~~~ 如果我可以一程車返到屋企就好lu......

又同佢地去食左早餐先返屋企~ 我呢兩日o既正餐都係早餐囉...

仲有一句：而家我著裙好出奇咩??! 駛唔駛起哄到成條街都知呀... 大家咁樣，我以後都著褲嘞... (哈哈哈哈~~~~~~)

*****

任性

喜歡唱歌　感人的歌　它讓我覺得愛是對的
睡不著　我就醒著　不再讓日子被打亂了

寂寞很吵　我很安靜　情緒很多　我很鎮定
因為投入　所以放棄　不願再被痛醒

固執算不算任性的要求　付出也可能看不到結果
終於你還是選擇了放手　用逃避　讓感情犯錯

喜歡唱歌　動人的歌　它讓我獲得一點心得
得不到　我就放掉　不去碰觸到我的需要

承諾算不算任性的要求　人總是不能太容易感動
當愛失去自我失去包容　只想要　從混亂解脫

喜歡聽歌　動人的歌　它讓我覺得愛是對的

踩到盡o既一week...

瞓唔到--->O'Camp--->冇得瞓--->返工--->補習--->黃金海岸--->通頂--->灣仔--->通宵k......

哈... 哈哈......

O' Camp

我用左一個好很差o既精神狀態出發去O'Camp...... @_@

第一晚頭好痛，冇同佢地玩...

第二朝起身個頭仲係好痛... 都唔知咩事... 但係又要撐... 真係想喊 >_<
不過唔知點解，玩完個水戰、濕左一身之後就咩事都冇~ 可能真係發洩左d嘢我唔知卦~

i love 水戰~~~ 好玩~~~

checkpoint games' time management搞得好好~ 錫晒你地呀~

campfire...... =_="

我有嘢講：「請你先尊重自己。我唔dee你唔係因為俾面你，係因為我想同你講多一隻字o既意慾都冇咋喎... 唔kur咪出聲囉~~~ 呵呵呵~~~」

o係最短o既時間之內已經做左最多o既嘢，都算盡左力啦~
the camp is over, what a relief~!

*****

最鐘意OC房~~~~~~
大混戰好好玩~
truth or dare仲變態... 好驚呀~~~~~~
呢班人好癲~
no limit~~~~~~

我無端端俾人踢左入會... *_*

多謝OC(尤其係gammill, leo同埋jacky)~
大家都咁關照我呢個「臨危受命」既vice~
玩咩都預埋我~~~
玩親都係我~
玩得好開心呀~~~ >@<

快d出黎慶功~~~ 再玩過~~~~~~

tired... @_@

擒日同我老細去左鐘錶展(做苦力)，大開眼界~
不過好"支力"...

去完會展留返o係灣仔，因為SA要開E，都係"支力"...

本來有好多嘢想打，但係我真係好"支力"...... >__<

that's all no more.

只剩下鋼琴陪我談了一天
睡著的大提琴 安靜的舊舊的

我想你已表現的非常明白
我懂我也知道 你沒有捨不得

你說你也會難過我不相信
牽著你陪著我 也只是曾經
希望他是真的比我還要愛你
我才會逼自己離開

你要我說多難堪 我根本不想分開
為什麼還要我用微笑來帶過
我沒有這種天份 包容你也接受他
不用擔心的太多 我會一直好好過
你已經遠遠離開 我也會慢慢走開
為什麼我連分開都遷就著你
我真的沒有天份 安靜的沒這麼快
我會學著放棄你 是因為我太愛你

返工第二日

今日係我第二日返工。

又係整document同埋o係辦房入面分辦o既日子... 好多好多錶，我而家覺得隻隻錶都係一模一樣... @_@

本來五點半放工，五點三我老細先叫我學報價... 睇住咁大"彈"嘢真係欲哭無淚...... 不過我好快就學識左啦~~~ heehe~

打埋d quotations已經六點，電腦都收埋諗住走啦，點知我老細叫我覆多個email喎... 真係勁灰囉，唔通你同我講「如果趕時間可以走先」咁我就真係走得咩... 超過份!!! >_<

執埋聽日過會展要用o既所有嘢，我終於都走得啦~ 六點八...

不過，我都係呻下o者~ 反正我真係學到嘢~ 一隻錶分幾多部分要幾多重工序，每樣幾多幾多錢... 計完港幣之後唔該折返做美金丫~

*****

出左旺角同班oc食飯，見到阿琪同phoebe，個感覺冇生疏到，但係我真係俾好多其他嘢occupied左... 好少同佢地吹水呀... 不過唔打緊，遲d補返數啦~~~

我豪氣左、大個女左???!! 係呀... 係用血同埋淚換返黎架~

唔講住，聽日晨咁早要去會展~ 唔奢求會傾得成任何一單生意，但係可以開開眼界、睇下真正o既business exhibition真係好期待~

妳聽得到

有誰能比我知道　妳的溫柔像羽毛
秘密躺在我懷抱　只有妳能聽得到
還有沒有人知道　妳的微笑像擁抱
多想藏著妳的好　只有我看得到

站在屋頂只對風說　不想被左右
本來討厭下雨的天空　直到聽見有人說愛我

坐在電影院的二樓　看人群走過
怎麼那一天的我們　都默默的微笑很久

我想我是太過依賴　在掛電話的剛才
堅持學單純的小孩　靜靜看守這份愛
知道不能太依賴　怕妳會把我寵壞
妳的香味一直徘徊　我捨不得離開

我想我是太過依賴　在掛電話的剛才
堅持學單純的小孩　我捨不得離開

*****

我鐘意呢首歌~

《50男生要女生知道的心事》

０１）「喊」即是威脅我。

０２）我唔會每秒鐘都掛住你，你要接受這事實。

０３）我見到靚女一定會望，這是天生的。

０４）我係鍾意 SEX 和有性幻想的。

０５）不過胸太大或胸圍太硬都幾得人驚。

０６）我唔講野唔等於我唔愛你。

０７）你最好都有自己的目標和理想。

０８）你著乜都好睇，真的（因為我未必有留意）！

０９）唔好問我覺得你靚唔靚。

１０）我對你用甚麼化妝，護膚品無興趣。

１１）唔好迫我塗潤唇膏。

１２）唔好期望我會在返工或上堂時間 CALL 或 SMS 你。

１３）好多時答 YES 或 NO 就夠了。

１４）「唔知呀，你話啦！」唔係答案。

１５）如果你日日都因為 M 而情緒波動，唔該你去睇醫生。

１６）如果我講ｄ野令你覺得有兩個解釋，其中一個會令你好傷心，我地其實係想表達另一個意思。

１７）唔好無病呻吟，你最好相信《狼來了》的故事。

１８）你一係就話俾我知你想我幫你做咩，或者點樣可以完成。唔好又叫我幫你做又要教我點做。

１９）十二歲以下的女孩才有權扮 CUTIE。

２０）可以的話，自己換麥當勞送的公仔。

２１）手袋可唔可以唔掛「啷啷」，毛公仔？

２２）可唔可以唔同我討論電視劇同 HELLO KITTY？

２３）唔好叫我幫你挽手袋。

２４）唔好批評我的兄弟老友。

２５）大庭廣眾怕醜、唔出聲不叫斯文。

２６）唔好成日話「我ｄ friend話咁咁咁」，你d friend 點諗，關我咩事。

２７）盡量不要將我地拍拖的細節亳無保留地話俾你d friend 知。我都想有私隱權。

２８）除左我，你還有其他興趣或嗜好嗎？

２９）有無一樣運動你懂的呢？

３０）你可以唔識打機，不過最好俾我打。

３１）我唔使減肥，所以唔好阻止我食 JUNK FOOD。

３２）唔好要求我做道明寺。

３３）溫柔不等於依賴。

３４）爽朗不等於無禮貌。

３５）腌尖聲悶不等於高貴。

３６）無主見不等於尊重我。

３７）遲到不等於多人追。

３８）你打扮得太誇同我去街我會驚。

３９）不要偷偷在我的文件或功課上貼 CUTIE 貼紙。

４０）雖然我未必睇到，但內衣最好光鮮乾淨。

４１）最好不要日日作 OVERSIZE 的 HIP HOP 的打扮。

４２）無必要不用穿得太性感。

４３）是不是任何時候任何場合都需要化妝？

４４）唔好三句唔埋又話要減肥。

４５）不要在公眾場合怪叫或大驚小怪。

４６）不要 CHECK 我電話的來電顯示。

４７）我都會有女性朋友。

４８）我唔想知你同你舊男友的事。

４９）你都最好也不想知道我和我舊女友的事。

５０）我想講 I LOVE U 的時候自然會同你講。

無題

「用爛泥蓋房子，到頭來還是一堆爛泥。」

why everything is such a mess???!!

我忍...

返工

我今日第一日返工，做一間剛剛成立o既成錶公司o既開荒牛仔~

對於鐘錶，我之前真係一d都唔識，但係我今日識左好多嘢~ lunch之後o既時間全部都係用黎執錶辦，睇到眼都花埋，但係d錶都幾靚，我睇中左幾隻~

我今朝整左好多document，我覺得自己好叻呀~ heehe~ 出黎做嘢先知，原來document真係非常十分之重要~ 咩都要black and white架~

之後幾日，我會跟我老細去鐘錶展搵生意~ 希望唔會太難啦~~~ 我覺得，自己真係貼近marketing啦而家~ 講唔上係學以致用，但係in practice我想攞多d經驗囉~

給SA---一班傻豬仔 ^^

前兩日發生左一d事，令我覺得好驚好惶恐好冇安全感。

大致上係因為感覺到被人出賣，覺得自己好蠢、好拗底。我對呢個人係百分之二百咁好，因為全世界唔理佢我都保佢，但到頭來呢? Dee你丫… 我唔係叫佢要偏幫我，但係佢咩身份、咩用意先? 你唔可以「利用」完我之後再同我講「take care」囉。

而家諗返轉頭，我又唔明點解我仲會一直care佢既感受，可能我覺得我有責任卦，我好驚、覺得好矛盾。我好怪自己，因為我係一路都知會有呢d問題，但係我冇好小心咁aware過，好傻好傻呀。我覺得呢個人真係好恐怖，我已經諗唔到其他方法去面對佢。

點解我會對人咁好呢? (雖然我有時好串、把口好衰、好刻人憎…) 我都唔知點講，件事太長太複雜，我唔會都唔想再多講。之後先到呢個人，我會一d反應都冇，又或者係當咩都見唔到。

總而言之，我咁失常唔係因為「果班人」，佢地唔算得係d咩~

Anyway，被恐懼感完全侵佔果下，我覺得自己真係「熱煱上的螞蟻」。有畫面，但係好似個個人都差唔多樣(???!!)，見到「某種服飾」會好驚、會彈開，思考唔到整理唔到一句野講出黎、想打人想砍柴(haha~)，好冇安全感，一定要捉住d野… 呼吸困難… 好頭痛… 大致上係咁啦~ 可能大家都覺得好誇張，但係係真人真事，我唔講大話架~

人，真係一種好恐怖o既動物。

以後，我會manage得好一百倍~~~

嚇親大家、咁失儀，真係好唔好意思 =_=” 但係我都好多謝各位咁担心又咁關心我~ 我真係好愛好愛今年o既SA~~~~~~~~~~~~

尤其係wendy, jenny, joyce, amanda, yuki, marjorie, louis, aubrey, king同埋表哥~~~ 入左space咁耐，我un唔開心都唔會喊，我以為我大個女冇以前咁眼淺~ 我竟然俾你地見到我個咁崩潰o既樣，原來係因為我咁依賴大家~ you guys weigh more than I think, heehe~~~ I love you all~~~

Jeannie’s info--- Thank you. 你們給我的歡樂遠勝那些遺憾 >@<
Absoultely.

-----

original text w/ picture, click here~

《50個女生要男生知道的心事》

０１）我「喊」，無論是否你的錯，你都一定要哄我。

０２）我都唔會每秒鐘都掛住你，大家咁話。

０３）我見到靚仔都會望，這也是天生的。

０４）我「哦」你都是因為我關心你和緊張你。

０５）你唔使係有錢仔，但最好都有比較遠大的目標和理想，在未來有成為一個有錢佬的可能。

０６）同我出街時，可唔可以梳番個頭同剃鬚？

０７）我知我唔係全世界最靚，但我希望你覺得我係，時不時要讚我人靚歌甜樣靚身材正可愛溫柔同得意。

０８）當我剪了兩吋頭髮打了少少眼影穿了對新鞋時希望你會留意到。

０９）所有大時大節紀念日同生日，你必須全部都記得。

１０）我所有濕濕碎碎野都好想同你分享，例如我用咩化妝品同護膚品，雖然你未必會明，但希望你會扮聽。

１１）當你滔滔不絕地發表你對工作細節電腦軟件NBA英國足球聯賽等等的意見時，我其實也是在唯唯諾諾地扮聽。

１２）得閒做下磨砂同黑頭鼻貼，否則我會在凝望你時不自覺地望住你鼻上的黑頭同粗大的毛孔。

１３）你臨訓前可唔可以刷牙？

１４）你唔需要好靚仔，但一定要乾淨。

１５）我 M 時係大哂，可以大條道理發脾氣，你最好一個月忍我幾日就哂我。

１６）我會假設你懂得操控及修理任何電器，包括電腦相機電視機錄影機及HI-FI等等。

１７）有很多事我並不是不懂得做，只是不想做就扮唔識。

１８）每日去任何地方時都要 CALL 話比我知你位置及同邊個一齊，比我清楚哂你的行蹤。

１９）同一個笑話同話題，可唔可以盡量唔講得多過廿次？

２０）我發脾氣CUT你線，其實係想你即刻打番電話來再哄我。

２１）如果迷路時，可唔可以快快趣趣向途人問路，唔好逞強拉住我走來走去行好多冤枉路？

２２）我唔介意你有少少肚腩，但盡量唔好太肥，亦唔好比我瘦。

２３）太大隻既肌肉型男人一D都唔MAN，係好驚。

２４）我會好介意你有一Ｄ有不良嗜好的「兄弟老友」，認為佢地一定會帶壞你。

２５）在我的朋友面前，我希望你可以表現得比平時更錫我同緊張我。

２６）我煮飯比你食時，你唔可以覺得係奉旨，一定要「話」好食。

２７）琴棋書畫各類運動唱歌寫文章當中，希望你最少會有一樣好叻（打機唔算），其他最好樣樣都識少少。

２８）你要欣賞我的工作。

２９）大男人唔等於霸道。

３０）溫柔唔等於無主見。

３１）瀟洒唔等於無交帶。

３２）不羈唔等於烏where。

３３）我鍾意你努力工作，但都要盡量抽時間陪我。

３４）唔好成日問你約會去邊度好都話「是旦」，咁唔叫就哂我只係表示你無心思。

３５）如果我有朱茵的身型，我唔介意穿得像個性感尤物。

３６）如果我同你講話要減肥，其實最想聽到你同我講：「你一Ｄ都唔肥，唔使減啦，我鍾意咪得囉。」

３７）我跟你說話的時候，唔知點解聲音會比平時嬌嗲同低Ｂ。

３８）CHECK你電話的來電顯示是我的嗜好之一。

３９）你最好唔好有任何女性朋友、紅顏知己或契姐契妹之類的物體。

４０）我有男性朋友係好正常。

４１）我希望你的女同事全部都是師奶呀嬸醜女或肥婆。

４２）我好有興趣去知道你同你舊女友的事，愈詳盡愈好。

４３）我有時都會掛住舊男朋友、以前暗戀過的男生、華dee梁朝偉同藤木直人。

４４）無論拍左拖幾耐，我都渴望你時不時比Ｄ驚喜我。

４５）你要時不時對我講「我愛你」，否則我會假設你唔愛我。

４６）（回應＊大庭廣眾怕醜、唔出聲不叫斯文）大庭廣眾粗口爛舌唔係叫有型。

４７）（回應＊你打扮得太誇同我去街我會驚。）你完全唔打扮同我去街我仲驚。

４８）發脾氣時要即時哄番，唔好比時間我冷靜下，其實我完全唔需要時間冷靜。

４９）雖然已經有左你，但如果有人追我都會沾沾自喜。

５０）購物是女人的天性，請不要阻止或對我的購物行動有甚麼意見，最好間唔中資助下我。